Yelemiya 44:26 - Amazwi Yakwe Leza 2013

²⁶ Lelo kwene mungala muvwe ukwizwi lyakwe Yawe mwe ina Yuda mwensi, mwemuno mukaikala umu Eguputo. Yawe akuti, ‘Nalapa umwi zina lyane ilikulu ndi vino, monsi sile umu mpanga ya Eguputo, yatalatala yalumbule izina lyane uku mwina Yuda nanti wenga yati, “Nalapa umwi zina lyakwe Yawe wa umi wa pee.”’

Yelemiya 44:26 Referans Kwoze

Ayebulai 6:13

Lino Leza walavile Abulaamu, wene walavile nu mulapo kucita vino walavile. Vino kutali umwi mukulu kuluta aliwe, umwisikulu waomvizye izina lyakwe pa kulaya nu mulapo.

Ezekelo 20:39

Mwe ina Izlaeli, Yawe Simwandalali wavwanga wati, “Ale mule mutwalilile ukupepa tuluwi twinu! Lelo nemo nalapa ukuti ku nkolelo mulasuka muvwe izwi lyane. Mutalasausya nupya izina lyane lyamuzilo ku vya mawila inu nu ku tuluwi twinu.

Masamu 50:16

Lelo antu aipe ankota, yene Leza amayanenanga ati, “Icani cino mwemo mungavwangila apa masunde yane. Nanti cino mungavwangila apa upangano wane icani?

Utandiko 22:16

nga amunena ati, “Ivyalanda ne Yawe: Nalaya umwi zina lyane ukuti ndakupolelela cuze, pano wazumila ukupeela kunondi umwana wako umonsi ali sile wenga.

Amosi 6:8

Yawe Simwandalali akulapa mwi zina lyakwe umwisikulu ati, “Nasoka icilumba ca ina Izlaeli nu kupata ivimang'anda vyao vikulu. Endi, ndapeela umusumba wao na vyonsi ivyayamo ku anisi yao.”

Yelemiya 5:2

Nanti angala yene yakavwanga yati, ‘Tukapepa Yawe,’ yene yasicita vino yakalanda.

Yelemiya 4:2

Ndi cakuti mwalapa umu cumi, mu ufumaluke nu mu ulungami umwi zina lyane ne Leza waumi, ale lyene antu amu mitundu yonsi yasyala yalapolelelwa ukufuma kunondi. Nupya ukupitila munondi ali muno yalalumbanya izina lyane.”

Ayebulai 6:18

Lyene vintu vii viili, ulayo nu mulapo, vitangasenulwa nupya Leza pa kuviomvya atange atumpoke. Caleka swe muno twacingililwa na aliwe tukakomeleziwa cuze nu kulemasya na maka ku upaalilo uno uli nkolelo itu.

Ayebulai 3:18

Lino Leza walafile ati, “Yene yatalatala ingile mu mpanga ilya mu kupuza kuno nange njapele,” uzye wene walandanga pali yaweni? Wene walandanga pali yao amusangukile.

Amosi 8:7

Yawe, Leza wa ina Izlaeli, watalapa ati, “Endi, Nemo ntalatala nilile ivicitwa vyao iviipe.

Amosi 6:10

Uwa kazi kakwe wiyo uwatafwa, wiyo alinzile kusunga indosya aliza nu kwizafumya icala umu ng'anda iyo. Alino aluzya ali wensi uwatasyala afisime umu ng'anda kwene ilya ati, “Uzye mumo muli umuntu namuze umupuma wino muli nawe?” Nga nawe alaasuka ati, “Awe, musi nanti wenga.” Alino uwakazi wilya alavwanga ati, “Ikala sile myaa! Tutezya ukulumbula izina lyakwe Yawe.”

Yelemiya 46:18

Lino nene ndi wa umi, ivyalanda Yawe, wino izina lyakwe a Yawe Wamaka yonsi. Kuliza umwi wiyo akoline na Taboli umwamba uno watalimpisya pa myamba yuze, wiyo akoline nu mwamba wa Kalimeli, uwaya mu nkumba yakwe yemba.

Yelemiya 22:5

Lelo ndi cakuti mwakana amazwi yaa, lyene ala nalapa kuno muli ukuti isano lii lilaongoloka liye icitotela. Ivyalanda nene ne Yawe.’”

Yelemiya 7:9

Mwemo mwatemwa ukwiya, ukukoma antu, ukucita uzelele, ukulapa imilapo ya ufi, ukocela Baali ubani, nu kupepa tuleza tuuze tuno mutamanyile mpiti.

Ezaya 62:8

Yawe watalapa umulapo. Alino ukwi kasa lyakwe lilunji, alaufikilizya! Wene atalatala apeele cakulya cakwe ku anisi ya antu yakwe. Aenyi nayo yatalatala yamwe waini wa antu yakwe wino yaifenile.

Masamu 89:34

Nemo ntalatala nonone upangano wane nawe, nanti ukusenuka muli vino ndavwanga.

Mpendwa 14:28

Ali cino uyanene uti, ‘Ivyalanda ne Yawe ukuti vino ndi nu umi, nalapa ukuti namamucitilanga kulingana na mazwi yano nkuvwa mukulanda.

Yelemiya 24:8

Yawe walanda wati, “Zedekiya umwene waku Yuda, yacilolo yakwe ni nsyazi zyamu Yelusalemu na antu yano yaya yikala mu Eguputo, nene ne Yawe ndayacita wa masamvu aipe cakuti kusi angayalya.

Yelemiya 44:24

Nupya Yelemiya anena antu yonsi na anaci kumwi ati, “Uvwini izwi lyakwe Yawe, mwe antu aku Yuda, mwemuno mwikala mu Eguputo.

Yelemiya 49:13

Pasi pano nalapa nemweneco ukuti Bozila alasanguka icitala ng'anda, nupya icintu cimwi icakoofezya, camuzewanya nu lutipu. Nupya imisumba ya mwenemo ilasyalilila amatongwa pee.”

Oseya 4:15

“Nanti angala aina Izlaeli yakalongozya, lelo antu aku Yuda yataya nu mulandu ndi uo. Yatezya ukuya ku kupepa ku Giligali nanti ku Beti Aveni. Nupya yatezya ukulapa nu mulapo ala yakuti, ‘Umwi zina lyakwe Yawe waumi!’

Yelemiya 44:11

“Caleka fwandi ne Yawe Wamaka yonsi, Leza wa ina Izlaeli, ndamulovya, ndonona ni mpanga yonsi yakwe Yuda.

Yelemiya 44:14

Alino apa antu asyalapo mu Yuda, yano yaile ku Eguputo ku kwikala, patalapusuka nanti wenga uwakuti akaswilile uku mpanga ya Yuda, ino yene yakalukisya wakwe cimwi ukuya ikala mwenemo. Pano kwene patalapusuka nanti wenga, suka sile imbutusi zimwizimwi.”

Yelemiya 51:14

Yawe Wamaka yonsi walaya umwisikulu ukuti alavuzya antu avule wakwe makanta mu Babiloni, lelo yalakuta impooma yaluzango apa kukulwisya.