Yelemiya 46:16 - Amazwi Yakwe Leza 2013

¹⁶ Ivita vyako vikupempezyoka nu kuifuntula pansi. Cila cita cikunena icuze citi, ‘Kalauka! Tuye twapita kumwitu ku antu itu, tupuuke ulupanga lwa anisi itu.’ ”

Yelemiya 46:16 Referans Kwoze

Yelemiya 51:9

Alino ainamasi nayo ali pakwasuka yati, ‘Swemo twezya na maka itu yonsi ukupozya Babiloni, lelo twaposiwa. Acino lyene katumusye sile wenga, cila muntu kaswilile ku mpanga yakwe. Pasi pano upinguzi wakwe watiufika papela pela, watiukatuka ukufika nu mu makumbi.’ ”

Yelemiya 50:16

Ononini Babiloni, katovya wa mbezu, wino akalema cikwakwa mu nsita yakusinza. Cila muntu aswilile ku akazi kakwe, cila wenga autukile ku mpanga yakwe, apakuti apunsumuke ku lupanga lwa ononyi.”

Yelemiya 46:21

Asilika ivipondo yano yali nayo, yakoline wa ana ya ng'ombe aine. Yonsi pamwi yaseleuka nu ku lupuuka. Yaposiwa kuzyansya pano uwanda wa kuzanzwa wati uyazana, insita yao yakuvunukwa.

Yelemiya 46:6

“Yano yakwatisya ulwilo yapotwa ukuipususya. Ivipokapoka vyao vyaposiwa ukuipususya. Uku katutu uku Luzi Yufulate, yakupempezyoka, yapona.