Yelemiya 44:4 - Amazwi Yakwe Leza 2013

⁴ Ukuya kwene nemo namutumilanga lyonsi aomvi yane yakasema. Nayo yamulesyanga ukucita icintu cico ca winyi cino napata wakwe cimwi.

Yelemiya 44:4 Referans Kwoze

Yelemiya 26:5

nu kusumba amano ku mazwi ya aomvi yane yakasema yano nsi tonta ukumutumila. Lelo mwemo musitala muvwa vino yakumunena.

Yelemiya 7:25

Ukutandikila sile pa wanda uno ivikolwe vinu vyafumile umu Eguputo ukufika ni lelo kwene, nemo natwalilile ukumutumila aomvi yane, yakasema.

Yelemiya 7:13

Lino mwemo mwacitanga ivintu vii vyonsi, nemo namuvwanzizye lili lili, lelo mutatezizye awe. Namwamile, lelo imukana ukuvwa ulwamo lwane.

Zakaliya 7:7

Uzye amazwi yaa yasi yano Yawe wavwanzile ukukanwa kakwe yakasema ampiti, lino antu yikalanga umutende mu Yelusalemu nu mu misumba yamu mbali, lino mu Negebu nu mu mpanga ya misana ya twamba twaku uwondaka mwali antu?”

Ezekelo 16:47

Wemo utapelezile sile apakulondelela imisango yao nu kukopa imiyele yao iipisye. Lelo umu vicitwa vyako patasumvile ni nsita wasuka wewe kwene wayaluta ukucita ivintu vimwi vivyo ivya muselu.

Ezekelo 8:10

Nani ali pakwingilamo, nailolela nenga, apa viumba palenzilwepo monsi pyu ukuzinguluka, imisango ni misango iya unkolanya wa vintu ivikasela nu wa nyama zya mifitalila, nga nu tuluwi tonsi utwa ng'anda yakwe Izlaeli.

Yelemiya 29:19

Pano yene yakana ukuvwa amazwi yane, nanti angala ntatazile inte ukuyatumila aomvi yane yakasema. Yakananga ukuyuvwa.” Ivyalanda Yawe.

Yelemiya 16:18

Ndayakalipila liili apa ukakasi wao na pa uyi wao, pano yatiyakowezya impanga yane ku tuluwi twao. Yatiyazuzyamo upyanyi wane ku vintu vya uwelewele ivyaunkolanya sile.”

2 Milandu 36:15

Yawe Leza wa vikolwe vyao walanga watwalilila ukuyatumila yakasema, aya nu luse apa antu yakwe alino ayapokolola nga apokolola ni Ng'anda yakwe ikulu.

1 Petulo 4:3

Mwemo mwasumvile nsita mu kucita vintu wa antu atataila Leza. Mwemo mwacitanga vya winyi, mwali ni mbunu, mu ukolesi, nu mu kuwowota, mu muzangalwe mu nsaka zya ukolesi, nga nu mumipepele iya winyi ya tuluwi.

Ezekelo 16:36

Vii ivyalanda ne Yawe Simwandalali, “Pamulandu wakuti wayazulilanga nu kuleka yakulole tupu, apakulongozya na yacuza yako nu tuluwi twako utwamuselu, nupya uvipeela nu wazi wa yana yako,

Yelemiya 35:17

Caleka fwandi Yawe Wamaka yonsi Leza wa ina Izlaeli wavwanga wati, “Ndaletela aina Yuda na ina Yelusalemu yonsi isyamo lino nayanenyile. Pasi pano nemo nayanenyile, lelo yakana ukunguvwa. Nayamile nayo yakana ukwaasuka.”

Yelemiya 32:33

Nanti angala yayasambilizyanga umute ukwaula nu ukasu, yatali akuuvwa nu kupokelela isunde lyane. Yamfutatila, yakana nu kundolekesya.

Yelemiya 32:34

Nanti umu ng'anda ikulu ya mapepo, ino ikaamilwa umwi zina lyane, iika mwenemo ivintu vimwi vyakuzunguka vyamankowezya.

Yelemiya 32:35

Yakuuzile ni ncende ya kupepela mwenemo Baali mu cifoloma ca Beni Hinomu, apakuti amuno yacindikila Moleki, umukupisya ana yao anaci na onsi umu moto. Icintu cimwi cico cino ntatazile njanene, cino citatazile cize nu ku mano yane kuti yangacita iviipe vya mwata ndi uu nu kulenga aina Yuda ukwifya.

Yelemiya 35:15

Kwaula nu kutonta nkamutumila lili lili aomvi yane, yakasema akamunena ukuti mufuntuke cila wenga ku nzila zinu ziipe, muzifye ni vicitwa vinu. Mutalondela tuleza tuze utuluwi nu kututumikila, pakuti muce mwikale mu mpanga ino napiile kuno muli nu ku vikolwe vinu. Lelo mwemo mutuvwile kunondi nanti panono.

Danieli 9:6

Tutasumvileko amano ku kuvwa ku yaomvi yako yakasema, yano yasemile umwi zina lyako, kusemela yamwene, yakateeka ni vikolwe vitu, nga na antu yonsi amu luko lulu.

Neemiya 9:30

Apa myaka iingi ala wayatekelela. Wayatezela nu kuyaceula ukupitila muli yakasema, lelo yene yatange yakuvwe nanti panono. Fwandi ali cino wasuka waleka anisi yao yayacimvya.

Neemiya 9:34

Ivikolwe vitu, yamwene itu, intunguluzi zitu, na yasimapepo itu, yonsi yakanyile kulondela amasunde yako. Yakana ukuwaka amalamulo yako navino wayasokanga.

Yelemiya 7:17

Uzye utakulola ivintu vino yakucita mu misumba yaku Yuda nga nu mu misolo yamu Yelusalemu?

Yelemiya 7:18

Ana yakasweya inkwi, yaisi nayo yapemba umoto, anaci nayo yakandila umunya wakupangila namwene wa kwiyulu yakeke. Nupya yene yakapongolwela uwila wakwe waini kuli tuleza tuze apakuti yansosye.

Ezekelo 18:31

Tiini iviipe vyonsi vyampiti. Senulini amano inu ni myenzo inu. Uzye icani cino mwe ina Izlaeli mungalondela ukufwila?