Yelemiya 45:5 - Amazwi Yakwe Leza 2013

⁵ Lelo wemo we Baluki, uzye ukulonda ukuti nkucitilepo vimwi ivyakuzunguka? Ala utacivivula foo! Pasi pano nasya ndetele antu yonsi isyamo, lelo wemo ndapususya umi wako, ukuli konsi kuno ungalungama. Ivyalanda ne Yawe.”

Yelemiya 45:5 Referans Kwoze

Yelemiya 39:18

Endi, wemo ndakupususya, nga utalakomwa ku lupanga. Lelo ulapususya umi wako pano wantaila, Ivyalanda ne Yawe.’ ”

Ayebulai 13:5

Mwaikala umi uwa kuntatemwisya impiya, mwalola ukuti vino mukweti vyamukwana. Pano Leza wati, “Ntalatala imusye nanti kumutazyela.”

Yelemiya 21:9

Wiyo wensi wino alasyala mu musumba uu alafwa ku lupanga, ku cipowe nu ku mpungo. Lelo wiyo wensi wino alafuma mwenemo nu kucimbila aina Babiloni yano yati yauzinguluka, wene alapita ulumi nupya alapususya umi wakwe.

Loma 12:16

Mwasakamalana, mutaitumika lelo mwazumila ukuombela na antu yasilesile. Mutailola kuya a mano.

Yelemiya 25:26

ukwikapo na yamwene yonsi aku kayeya, amu pipi na akutali, wenga nu muze. Katuvwange sile tuti amawene yonsi pyu apano nsi. Pakusyalikizya, umwene waku Syesyaki, alaamwa mwenemo.

Zefaniya 3:8

Yawe akuti, “Caleka lolelini, mulolele uwanda uno ndakatuka nu kumupeela umulandu. Pasi pano natinelenganya uku konganika antu amu mitundu yonsi, kumwi na mawene kwene, kuti njalange ukali wane yuvwe ukulu wa ukali wane. Insi yonsi ilononwa ku ukali wa cipyu cane.

Yelemiya 38:2

“Yawe wavwanga ukuti, wiyo wensi uwala wasyala umu musumba uu, alafwa uku nkondo, uku cipowe, nu ku mpungo. Lelo wiyo wino wafuma mwenemo nu kuya uku lusansa lwa ina Babiloni, alapususya umi wakwe. Alapuuka nu umi wakwe, nu kwikala uwa umi.”

2 Yamwene 5:26

Elisya ali pakuvwanga ati, “Nemo nalindi nawe umu mupasi wane, lino umuntu umwi wali wafuma umwi celeta, wikila pansi, nga watandika nu kukukomenkanya. Insita ii mwine isi yakuzumila ukupoka ulupiya ni vyakuzwala kumwi ni vyalo vya miolivi ni vya matingi. Ukwika sile penepo nanti iviteekwa na aomvi foo!

Utandiko 6:12

Leza alolekesya azana ukuti insi yonsi yazulamo inkota, pano vicitwa vya antu ivya nkota.

Ezaya 66:16

Antu yonsi pano nsi yano ndazana nu mulandu, ndayafulula ku moto nu ku lupanga nu kufwa aingi yalafwa.”

1 Yamwene 3:9

Acino mpekwini ne muomvi winu amano akuteekelamo antu inu, pakuti namanya ivyakupusanya pakasi ka visuma ni viipe. Ndi cisi vivyo uzye aweni angateeka antu inu avule wakwe cimwi?”

1 Yamwene 3:11

Acino Leza amunena ati, “Pamulandu wakuti walenga cico, utailengile amanda avule, nanti ukama nanti ukuti inkupeele amaka akukoma anisi yako, lelo wemo walenga amano akulungika mu kuputula imilandu,

Masamu 131:1

We Yawe, umwenzo wane usi itutumula foo, na manso yane nayo yasilola apatumpuke. Insizangila umu vintu vyalulumbi nanti ivyakuzunguka.

Yelemiya 25:31

Alino cilulumo cakwe cuvwika mpaka nu kumpelelekezyo ya nsi. Pano Yawe akusinila imitundu ino yaleta antu yonsi uku cilye. Aipe alayapingwila ukukomwa.” Ivyalanda ne Yawe.

Yelemiya 25:15

Yawe, Leza wa ina Izlaeli wanenyile ati, “Toola mu minwe yane ulwako lwakwe waini umwesye imitundu yonsi ino ndakutuma kweneko.

Yelemiya 25:16

Uleke imwe, pakuti ipulupunte na mano yaipele, apamulandu wa nkondo ino namatuma pakasi kao.”