Yelemiya 48:37 - Amazwi Yakwe Leza 2013

³⁷ Cila muntu lyene watapela ulukuzu ku mutwe nga apeela ni vilezu. Iminwe yakwe ali wensi yaticembolwa. Yonsi yatiyapeteka ivyakuzwala vya ndosya mu misana.

Yelemiya 48:37 Referans Kwoze

Yelemiya 47:5

Antu aku Gaza yatiyapela inkuzu apakulosya. Umu Asyikeloni mwazuka. Nawe we Asyidodi, wemuno wasyala mu ina Anaki, uzye umaicembola mpaka lilaci?

Yelemiya 41:5

kwizile kweneko aonsi amakumi cinani ukufuma ku Syekemu, uku Syilo nu ku Samaliya. Ala yatiyapela ni vilezu, yatiyalepola insalu zyao nu kuicembola imiili monsi monsi. Yasenzile vyakutuula uwila ni vyakusukilizya ivyakutwala ku Ng'anda ikulu yakwe Leza.

Utandiko 37:34

Lyene Yakobo alepula mwingila wakwe, azwala visamu mu musana ukulanga ulanda. Nga alosya umwana wakwe umonsi pa manda aingi.

Yelemiya 16:6

Akama na apina yalafwa mu mpanga kwene ii, lelo kusi umwi alayazika nanti kuyalosya, nanti uwakuicemba nanti ukupela ulukuzu apamulandu wao.

Ezaya 20:2

Apa nsita kwene ilya walanga Yawe wavwanga mpiti ukupitila muli kasema Ezaya umwana umonsi wakwe Amozi. Wene wamunenyile ati, “Yanga ukazuule insalu zyako zya ndosya nga ni ndyatu uku ngazo zyako.” Ezaya nawe ali pakucita cico, ala akupita tupu ukwaula nanti ndyatu uku ngazo.

Umbwilo 11:3

Nani ndatuma yakambone yane yaili ale yazwite masaaka, yene yalakosola ilandwe lyakwe Leza mu manda kulingana ni zimbi lyonga, myanda iili na makumi mutanda (1260).”

Mako 5:5

Musanya nu usiku wapitananga sile mu malindi nu mu myamba, ala akupunda nu kuitemola ku mawe.

Mika 1:16

Mwe antu aku Yuda, pelini inyele, pakulanga ukuti mukulosya ana inu yano mwatemwa. Mule mupele ulukuzu mpaka muloleke wa makozi, pamulandu wakuti ana inu yalasendwa uku uzya.

Amosi 8:10

Ivimulo vinu vya mapepo ndavisenula viye ukulosya, ni nyimbo zinu zyaluzango ndazisenula ziye zyandosya. Mwensi kwene ndaleka yamuzwike ivyakuzwala vya ndosya nu kumupeela ulukuzu. Mulaya wa akwasi yano yakulosya umwana wao umonsi wenga mpo. Uwanda ulya ulaya uwakunyunguluka ukufika napa mpela.”

Ezekelo 27:31

Yalapeela inkuzu pamulandu wako nu kuinyepelela amasaka mu misana. Mu kutovoka kwao, yalasaula ulwimbo lwa ndosya umu kunyunguluka.

Ezekelo 7:18

Yalazwala masaka, yalazakaza imili yonsi. Pa mausyu yao palaya insonyi na pa mitwe yao yonsi palapelwa inkuuzu.

Ezaya 37:1

Lino umwene Hezekiya uvwile umulandu, papo kwene alepola ivyakuzwala vyakwe apakulanga ulanda. Alino azwala ni visamu nga aya nu mu Ng'anda ikulu yakwe Yawe.

Ezaya 3:24

Apali icinunu icisuma, palaya akafungo. Apanyepwanga umusipi, palaya umwando. Apali ulunyele ulutelepe, palaya ulukuzu. Apali insalu zyamutengo, palaya ulusamu. Apali ukuyemba kwa mwili palaloleka ivyawinyi ivyakuleta insonyi.

2 Yamwene 6:30

Lino umwene wilya uvwa amazwi ya mwanaci wilya, alepula ivyakuzwala vyakwe. Lino umwene akulyatokela pi linga, antu ali mukasi pipi ni linga yalola ukuti umwene azwite ivyakuzwala vya ndosya mukasi ka vyakuzwala vyakwe.

1 Yamwene 21:27

Lino Eliya wamala ukulanda, Aabu alepola vyakuzwala vyakwe, avizuula azwala ni nsalu zya malanda, nga afunga ukulya. Alala vivyo kwene ala azwite insalu zya malanda. Napakupita, atontongela sile.

1 Yamwene 18:28

Acimo yakasema yaya pali pakulemasya kupepa Baali. Yatandika nu kuicembola ku vipeni nu kuitotola na masumo ukulingana na vino aisikulu yatailanga ukuti ali kuisangulula icakuti na mawazi yamati na cacacaca!

Aina Levi 19:28

nanti kukala inkalo nanti kukala mpoloto pa mili inu pa kulosya. Nene indi Yawe.

Utandiko 37:29

Lino Lubeni waswilile ku cifula ku kulengula, azana Yosefu asimo, nga alepola vizwalo vyakwe, kulanga ulanda.

Yelemiya 49:3

“Mwe ina Hesyiboni, losyini! Ai wataononwa! Mwe anaci amu Laba, pundini muipombelekezye ivisamu mu misana. Losyini, mwalukuzeuluka kuu na kuu, mukasi ki liinga. Pasi pano lyene Milikomu akuya umu uzya, kumwi na yasimapepo ni ntunguluzi zyakwe.

Ezekelo 29:18

“We mwana wa muntu, Nebukadineza umwene waku Babiloni, watatuma ivita pamwi ni vita vyakwe ku ulwi ukalamba uwa kulwisya Tuli. Yonsi yatiyapela inkuuzu ni viye vyonsi vyativikuzoka. Lelo umweneco wa vita vyakwe yataweni icilambu pa mulimo onsi uno yaombile ku Tuli.

1 Milandu 19:4

Acino Hanuni alema inkombe zizi zyakwe Davidi, azipela inyele, aputola ni vizwalo vyao lwamu ntungu, nga ayazinga.