Yelemiya 46:5 - Amazwi Yakwe Leza 2013

⁵ Nupya Yawe anguzya ati, “Uzye ivyani vivi vino nalola? Iye mwe! Yali ni ntete wakwe cimwi. Yaweluluka cundansizi. Ivita vyao vyumwa, yutuka ulwilo, kusi nu wakupepela icisila. Akasokonda konsi konsi.” Ivyalanda ne Yawe.

Yelemiya 46:5 Referans Kwoze

Yelemiya 49:29

Amataalu yao na maufyo yao yonsi visendini. Insalu zyao ni viya vyao vyonsi, ukwikapo ni ngamila zyao visendini ale mukuyapundilila mukuti, ‘Opa, Opa,’ konsi konsi!

Yelemiya 6:25

Cisi cakwezya umwi kufumila mu vyalo nanti umu nzila. Pasi pano mwene muli ulupanga lwa mwanisi. Uzanzo watiutulizizya konsi konsi.”

Yelemiya 46:21

Asilika ivipondo yano yali nayo, yakoline wa ana ya ng'ombe aine. Yonsi pamwi yaseleuka nu ku lupuuka. Yaposiwa kuzyansya pano uwanda wa kuzanzwa wati uyazana, insita yao yakuvunukwa.

Naumi 2:8

Antu amu Ninive yali wa ciziya, icati cipongoka na manzi yakweco yakwikilila. Antu yamwi yakupunda yati, “Imililini! Imililini!” Lelo kutali uwakuswilila mwenemo.

Ezekelo 32:10

Vino ndacita kunuli vilazungula antu avule. Yamwene yao nayo yalakankamala sile uku ntete pakutezela wewe. Apa wanda wakuwa kwako cila wenga alazakaza uku ntete apakutezela umi wakwe.

Yelemiya 46:15

Uli kuko we Apisi, uzye watupuka? Uzye ivita vyako vyativizyansya? Yati yatenulwa kuli Yawe.

Yelemiya 20:10

Nemo nkuvwa kuno antu aingi yakutotozana, yati, “Ingofyo konsi konsi! Si mulandililini! Lekini tumulandilile!” Nayacuza yane kwene yakulolela kuti nduvyanye cimwi, ala yakuti, “Limwi yangamulyongofya, nga naswe tucite cilanduzi kunoli.”

Ezaya 19:16

Mu wanda ulya aina Eguputo yalaya ungati anaci, yalaizakazila sile uku ntete, apakulola Yawe Wamaka yonsi kuno watazunzula ikasa lyakwe apa kuyafulula.

Utandiko 19:17

Mungeli wenga ayanena ati, “Utukini mufyusye umi winu. Mutapepela icisila nupya mutimilila mu cifoloma. Lelo utukilini ku mwamba pano limwi mungaya nkupilwakumwi.”

Ezaya 5:25

Fwandi Yawe watasokela antu yakwe. Wene watazunzula ikasa lyakwe apakuti ayapame. Imyamba imatelengananga. Alino ivyala vya antu yayo amafwanga, vimasyalanga ntangali ntangali umu miseo yamu musumba kwati sile ivikona. Yawe atalatala ate ukusoka. Alasyala sile ndi muno walawazunzwila ikasa kuti ayapamola.

Ezaya 13:8

Intete zyati ziyalema, nu kucululuka nga na malanda vyati viyizila, kwati umwanaci wino insita yakwe yakulela yatimufikila. Akula yalolekesya iciyapezya amano, apamanso yao patipatuwalala.

Ezaya 42:17

Lelo yayo yonsi ataila utuluwi, yayo akavwanga ku maunkolanya yati, ‘Mwemwe muli tuleza twitu,’ yene ndayavundanya nu kuyazewanya wakwe cimwi.”

Yelemiya 49:5

Lola, ndakuletela akasokonda mpanga yonsi. Yalazinga, cila muntu pano alungime. Kutalaya nanti wenga uwakukolonganika imbutusi pamwi. Ivyalanda ne Yawe Wamaka yonsi.

Ezekelo 39:18

Mukalye umunyefu wa asambazi, mukamwe nu wazi wa ntunguluzi zya pano nsi, yonsi yasuuku, utwana twa mfwele, yasawe na yacipambasi ya ng'ombe zyaku Basyani.

Naumi 2:9

Sampini siluva! Sampini zaabu! Icuma cao cavula sana. Cene icamutengo ukulu wakwe cimwi

Zefaniya 1:14

Uwanda ukulu wakwe Yawe uli mupipi, watiupalama, ala pasi pakukalauka ukufika! Uvwini! Uwanda ulya uwanda wa malanda nu kulilizika, pano ni vita viposye vilapunda tutulwe.