Yelemiya 46:2 - Amazwi Yakwe Leza 2013

² Apa lwakwe Eguputo, ilamulo ilya pa vita vyakwe Falao Neko, vino vyatantime uku luzi lwa Yufulate umu mbali na Kalikemisyi, lino Nebukadineza, umwene waku Babiloni wacimvizye umu mwaka uwalenga iini, uwakwe Yeoyakimu umwana umonsi wakwe Yosiya, ukuya pa wene wa ina Yuda. Wavwanzile wati,

Yelemiya 46:2 Referans Kwoze

2 Yamwene 23:29

Lino Yosiya wali apa wene, Falao Neko umwene waku Eguputo waile ni vita vyakwe uku nkondo, uku Luzi lwa Yufulate uku kuya azwilizya umwene waku Asilya. Umwene Yosiya alonda ukulesya ivita vyaku Eguputo apa Megido. Na lino yacili yakulwa, ali vino yakomile Yosiya.

Yelemiya 46:14

“Umini imbila ku Eguputo, nu ku Migido, mulaizye ku Memfisi nu ku Tapenesi. Muyanene yaiteyanye, pano ulupanga lumakomola monsi monsi luzinguluke.

Yelemiya 45:1

Lii, ilili zwi lino kasema Yelemiya wanenyile Baluki, umwana wakwe Nelya, lino walemvile amazwi kwene yaa muli kalata, ndi muno Yelemiya wamunenelanga ukuti avino alembe. Cali umu mwaka walenga iini, uwakwe Yeoyakimu, umwana wakwe Yosiya ukuya umwene wa ina Yuda.

Yelemiya 36:1

Mu mwaka walenga ini wakwe Yeoyakimu umwana umonsi wakwe Yosiya ukuya pa cilimba ca wene mu Yuda, izwi lyakwe Yawe lyafikile Yelemiya iliti,

Yelemiya 25:19

Nupya Falao, umwene waku Eguputo na aomvi yakwe, intunguluzi zyakwe kumwi nu mutundu wakwe onsi,

Yelemiya 25:1

Umu mwaka wakwe cini uwa utesi wakwe Yeoyakimu umwana umonsi wakwe Yosiya, lino wene wali umwene waku Yuda, ne Yelemiya napokelile amalamulo ukufuma ku Mwene yano yakumile antu yonsi amu Yuda. Wali uli mwaka wakwe conga uno Nebukadineza wayelile apa cilimba ca wene uku Babiloni.

Ezaya 10:9

Anene nacimvya umusumba wa Kaline nu wa Kalikemisyi, nu wa Hamati nga nu wa Alipadi. Anene nacimvya umusumba wa Samaliya nu wa Damasiko.

Yelemiya 25:9

indi nu kwama imitundu yaku kayeya, namaama umuomvi wane Nebukadineza umwene waku Babiloni, namaama antu yano yakaikala ku mpanga ilya apakuti yize yamuvwangatile, yavwangatile kumwi ni mitundu ino yamuzinguluka. Namamulovya mwensi pyu pakuti antu yauze ndi yalolekesya yatandika sile kuizakazila pamulandu ni ntete. Ivyalanda Yawe.

2 Yamwene 18:21

Limwi watutaila aina Eguputo ukuti yalakwazwa. Owe! Nga awiyo wene icili cimwi kwene nu kuomvya itete kwati ali ntuwa, ilingavunika nu kupandukila mwi kufi lya muntu alilemile limutote! Vivyo avino swe ina Asilya tungakolanya Falao, umwene waku Eguputo, ku muntu wensi uwa mutaila.’ ”

2 Yamwene 23:33

Lyene uteko wakwe wasilile pano Falao Neko wamusenzile uzya uku Libula, umu mpanga ya Hamati. Nga asonkisya aikazi amu Yuda amakilogalamu yakwe siluva ukulingana 3,400, na yakwe zaabu 34.

2 Yamwene 24:7

Alino umwene waku Eguputo ni vita vyakwe atatazile nupya afume ku Eguputo, pamulandu wakuti umwene waku Babiloni ali wino wateekanga impanga yonsi ino mpiti yali iya ina Eguputo, iyatandikile sile uku Luzi lwa Yufulate ukupelela nu ku mupaka uwayela ku katutu kaku Eguputo.

Yelemiya 43:11

Aliza afulule impanga ya Eguputo cakuti antu yano yasontelelwa ukufwa ku mpungo, yakafwe ku mpungo, yano yasontelelwa ukufwa ku cipowe, yakafwe ku cipowe nga na yano yasontelelwa ukufwa umu nkondo, yakafwile umu nkondo kwene.

Ezaya 19:1

Amazwi asowilwe pamulandu na Eguputo. Yawe ali api kumbi ilikupita ulwilo, wene akuya ku Eguputo. Utuluwi twaku Eguputo tukuzakaza sile uku ntete apa manso yakwe, nga aina Eguputo nayo kwene caticiyaputula umusana.

Ezaya 19:19

Mu wanda ulya, apakasi ka mpanga ya Eguputo yalakuulila penepo Yawe Wamaka yonsi kavuwa. Alino muli yanande ya mpanga namo mulaya ulucesi longa ulwa mawe. Lulo aluno yalakuulila Yawe.