Yelemiya 44:7 - Amazwi Yakwe Leza 2013

⁷ “Lyene Yawe Wamaka yonsi, Leza wa ina Izlaeli, akuti, Uzye pacani cino mungailetelela uzanzo ndi uo? Uzye mukulonda sile ukuletelela aonsi na anaci, utwance nu tunya kumwi, cakuti kuno muli kutakasyale nanti umwi uwa mbezu?

Yelemiya 44:7 Referans Kwoze

Habakuku 2:10

Wapangile ukonona antu amitundu iingi, lelo wemo waletelela akazi kako insonyi nu kuponzya umi wako.

Yelemiya 51:22

na kuti inkome aonsi na anaci, kuti inkome akote na ance kwene, kuti inkome alumendo na akazyana,

Mpendwa 16:38

Vyene vyali ivyamuzilo ukufuma lino vyapezilwe kuli Yawe pa kavuwa. Acino tola ivifutikilo vya antu yaa yano yakomilwe pamulandu wa nkota zyao, uvipamante mu tumalata nga upange cakufupilila kavuwa. Vyene vimayanga ivyakusoka aina Izlaeli.”

Ezekelo 33:11

Yanene ukuti kasili nalapa ne Yawe umumi, ala nemo cisinzanzya apakulola kuno umuntu umwipe akufwa. Nemo natemwa ukulola kuno umuntu mwipe wazenzuka, apakuti aikala uwa umi. Caleka mwemo mwe ina Izlaeli tiini imisango inu iipe, muitelele. Kuno icani cino mungalondela ukufwa?

Nyimbo zya ndosya 2:11

Amanso yane yatiyatontekana pamulandu nu kulila. Umwenzo wane pasi pakunyongoloka. Amaka yatiyasila pamulandu wakwelenganya vino antu yane yononwa. Ana anono kumwi nu tunya yakufwa ulwezwe mu misolo ya musumba pamulandu nu lusala.

Yelemiya 44:14

Alino apa antu asyalapo mu Yuda, yano yaile ku Eguputo ku kwikala, patalapusuka nanti wenga uwakuti akaswilile uku mpanga ya Yuda, ino yene yakalukisya wakwe cimwi ukuya ikala mwenemo. Pano kwene patalapusuka nanti wenga, suka sile imbutusi zimwizimwi.”

Yelemiya 9:21

Imfwa yatitwingilila umu mawindo itu yatiingila nu mu mang'anda itu acindame. Yatikoma ana anono umu miseo na ance mu masokoni.

Yelemiya 7:19

Uzye kwene umucumi anene yasosyanga umwenzo? Uzye yasiisosya imyenzo nu kuizewanya sile aisikulu?”

Mapinda 15:32

Wiyo akasuula amasunde, ala waisuula umweneco. Lelo umuntu akauvwa kuli yano yakumukalipila, akaloonka amalango.

Mapinda 5:22

Ivicitwa viipe vya muntu mwipe vikaya iciteyo cakulemyamo umwisikulu, ni milimo iipe iya mukanda ikamuvimbilikizya.

1 Samueli 15:3

Acili cino fwandi wemo pita sile ukalwisye aina Amaleke nu kulovya ivintu vyao vyonsi. Cisi cakwezya kuti usyepo nanti umwi. Ukome aonsi na anaci kwene, nga na ana kumwi nu tunya kwene tuno yakulela, ni ng'ombe nga ni mfwele, ingamila na yapunda.’”

Yakapingula 21:11

Iyalundapo nu kuti, “Muye mukakome umonsi wensi nu mwanaci wensi wino wamanya umonsi.”

Yoswa 6:21

Alino yapeela umusumba ulya kuli Yawe kuti wononwe nga ku malupanga yano yali nayo iyakomola ivyaumi vyonsi mu musumba, aonsi na anaci, ance na akote, ni ng'ombe, ni mfwele, nga na yapunda kwene.

Malango 32:25

Inkondo ilayaletela imfwa mu miseo, mu mang'anda yao mulaya ingofyo. Alumendo na akazyana yalafwa. Kutalaya twana utunya nanti akoloci alapusuka.

Yelemiya 44:8

Uzye pacani cino mwamvulumwila icipyu uku vicitwa vya minwe inu, apa kocela tuleza utwenyi ubani umu mpanga ya Eguputo, kuno mwiza sile ku kwikala? Apa kucita camusango uo, mukulonda sile ukuilovya mwe eneco, cakuti antu amitundu yonsi pano nsi yakumuseka nu kumuwela. Yene yakaomvya ni zina linu alino yakulumbula apa kutipwila.

Yelemiya 42:20

Namunena nati ndi cakuti mwala mwaluvyanya, ale mwailetelela, mwasumba sile umi winu. Alino nukuya, amwemwe mwantumile kuli Yawe Leza winu kuti inje mupapatile kunoli nu kuti ince munene na consi cino alavwanga, nga nu kuti muce mucicite.

Yelemiya 26:19

Umwene Hezekiya wa Ayuda pamwi na antu yonsi yatakomile Mika foo. Uzye yene yatoofile Yawe nu kumupapata apakuti atayaletela isyamo lino walanga wapanga ukuyacitila? Uzye swemo twifye imyenzo itu uku uyi ukulu ndi uu?”

Yelemiya 25:7

Caleka lyene, Yawe pakukana uvwa kunoli, wavwanga wati, ‘Apa kukana yela amazwi yane, mwamvulumwila icipyu, fwandi lyene mwaikolomwela isyamo.’ ”

Mapinda 8:36

Lelo wino wensi uwaposiwa ukunzana, wene ala wailetelela sile. Na wino wensi uwapata nene, ala wene watemwa imfwa.”

Mapinda 1:18

Antu amusango uo yakaiteyela sile aeneco kwene ulukose, lulo ululayalya aeneco kwene.

1 Samueli 22:19

Wene wakomile ku lupanga aikazi aku Nobu, umusumba wakwe yasimapepo, kumwi na onsi na anaci yakweo, ana kumwi nu tunya twakweo, ing'ombe, yapunda ni mfwele zyakweo.

Yelemiya 3:24

Ukupepa icintu ci, ci Baali, icati cilya ivintu vyonsi vino ivikolwe vitu vyatuculilanga, ukutandikila sile uku wance witu, ivyuma ivili wa ng'ombe zyao, imfwele, na ana yao aonsi na anaci.

Nyimbo zya ndosya 2:22

Awewe waamile anisi itu apakuti yize yatoofya monsi monsi. Wemo wacisile ungati watuyama uku maliila. Apa wanda uno wasosile kutali nanti wenga wino wapuusile nanti uwasiile, awe. Yene yakomile ana yane, yano nakuzizye nu kuyatemwa.

Yelemiya 25:6

Mwemo yamunena ukukana pepa tuluwi tuleza tuze nanti sile ukutuombela alino nu kukana katusizya Yawe icipyu, pamulandu ni vicitwa vinu, ali pakukana iletelela.

Yelemiya 38:17

Alino Yelemiya anena Zedekiya ati, “Yawe, Leza Wamaka yonsi, Leza wa ina Izlaeli, wavwanga wati, ‘Ndi cakuti wala wafuma, waya wacimbila ivita vya ina Babiloni, lyene ale wemo ulapusuka nu kupususya umi wako. Nu musumba uo lyene utalapya ku moto. Wewe kwene nu luko lwako mulasyala nu umi.

Ezekelo 9:6

Mukome yonsi, akote, alumendo, akazyana, yanyina kumwi na ana yao kwene. Lelo yayo yonsi alalembwa icimanyililo pa mausyu yao, awe yene mutezya kuyakumya mwenemo. Tandikilini kuno kwene ku Ng'anda ikulu yakwe Leza.” Fwandi nayo ali pakutandikila pa ntunguluzi izyaimi ku Ng'anda ikulu yakwe Leza.