Yelemiya 44:9 - Amazwi Yakwe Leza 2013

⁹ Uzye mwilila uyi wa vikolwe vinu, uyi wakwe yamwene aku Yuda nu wa aci yao, nu uyi winu mweisikulu nu wa aci inu, uno wacitike mu mpanga yakwe Yuda nu mu miseo yamu Yelusalemu.

Yelemiya 44:9 Referans Kwoze

Yelemiya 44:21

“Apa ubani uno mocelanga umu misumba yamu Yuda nu mu miseo yamu Yelusalemu, mwemwe pamwi ni vikolwe vinu, yamwene inu, intunguluzi zinu na antu amu mpanga, uzye mwemo mukwelenganya ukuti Yawe atamanyilepo cimwi, nanti mukuti wene wilila kweneko vwilini?

Yelemiya 7:9

Mwemo mwatemwa ukwiya, ukukoma antu, ukucita uzelele, ukulapa imilapo ya ufi, ukocela Baali ubani, nu kupepa tuleza tuuze tuno mutamanyile mpiti.

Yelemiya 7:10

Mwemo mukacita ivintu vii vino napata, nga lyene mwiza mwimilila pa manso yane, mu Ng'anda ikulu yakwane kwene, nu kuvwanga muti, “Sweswe yacingililwe!”

Malango 9:7

“Mwaiusya cii nupya mutaca mwilile vino mwalenzile Yawe Leza winu ukusoka mu lwanga. Ukufuma sile pa wanda uno mwafumile mu Eguputo kufika na pa wanda uno mwafisile kuno mwemo mwasangukila Yawe.