Yelemiya 44:27 - Amazwi Yakwe Leza 2013

²⁷ Panondi pano, namamusuntililanga sile mpaka ince nkamuletelele, isyuko lyene, kotoo! Aina Yuda yonsi aikala umu Eguputo, yalalowa uku nkondo, nanti uku cipowe mpaka yakasuke yakasililikile pyu.

Yelemiya 44:27 Referans Kwoze

Yelemiya 31:28

Wakwe vino nkulolelanga ukwipa, apa kuwisya, apakuongolola, apakonona na pa kuleta ulanda, ali vino ndakolelela ukukuula na pa kulima. Ivyalanda Yawe.

Yelemiya 1:10

Ilelo nakupeela amaka pa mitundu na pali yamwene yayo, amaka ya kutukulula nu kuongolola, amaka akonona nu kulovya, akukuula nu kulema.”

2 Yamwene 21:14

Antu aalapusunsuka mwenemo, ndayatazyela icakuti anisi yao yalayacuzya wakwe cimwi. Yalacimviwa nu kupokwa impanga yao.

Ezekelo 7:6

Awe lyene casila, casililikila sile! Mwemo mwala mwapelelwa.

Yelemiya 44:18

Lelo ukutandikila sile pano twatelile ukocela namwene wa Mwiyulu ubani nu kupongolwela uwila wa vyakumwa, tukaulilwa ivintu, nupya na antu itu pasi pakufwa uku nkondo nu kucipowe.”

Yelemiya 44:12

Alino lyene ndasenda antu alasyalapo amu Yuda yano yapanzile ukuya ikala ku Eguputo. Ndalola inzila yakuyalovezyamo, muno kwene mu Eguputo. Yalafwa ku nkondo, uku cipowe nu ku mpungo. Antu yalazunguka sile pa kuyalola. Yalayawela nu kuomvya izina lyao apakuyatipwila.

Yelemiya 21:10

Pano natinsumba amanso yane apa musumba uu apa kuuletela isyamo, asi syuko foo. Wene ulapelwa mu makasa ya mwene waku Babiloni, nawe alaoca uku moto. Ivyalanda Yawe.”

Yelemiya 9:16

Namayasalanganyizizya umu antu amu mitundu yuze ino alio nanti ivikolwe vyao vitatazile vyuvwe. Ndayatumila ivita vya anisi yao mpaka viyalovye.”

Yelemiya 39:16

“Yanga ukanene Ebedimeleki umwina Kusyi wilya uti Yawe Wamaka yonsi, Leza wa ina Izlaeli akuti, ‘Nasya mfikilizye vino navwanzile ivikumile musumba uu, nga ivintu vivyo iviipe, kusi ulongo awe. Apa nsita ilya ivintu vivyo vilafikiliziwa apa manso yako.

Yelemiya 42:16

ale lyene ulupanga luno mukaoopa lulamuponela mumu kwene mu mpanga ya Eguputo. Ni cipowe kwene cino mukautuka cilamuponela mumu kwene mu Eguputo, ali muno mulafwila.

Yelemiya 44:13

Ndiza imvunuke yano yalikala umu Eguputo ndi vino nacitile Yelusalemu, uku nkondo, icipowe ni mpungo.

Yelemiya 44:14

Alino apa antu asyalapo mu Yuda, yano yaile ku Eguputo ku kwikala, patalapusuka nanti wenga uwakuti akaswilile uku mpanga ya Yuda, ino yene yakalukisya wakwe cimwi ukuya ikala mwenemo. Pano kwene patalapusuka nanti wenga, suka sile imbutusi zimwizimwi.”

Ezekelo 5:12

Antu yonsi yalapaatukana patatu, iumba lyonga lilafwila mu musumba ku mpungo nu ku cipowe. Lyakwe cili nalyo lilafwila kunzi ya musumba ku lupanga. Lyakwe citatu nalyo ndalisalanganyizizya mu muza alino nkalilondele nu lupanga.

Danieli 9:14

Wemo we Leza witu waiteinye ukutuvunuka, nga nu kucita wacisile cico, pamulandu wakuti lyonsi kwene ukacita vyaololoke, nupya swemo tutakutezizye.

Amosi 9:8

“Cumi kwene, ne Yawe Simwandalali, nkulolekesya apa wene ulya umuzile amaifyo. Ndonona uwene uo apa mpanga ya pansi. Lelo ntalalovya ang'anda yakwe Yakobo. Avino Yawe wavwanga.

Yelemiya 9:15

Acino wemo unguvwe, uvwe vino namacita ne Yawe Wamaka yonsi, Leza wa ina Izlaeli. Namaliisya antu yane ivilule, namayamwesya na manzi umuli sumu.