Yelemiya 44:16 - Amazwi Yakwe Leza 2013

¹⁶ “Swemo vino watunena umwi zina lyakwe Yawe, twakana, tusikulondela izwi lilyo.

Yelemiya 44:16 Referans Kwoze

Luka 19:27

Lelo anisi yane yano atalondanga kuti inje mwene wao yaletini kuno nu kuyakoma pa manso yane.’”

Luka 19:14

Lelo, aikazi ya mpanga ino walimo yamupasile. Caleka yatuma inkombe pacisila cakwe kuti zikalande ziti, ‘Tusikulonda umuntu wii, kuti aye mwene witu.’

Danieli 3:15

Lyene, zuwazuwa lino muvwa ukulila kwa ntandala, imitolilo, ivisekese, amapango, ni viombelo vyuze vya kulizya nu kwimba, mulinzile ukufukama nu kupepa iciluwi cakwe zaabu. Ndi cakuti mwakana ukucita cico, lyene zuwazuwa yamamusumbila mwi lungu lya moto. Uzye mukwelenganya ukuti akunoli leza wino angamutuula?”

Yelemiya 38:4

Lyene amakombe yaya yanena umwene yati, “Umuntu wii, alinzile ukufwa. Pano kwene kuvwanga kwakwe kwatikunenula ivita ivisiile mu musumba uu, pamwi na antu yonsi. Umuntu wii itonsya! Kulanda kwakwe kusi kwakuzipila umutundu uu, suka sile ivyakuusyamika.”

Yelemiya 18:18

Lyene antu yavwanga yati, “Izini mwe, muleke tuvwane ivyakufulula Yelemiya! Pano lyonsi kwene kumayanga yasimapepo akutusambilizya, na antu yamano akutupandako amano, nga na yakasema akusema ilandwe lyakwe Leza. Izini mwe, muleke tumupele imilandu, tute nu kuuvwa kuli vyonsi vino akulanda.”

Yelemiya 11:10

Yatiyasenukila ku maifyo ya vikolwe vyao ndi vino vyene vyakanyile kulondela amazwi yane. Lyene nayo ali vino yakucita. Yene yakupepa tuleza tuze. Aina Izlaeli kumwi na Ayuda yonona upangano uno napangine ni vikolwe vyao.

Yelemiya 11:8

Lelo yene yasi yakuuvwa foo nanti ukuyeela. Yonsi pyu pasi pakuumalala nu kwifya lyonsi. Nemo nayakonkomezizye ukuyela upangano wane. Lelo yene yakana. Ali cino nani natinjaletela ukuvunukwa yonsi yano yalembwa mu upangano uu.”

Yelemiya 8:12

Insonyi zilinzile kuyalema apa vicitwa vyao iviipe, ivya lupato. Lelo camupamba yene yasyauvwa insonyi, awe. Icaleka fwandi yalapona pamwi na ali nu kupona. Lelo ndiza njavunuke, yalasumbwa pansi.’ ” Ivyalanda ne Yawe.

Yelemiya 8:6

Ninkutikila awe cumi ntange nuvwe kuno yakulanda vyampomvu. Kusi nanti wenga wino watazenzuka ku uyi wakwe, wakuti avwange ati, ‘Uzye icani cino nacita?’ Yonsi pyu yali sile apumboke nu kulondela inzila zyao kwati i mfwalasi ino yalucocoma umu nkondo.

Ezaya 3:9

Imilolekele apa manso yao, ikuyasinila sile. Yasifisama foo apa kwifya, yakucitila sile ivintu uku mufulo ndi vino aina Sodoma yacitanga. Iye mwee! Icumi yailetelela sile.

Masamu 2:3

Yavwanga yati, “Katuituule sweisikulu ku maka yao autesi, tusumbe na makonkoli yao.”

Kufuma 5:2

Lelo Falao auzya ati, “Uzye Yawe aweni wakuti ninguvwa kunoli kuti inte aina Izlaeli yapite? Nemo ntamumanyile Yawe wiyo, nupya nkukunena vino ntalata aina Izlaeli yapite.”

1 Samueli 8:19

Lelo antu iyakana ukutezya vino Samueli walandanga. Yene yavwanga iyati, “Awe! Swemo tukulonda umwene uwakututeeka.

Mapinda 1:24

Apakuzana ukuti namwamile namwe mwakana ukuyela, namusinizyanga namwe mwansuuzile,

Yelemiya 13:10

Antu ya aipe, nupya yene yakakana nu kuyela amazwi yane. Yene yatalama nupya yakomela sile ukwifya. Yakapepa utuluwi, tuleza tuze tuze sile nupya atuno yakatumikila. Ali cino fwandi nayo kwene yalakolana ni nsalu kwene zizyo, zino antu yatange yazizwale nupya.

Yelemiya 42:13

“Lelo ndi cakuti mwati musikulonda kwikala mu mpanga ii, mwakana nu kuyela amazwi yakwe Yawe Leza winu,

Yelemiya 43:2

Azaliya umwana umonsi wakwe Hosyasya na Yoanani umwana umonsi wakwe Kaleya, na antu yonsi aminteleu nu utalami, yanena Yelemiya yati, “Ukusomba sile ufi Yawe atakutumile ukuti tutaya ku Eguputo ku kwikala.

Yelemiya 44:24

Nupya Yelemiya anena antu yonsi na anaci kumwi ati, “Uvwini izwi lyakwe Yawe, mwe antu aku Yuda, mwemuno mwikala mu Eguputo.

Yelemiya 6:16

Yawe wavwanga ku antu yakwe ati, “Imililini pa masansa ya museo, mucelecensye! Muzye inzila zyampiti nupya muzye ukuli inzila zisuma alino lyene mupite mwenemo. Lyene mulikala mu mutende.” Lelo mwemo mwakanyile imuti nu kuti, “Tutange tupite mwenemo, awe!”

Yelemiya 44:25

Yawe Wamaka yonsi, Leza wa ina Izlaeli akuti, ‘Mwe yamangu mwe, vino mwalaya apatunwa twinu mufwile mwavicita ni minwe yinu. Mukavwanga ndi vino mulafikilizya ivilayo vino mwalaya, ivyakocela Namwene wa Mwiyulu ubani, nu kumwitulwila uwila wa vyakumwa!’ Aleni fwandi mwalukuwaka ivilayo vinu nu kumwitulwila uwila wa vyakumwa!