Yelemiya 49:28 - Amazwi Yakwe Leza 2013

²⁸ Apamulandu wakwe Kedali na pali yakateeka ya musumba wa Hazoli, uno yapokolwile kuli Nebukadineza umwene waku Babiloni, Yawe wavwanga wati, “Katukini, mukalwisye Kedali, mulovye na antu aku ufumondaka.

Yelemiya 49:28 Referans Kwoze

Ezaya 11:14

Yoili kwene yalazanza aina Filisti lwaku uwondaka nu kupokolola ivyuma ku antu akaikala uku ufumondaka. Yalacimvya aina Edomu na ina Moabu. Na ina Amoni yalauvwila kunoyali.

Yakapingula 6:3

Lyonsi lino aina Izlaeli yalima ivilimwa vyao, aina Midyani yiiza pamwi na ina Amaleke nga na amu mitundu yuze yamu lwanga iyayazanza.

Utandiko 25:13

Yaa ali mazina ya ana yakwe Isumeli aonsi mu kulondenkana kwao: Nebayoti wali iyeli lyakwe Isumeli, nga a Kedali, Adibeeli, Mibisamu,

Ezekelo 27:21

Aina Alabya ni ntunguluzi zyaku Kedali zyonsi, nayo kwene yaculuzyanyanga nawe, yakulipilanga utwana twa mfwele, yasuuku nga na yasawe.

Yelemiya 49:14

Nga nani navwanzile inti, “Edomu, ala natinuvwa amalamulo ukufuma kuli Yawe, inkombe yatitumwa, ku kunena imitundu yonsi ukuti, ‘Kolonganini mulwisye umutundu uu. Katukini mulwe!’

Yelemiya 2:10

Pitangini ku cilila ca Kitimu mukailolele mwenga, tumini intumi ku Kedali lwaku ufumondaka yakalolekesye. Uzye kwene kwatala kwaloleka icintu camwata ndi uu?

Yelemiya 49:33

Hazoli alasanguka incende yakwe yankusa, ulwanga lwa pee. Mutalatala mwikale umuntu nanti wenga. Kusi nupya nanti wenga wino alakuula mu cifulo cao.”

Ezaya 42:11

Lekini ulwanga ni misumba iyaya mwenemo vilumbanye Leza. Lekini aina Kedali yamulumbanye. Lekini aina Sela yamwimbile nu luzango, yumile nu tupundu apapela apa myamba.

Ezaya 21:13

Amazwi asowilwe pamulandu na Alabya. Mwe ina Dedani, mwe muno mukapita mu maumba maumba, mukutemwa uku kuula insakwe mu mawanga ya mpanga ya Alabya.

Lwimbo lwakwe Solomoni 1:5

Mwe anaci amu Yelusalemu, endi nanti nemo nafita, lelo nene muyembe. Nemo nafita wa mataalu aku Kedali, lelo nayemba wa nsalu zyakucingilikizya zyamu ng'anda yakwe Solomoni.

Yobo 1:3

Wakweti imfwele amazimbi cinimbali, ingamila amazimbi yatatu, yamasaye izimbi lyonga nga na yapunda imyanda isano. Wakweti na aomwi aingi sana. Wali umuntu mukama wakwe cimwi ukuluta antu yonsi amu mpanga zyaku ufumondaka.

1 Milandu 1:29

Ana aonsi yakwe Isumeli ali yano yizile yaya ivikolwe vya mitundu iyo: Nebayoti wali iyeli lyakwe Isumeli, nga a Kedali, Adibeeli, Mibisamu,

Utandiko 25:6

Lelo lino atali kuti afwe walanga wapaatula vyuma vimwi apeela ku ana amu aci yauze. Lyene ayafuntusya kuli Isaki ayatuma ukuya ikala ku mpanga yaku ufumondaka.

Masamu 120:5

Kalanda kunondi, pano nkaikala apakasi ka ikazi aku Mesyeki nanti aikazi aku Kedali.

Yelemiya 25:23

Nupya aku Dedani, aku Tama, aku Buzi na yonsi yano yakapela inkuzu ku mutwe.

Yelemiya 25:24

Yamwene yonsi aku Alabya, yano yakaikala mu lwanga.