Yelemiya 46:21 - Amazwi Yakwe Leza 2013

²¹ Asilika ivipondo yano yali nayo, yakoline wa ana ya ng'ombe aine. Yonsi pamwi yaseleuka nu ku lupuuka. Yaposiwa kuzyansya pano uwanda wa kuzanzwa wati uyazana, insita yao yakuvunukwa.

Yelemiya 46:21 Referans Kwoze

Yelemiya 46:5

Nupya Yawe anguzya ati, “Uzye ivyani vivi vino nalola? Iye mwe! Yali ni ntete wakwe cimwi. Yaweluluka cundansizi. Ivita vyao vyumwa, yutuka ulwilo, kusi nu wakupepela icisila. Akasokonda konsi konsi.” Ivyalanda ne Yawe.

2 Yamwene 7:6

Yawe umwisikulu uwalesile ukuti aina Asilya yuvwe icongo. Umu kuvwa kwao cuvwisile ungati icongo ca vita ivingi sana ivisenzile imfwalasi na maceleta. Aina Asilya ali pakuvwanga yati, “Uvwini icongo, umwene waku Izlaeli watalalika umwene wa ina Hiti nu waku Eguputo pamwi ni vita vyao apakuti yize yatulwisye!”

Mika 7:4

Umuntu umusuma ukuluta auze ali ungati ivikona, uwacumi nawe akoline cimpinda ca myunga. Uwanda uno Leza alavunuka antu watiufika, ndi vino wayacewile ukupitila muli yakalinda yao, yakasema. Lyene ndakai yatiyavulunganyiziwa.

Obadiya 1:13

Mutalinzile ukwingila mu musumba wa antu yane kuti mukayasyenteka apa kucululuka kwao, nu kusampa ivyuma vyao apa wanda uno yaponelwa nu uzanzo.

Amosi 6:4

Kalanda kuno muli mwemuno mukalala pa misanzi inu iyembe, ino yapangilwa ku mino ya nzomvu, mwemuno mukasalala pa mipando inu, nu kuipakizya iminyefu ya ana ya mfwele asuma na ana ya ng'ombe anone.

Oseya 9:7

Insita ya kuvunukwa yatiyiza, amanda ya kulipilwa yatiyafika. Lyene yalamanya ukuti ivintu kwene vii vyacumi. Ndakai yakuvwanga yati, “Kasema wii wapena, umuntu uwa mano yakwe Leza iciwelewele!” Pamulandu wakuti ukwifya kwao ukukulu, yene yampata wakwe cimwi.

Yelemiya 50:27

Komolini alumendo ya nkondo yano yakwata yonsi. Muyafyemfyente! Iye mwe, amanda yayazana! Amanda yafika akuvunuka aina Babiloni!

Ezaya 34:7

Antu yamapenukanga sile wa mbo, nanti tucipambasi. Impanga imayenza cee uku wazi nu musili umanonokanga sile uku mafuta.

Masamu 37:13

Lelo Umwene wene akamuseka pamulandu wakuti akamanya ukuti wasya ace aononeke.

2 Samueli 10:6

Aina Amoni iyiluka ukuti yatiyapanga uwanisi pakasi kao na Davidi. Pali pakutuma nu kulipila asilika kuti yize yayazwilizye. Asilika yapa ngazo aina Asilya ukufuma ku Beti Leobu nu ku Zoba yali amazimbi amakumi yaili, nayauze ukufuma ku Tobu yali amazimbi ikumi na yaili, nga ukwikapo nu mwene waku Maaka pamwi na antu yakwe izimbi lyonga.

Ezekelo 35:5

“Pano wakweti impanzela ya pee, walovizye aina Izlaeli ku lupanga umu nsita ya kucula kwao, mu nsita ya kuluvyanya kwao kwakusyalikizya.

Yelemiya 50:11

“Sansamukini, zangini mwemuno mwapokolwilwe caupyanyi cane! Cenini wa kana ka ng'ombe mu nyika ya mulemvwe, mulile wa mfwalasi zyaconsi.

Yelemiya 46:9

Kalaukini mwe mfwalasi, namwe maceleta zingulusini imipeto. Ingilini umu nkondo mwe vita, mwe ina Kusyi na mwe ina Libya, ale musenzile ni visolelo umu minwe. Kumwi namwe kwene mwe ina Lidya mwemuno mwacenjela ukukana malapwa nu kufiika inceto.

Yelemiya 18:17

Ndasalanganya antu yane inkolelo ya anisi yao, wa lukungu ulwatiluululwa nu muza waku ufumondaka. Ndayafutatila nupya ntalayazwilizya, lilyo lino uzanzo ulayaponela.”

Ezaya 10:3

Uzye mulacita cani uwanda uno ndiza umu kumukalipila, lino uzanzo ulafuma ukutali nu kwiza muponela?

Mapinda 15:17

Imbale ya musalu pamwi ni citemwiko, yazipapo ukuluta ing'ombe yamanona nu lupatopo.

Malango 32:15

“Yesyuluni, antu yakwe Yawe yaya akama, lelo yene yamusangukila. Nu kwina iina cuze cakuti yataza sile. Yafutatila Leza Kaumba wao nu kukana katuula wao uwamaka.

Mateo 22:4

Nupya atuma aomvi yauze ayanena ati, ‘Pitini, kanenini yao amilwe ukuti nati nteyanya cimulo. Nati nkoma tucipambasi twine nupya tunone. Vintu vyonsi vyati viteyanyiziwa. Izini ku cimulo ca winga.’

Yelemiya 46:22

Izwi lyakwe Eguputo liluvwika wa kufwina kwa nzoka ino ikuutuka, pamulandu wakuti anisi yakwe yakwiza na maka, yakwiza ni zyampasa, ungati antu yano yizile sinda imiti.

Yelemiya 48:44

Wiyo wensi amapuuka pamulandu ni ntete, alaponela mu ucinga. Na wino alafuma mu ucinga alalemwa mu viteyo. Pano vikwene ali vino ndavunukilako Moabu umu nsita yakononwa kwakwe, ivyalanda ne Yawe.

Yelemiya 49:8

Senukini nupya pukiini, muye mukafisame mu macele, mwe ikazi yaku Dedani. Pano kwene nganiza ukukupempula Esau, ndamuletela sile ilovyo.

Ezekelo 30:22

Caleka nemo ne Yawe Simwandalali nalanda nati, natinja umwanisi wakwe Falao umwene waku Eguputo. Ndavunola amakasa yakwe yoili kwene, ilipuma ni lifwe kwene, nu kulenga ukuti ulupanga lupone ukufuma mu minwe yakwe.