Yelemiya 46:10 - Amazwi Yakwe Leza 2013

¹⁰ “Lelo ilelo uwanda wa Mwene, Yawe Wamaka yonsi. Wanda wi lelo uwanda wa cilanduzi, wakulandula ku anisi yakwe. Lupanga lwakwe lumalya nu kwikuta. Mumakoleka uwazi wao, pano Yawe Wamaka yonsi amatuula impolelwa umu mpanga iyayela ku ntunga yaku kayeya mu pipi nu luzi lwa Yufulate.

Yelemiya 46:10 Referans Kwoze

Malango 32:42

Inceto zyane zilatona sile uwazi wao, nu lupanga lwane lulakomola yao akukanya vino nkulonda. Intalasya penepo nanti umwi pali yao alankatukila. Na yao kwene alasyala impondo kumwi na anyepwe, yalafwa yonsi pyu.’

Yowelo 1:15

Iye mwe! Uwanda wakwe Yawe watiupalama, uwanda wakwe Yawe ukwiza nu ononesi uno ukufuma kuli wiyo Uwamaka yonsi.

Yelemiya 46:2

Apa lwakwe Eguputo, ilamulo ilya pa vita vyakwe Falao Neko, vino vyatantime uku luzi lwa Yufulate umu mbali na Kalikemisyi, lino Nebukadineza, umwene waku Babiloni wacimvizye umu mwaka uwalenga iini, uwakwe Yeoyakimu umwana umonsi wakwe Yosiya, ukuya pa wene wa ina Yuda. Wavwanzile wati,

Yelemiya 46:6

“Yano yakwatisya ulwilo yapotwa ukuipususya. Ivipokapoka vyao vyaposiwa ukuipususya. Uku katutu uku Luzi Yufulate, yakupempezyoka, yapona.

Luka 21:22

Pano yao yalaya manda ya cilanduzi, pakuti vyonsi ivyalembwa mu malembelo vifikiliziwe.

Yowelo 2:1

Lizini intandala ku Zioni. Pundini nu kuyasoka pa mwamba wane uwamuzilo. Aikala nsi yonsi yazakaze, pano ukwiza kwa wanda wakwe Yawe kwatikupalama.

Yelemiya 51:6

Puukini mufume kuko ku Babiloni. Cila muntu apususye umi wakwe. Mutaleka mulowelele pamulandu wa uyi wakwe. Insita ya cilanduzi cakwe Yawe yakulinganya pali vino yacisile yatifika.

Yelemiya 50:15

Watacimba, impungu zyakwe zyatiziwa. Amalinga yakwe yatiyaongoloka. Cii, ali cilanduzi cakwe Yawe. Ilandwilini mwenga kunoli, ndi vino wene wacisile, avino namwe mucite.

Ezaya 63:4

Pano nemo nali nalola ukuti insita yatifika lyene iyaku kulula antu yane, nupya ali nsita kwene yakufulula anisi yao.

Ezaya 13:6

Pongomokini pano uwanda wakwe Yawe uli umupipi. Uwanda uo uliza wa ononesi ukufuma kuli wiyo Wamaka yonsi.

2 Yamwene 24:7

Alino umwene waku Eguputo ni vita vyakwe atatazile nupya afume ku Eguputo, pamulandu wakuti umwene waku Babiloni ali wino wateekanga impanga yonsi ino mpiti yali iya ina Eguputo, iyatandikile sile uku Luzi lwa Yufulate ukupelela nu ku mupaka uwayela ku katutu kaku Eguputo.

Ezaya 61:2

Wantuma nene apakuti indande ukuti insita lyene yatifika ino Leza alapususya antu yakwe, ino alacimvizyako anisi yao. Wantuma na pakuti inamyalalikako yano yakulosya.

Yobo 24:1

“Uzye pacani cino Leza Wamaka yonsi wakana ukuteyanya zuwa insita yakumpingwilila penepo? Uzye pacani cino yayo akacita vyaololoke yalole wanda uwakuyacitilamo ulungi?

Ezaya 31:8

Ali lino lyene impanga ya Asilya ilononwa uku nkondo. Yayo nayo yasi maka ya muntu foo yano yalononeka. Aina Asilya yalapuuka inkondo ni vita vyao vilasendwa uku uzya.

Yelemiya 12:12

Antu yali yacilinganya imilundu yonsi yamu lwanga nu kwiza mu kuzanza impanga ii. Nemo ninjakatusizya inkondo ya konona impanga yonsi. Kusi nanti wenga wino amasyala aikalile umweneco ku matwi cele.

Yelemiya 46:14

“Umini imbila ku Eguputo, nu ku Migido, mulaizye ku Memfisi nu ku Tapenesi. Muyanene yaiteyanye, pano ulupanga lumakomola monsi monsi luzinguluke.

Yelemiya 50:18

Ali cino fwandi Yawe Wamaka yonsi, Leza wa ina Izlaeli, wavwanga wati, “Namafulula umwene waku Babiloni kumwi ni mpanga yakwe yonsi ndi vino nacisile umwene waku Asilya.

Ezekelo 21:28

“We mwana wa muntu sema amazwi yane. Kafisye amazwi yano ne Yawe Simwandalali nkunena aina Amoni, akatukola intusi aina Izlaeli. Kayanene uti, ‘Ala ulupanga alulo, lukulonda ukusalipa. Lwatilukulumbikilwa ukusalipa, nu kumyantula wa nkuwa.

Zakaliya 6:6

Iceleta lilya ilili ni mfwalasi zitifi, likuya ku lusansa lwaku kayeya ka mpanga ya Babiloni, na lili ilili ni mfwalasi zitiswe lilungime ku mpanga yaku uwondaka, na lino lili ni mfwalasi ziyenzu lilungime ku mpanga yaku ufumondaka, na lino lili ni mfwalasi zya maalamaala lilungime ku mpanga yaku katutu.

Ezaya 2:12

Pano apa wanda sile uo kwene, ali pano we Yawe Wamaka yonsi ulanyata avilumba yonsi, kumwi na amisuula yonsi.