Yelemiya 49:24 - Amazwi Yakwe Leza 2013

²⁴ Damasiko wataiteyanya ukuutuka, akuzakaza sile. Ulanda ni ntazi vyati vila vimuzana. Ali kwati umwanaci wino ali pipi nu kulela.

Yelemiya 49:24 Referans Kwoze

Mateo 24:8

Vintu vii uli utandiko wa macuzi akulu cuze.

Ezaya 13:8

Intete zyati ziyalema, nu kucululuka nga na malanda vyati viyizila, kwati umwanaci wino insita yakwe yakulela yatimufikila. Akula yalolekesya iciyapezya amano, apamanso yao patipatuwalala.

Yelemiya 6:24

Antu amu Yelusalemu yakuti, “Twatituvwa ilandwe lyapali alio, nga na makasa itu yatovoka. Intete nazyo zyatizitulema. Cikutunyongoloka kwati umwanaci wino ali pipi nu kulela.

Yelemiya 50:43

Umwene waku Babiloni apakuvwa impwelo pali alio, atandika kuzakaza mu mimfyompo. Pasi pakuteza kwati umwanaci wino ali pipi nu kulela.

Utandiko 3:16

Alino Yawe Leza anena umwanaci ati, “Ndungilizya ucuzi wako pakusenda indilwa nu kuwaika kwa umbuza. Ulatwalilila kulondesya uwako, nga nawe alaya a kateeka wako.”

Yelemiya 4:31

Nuvwile inkuuta kwati izya mwanaci wino ali pipi nu kulela ukuilizyanya kwati a wiyo akwelepa umwana wiyeli. Kwali kuli kulila kwakwe Yelusalemu, wino akwasela sile wataanza na makasa ala akuti, Owe mwe! Nazanzwa! Yene yakwiza ku kunkoma!

Yelemiya 30:6

Tala tekelini, muzyeko! Uzye umonsi angavyala umwana? Uzye pacani fwandi nkulola kuno umonsi ali wensi watalema mu musana wa mwanaci wino ali pipi nu kulela? Uzye pacani cino amausyu yao yatiyasenukila vii nu kuswepuluka?

Yelemiya 48:41

Umusumba wa Kelioti ulapokwa nga na malinga yalapokwa. Mu wanda ulya imyenzo ya vita vyaku Moabu ilaya wa mwenzo wa mwanaci wino ali pipi nu kulela.

Yelemiya 49:22

Silola! Wiyo wino akuwela nu kulelemba wakwe lyang'anda'anda. Akwanza amapa yakwe pali Bozila. Mu wanda ulya imyenzo ya vita vyamu Edomu ilaya wa mwenzo wa mwanaci ali pakulela.

Yelemiya 49:29

Amataalu yao na maufyo yao yonsi visendini. Insalu zyao ni viya vyao vyonsi, ukwikapo ni ngamila zyao visendini ale mukuyapundilila mukuti, ‘Opa, Opa,’ konsi konsi!

Yelemiya 49:37

Indoofya aina Elamu pa cinso ca anisi yao, apa cinso cakwe yano yakapangila kuyakoma. Ndayaletela ulanda, icipyu cane cikalipisye. Ndayalondelela nu lupanga, suka sile ince njalovye pyu. Ivyalanda ne Yawe.

Oseya 13:13

Wene akunyunguluka wa mwanaci wino ali pipi nu kulela. Izlaeli wapelwa insita nayuze yakuya umumi. Lelo wene iciwelewele sana, cakuti aposiwa nu kumanya cico, wa mwana akanya akali pipi nu kuloleka. Lelo lino insita yakako yakuvyalwa yapalama, kene katakasi ukufuma mu ndilwa.

Mako 13:8

Inko zilakatukilana, na mawene yalakatukilana. Kulaya vilundumusi mu ncende zimwizimwi, nga ni vipowe. Vintu vii uli utandiko wa macuzi akulu cuze.