Yelemiya 48:42 - Amazwi Yakwe Leza 2013

⁴² Moabu alononwa wa luko, pamulandu wakuti wene wasangukila Yawe.

Yelemiya 48:42 Referans Kwoze

Yelemiya 48:2

Moabu yatalamulumbanya nupya. Umu Hesyiboni ali muno yakupangila ukuwisya umusumba wa Moabu. Yakuti, ‘Izini kuno, lekini tulovye uluko lulu.’ Namwe kwene, mwemuno mwikala mu Madimeni, yalamulenga ukuya cele. Ivita vilamuzinganya ku lupanga.

Ezaya 37:23

Uzye aweni wino wemo ukatuka nu kusausya? Uzye aweni wino wemo ukuzaukila nu kumutumbila inkansi? Ala asi muntu muze, lelo anene, Wamuzilo wilya wakwe Izlaeli.

Ezaya 7:8

Pasi pano impanga ya Alamu italuta Damasiko, umusumba wa mwenemo uku maka. Nanti sile umusumba wa Damasiko utaluta Lezini amaka, umwene wauko. Aina Izlaeli nayo apa myaka amakumi mutanda na isano ale yasansantika, umutundu wao utalalemana foo.

Umbwilo 13:6

Citandika kutuka Leza, izina lyakwe ni ncende ino akaikalamo, nga na onsi akaikala mwiyulu.

2 Tesalonika 2:4

Wene alaitumika nu kukatukila camuzilo consi nanti cino antu yakati leza. Wene alikala mu Ng'anda ikulu yakwe Leza nu kuitaka vino wene a Leza.

Mateo 7:2

Pano vino mukapingula auzo avino namwe mulapingulwa. Pelini namwe mulapelwa. Mulapelwa cilingilo cisuma cisindelwe, pano cilingilo cino mukalingila auzo, acino namwe Leza alamulingila.

Danieli 11:36

“Umwene waku Silya alacita ndi vino akasi. Wene alaitakizya ukuti umukulu kuluta Leza ali wensi, nupya alusile Leza Wapapelapela. Wene alacita cico ukufika lino Leza alamuvunuka. Leza alacita ndi mumu kwene muno wetetwile ukucita.

Yelemiya 30:11

Pano indi nawe apakukupususya. Ndalovya imitundu yonsi muno nakusalanganyizizye. Lelo wemo ntalakulovya foo, ndakukalipila sile kulingana ni nsambu pano limwi ungasyala vivyo kwene ukwaula ku kukalipila.”

Mapinda 16:18

Icilumba icikakolelela uononesi, ukuitutumula umu mwenzo, ukukakolelela ukuongoloka.

Ezaya 16:14

Nupya na pilelo Yawe akuti, “Pa myaka itatu sile, iyakupenda wa myaka ya muntu wa ncito, uwene ucindamisye uwa mpanga ya Moabu ulazewana. Nanti angakwata antu avule wakwe cimwi, lelo yalasyala ancepelwa sile, anyaluluke nupya aulwa na maka.”

Ezekelo 35:13

Nemo nkauvwa amazwi yonsi acilumba, yano ukavwanga civwangevwange pali nene. Ala nemo nkauvwa sile vyonsi.