Yelemiya 48:35 - Amazwi Yakwe Leza 2013

³⁵ Namalovya umuntu ali wensi umu Moabu, wiyo wensi akutuula impolelwa nu kocela ka leza kakwe ubani, umu ncende yakupepelamo.” Ivyalanda ne Yawe.

Yelemiya 48:35 Referans Kwoze

Ezaya 16:12

Aina Moabu yakusunta ukuya umu kupepa, apa ncende zyapa myamba, nu mu mang'anda yao, ya mapepo, lelo kwene yakuicuzya sile.

Ezaya 15:2

Aina Diboni ali pakutumbela umulundu nu kuya ku ncende ya kupepelamo, akuno yalosezya. Pali pakulilila Nebo na Medina, imisumba yao. Pa nsita iyo ala yatiyapela inkuzu uku mitwe, ni vilezu pakulanga ulanda nu kulilizika.

Yelemiya 48:7

Pamulandu wakuti mwemo mwataila mu vicitwa vinu nu mu vyuma vinu, namwe kwene mulasendwa mu uzya, nga na Kemosyi alasendwa mu uzya, kumwi na yasimapepo yakwe nga na makombe yakwe.

Yelemiya 11:13

Utuluwi kwene tuno antu amu Yuda yakwata twalingana ni misumba ino yakwata, nga aikazi amu Yelusalemu nayo yakuula utuvuwa utwakutuulila Baali impolelwa, kaleza kapupane, nato twalingana sile ni miseo yamu musumba kwene uu.

Mpendwa 28:14

Papela yakwe cila cipambasi, muce mwalunda penepo uwila wa vyakumwa ukulingana icipimo ca malita yasano, pali suuku nawe amalita yatatu, alino pali cila kana ka mfwele napo amalita yaili. Fwandi uwo nayo uli wila wakwe cila mwezi uwakoca nu kupeela pali cila ndoleko ya mwezi mu mwaka.

Yelemiya 7:9

Mwemo mwatemwa ukwiya, ukukoma antu, ukucita uzelele, ukulapa imilapo ya ufi, ukocela Baali ubani, nu kupepa tuleza tuuze tuno mutamanyile mpiti.