Yelemiya 46:7 - Amazwi Yakwe Leza 2013

⁷ “Aweni wiya uwakatuka ungati a Nailo, ungati inguzi zya manzi akasambela uku vituntu?

Yelemiya 46:7 Referans Kwoze

Yelemiya 47:2

Wene wavwanzile ati, “Lolini vino amanzi yatumbalala ukufuma ku kayeya. Yali kwati uluzi ulwati luzula, yakuunzya impanga kumwi na vyonsi ivyayamo, imisumba na ikazi ya mwenemo. Antu yakupunda, na ikalansi yonsi yakulila ulanda.

Danieli 11:22

Ali wensi wino alamusangukila, nanti angaya a Simapepo Mukulu wakwe Leza, wene yalamukoma nu kumulovya.

Umbwilo 12:15

Alino cizoka ciswila mwanaci manzi aingi kufuma mu mulomo wakweco kwati luzi, kuti mukuku umusende.

Amosi 8:8

Acino insi ilatenkana, nga nu muntu wensi mu mpanga alanyunguluka! Impanga yonsi ya pansi ilasunkana wa Luzi lwa Nailo, yene ilakatuka nu kupona wa luzi lwa Nailo waku Eguputo.”

Danieli 9:26

Alino apa mpela ya nsita ilya Musololwe Wilya wakwe Leza alakomwa mu kufyengwa. Umusumba kumwi ni Ng'anda ikulu yakwe Leza yalavyonona ku vita vya mwene wa maka vino viliza. Impela iliza wa mukuku, nga ilaleta inkondo nu ononesi vino Leza wateyanya.

Ezaya 63:1

Uzye aweni wilya wino akwiza ukufuma mu musumba wa Bozila, mu mpanga yakwe Edomu? Icakuzwala cakwe icamaala maala nupya icausaka. Akukumpoka na pakupita na maka. Ala si a Yawe Wamaka, Katuula wa antu. Ali wino wiza ku kumanyisya antu pa lwa kucimvya kwakwe.

Lwimbo lwakwe Solomoni 8:5

Uzye aweni wilya akwiza akufuma mu lwanga, iyalemana makasa nu mukundwe wakwe? Umwisika lya muti umu apo nakuzyuzile. Kuku akuno nyonko wakusenzile umu ndilwa, akuno wene wakuvyalile.

Lwimbo lwakwe Solomoni 3:6

Uzye aweni wi akufuma mu lwanga kwati mvumba ya cunsi, ala cikuleta cinunu cisuma cakwe mule ni ca ubani ivyapangilwa ni vya cinunu cisuma vya aculuzi?

Ezekelo 32:2

“We mwana wa muntu, imbila Falao, umwene waku Eguputo, ulwimbo lwa ndosya. Umunene ilandwe lii uti, Wemo ukoline na cisama apakasi ka nko. Ukoline na mung'amba muli yemba wino akuitamola apa manzi

Danieli 11:10

“Ana yakwe aonsi yalaiteyanya ku kulwa inkondo nu kukolonganika impuka ya vita ikulu. Umwana wenga pali yayo alafuma watauwa wa mukuku nga alwisye umusumba wa anisi uwa malinga.