Yelemiya 44:13 - Amazwi Yakwe Leza 2013

¹³ Ndiza imvunuke yano yalikala umu Eguputo ndi vino nacitile Yelusalemu, uku nkondo, icipowe ni mpungo.

Yelemiya 44:13 Referans Kwoze

Yelemiya 43:11

Aliza afulule impanga ya Eguputo cakuti antu yano yasontelelwa ukufwa ku mpungo, yakafwe ku mpungo, yano yasontelelwa ukufwa ku cipowe, yakafwe ku cipowe nga na yano yasontelelwa ukufwa umu nkondo, yakafwile umu nkondo kwene.

Yelemiya 11:22

Caleka Yawe wavwanga ati, “Nemo ndayavunuka! Alumendo yao yalakomwa ku nkondo. Na ana yao yalafwa ku nzala.

Yelemiya 42:18

“Yawe Wamaka yonsi, Leza wa ina Izlaeli wavwanga wati, ‘Vino ukali wane ni cipyu cane vyaponile akaya aku Yelusalemu, ali vino cipyu cane cilamuponela ndi mwaya ku Eguputo. Mulaya antu yamwi atipwe na asulwe. Mutalatala musyukile incende ii nupya.’ ”

Yelemiya 24:10

Nupya ndayatumila ulupanga ni cipowe nga ni mpungo, mpaka yace yalowe umu mpanga ino nayapile aeneco ni vikolwe vyao.”

Yelemiya 21:9

Wiyo wensi wino alasyala mu musumba uu alafwa ku lupanga, ku cipowe nu ku mpungo. Lelo wiyo wensi wino alafuma mwenemo nu kucimbila aina Babiloni yano yati yauzinguluka, wene alapita ulumi nupya alapususya umi wakwe.

Yelemiya 42:16

ale lyene ulupanga luno mukaoopa lulamuponela mumu kwene mu mpanga ya Eguputo. Ni cipowe kwene cino mukautuka cilamuponela mumu kwene mu Eguputo, ali muno mulafwila.

Yelemiya 42:17

Antu yonsi yano yapanzile ukuya ku Eguputo ku kwikala, yalafwila kuku kwene ku lupanga, ku cipowe nu ku mpungo. Kutalasyala nanti wenga uwa mulembo pamulandu na masyamo yano ndayaletela.

Yelemiya 24:9

Ndayalenga ukuya na kasokonda uku wene uli onsi uwa panonsi. Yene yalaya izewanya lya antu nu musowe, inseko nu lutipu umu ncende zyonsi muno ndayazingila mwenemo.

Yelemiya 42:15

fwandi lyene muvwe uku mazwi yakwe Yawe, mwemuno mwasyalako mu mutundu wakwe Yuda. Yawe Wamaka yonsi, Leza wa ina Izlaeli, wavwanga wati, ‘Ndi mwalozya sile amanso inu ku Eguputo, mwala mwingilamo nu kwikala mwikala mwenemo,

Oseya 9:6

Nanti angala yalutuka uononesi, aina Eguputo yalayakolonganya, nu ku yiika mu malindi kuku kwene ku Memfisi. Apa vyuma vyao vyakwe siluva palamela ivikona. Mu mang'anda yao mulamela imyunga.