Yelemiya 44:12 - Amazwi Yakwe Leza 2013

¹² Alino lyene ndasenda antu alasyalapo amu Yuda yano yapanzile ukuya ikala ku Eguputo. Ndalola inzila yakuyalovezyamo, muno kwene mu Eguputo. Yalafwa ku nkondo, uku cipowe nu ku mpungo. Antu yalazunguka sile pa kuyalola. Yalayawela nu kuomvya izina lyao apakuyatipwila.

Yelemiya 44:12 Referans Kwoze

Yelemiya 42:22

Fwandi mucimanye ukuti mulafwa ku lupanga, ku cipowe nu ku mpungo mu ncende ino mukulonda ukuya mu kwikalamo.’ ”

Ezaya 65:15

Antu yane asololwe yalatoola izina linu, nu kulilumbula wa lutipu lwa kutipwila yauze. Nene kwene ne Yawe, anene ndamukoma. Yano yakantumikila ndayama izina ilipya.

Oseya 4:6

Antu yane yakononeka pamulandu wakuntamanya nene. Mwe yasimapepo mwakana ukusambilila vyapali nene, acino nani kwene ndakana ana inu yataya yasimapepo.

Yelemiya 29:22

Apamulandu wakwe alio kwene azya yonsi ukufuma ku Yuda, yano yali ku Babiloni yalaomvya intipu zi syamo lyao, zyakuti Yawe angala akucitile vino wacitile Zedekiya na Aabu, yano mwene waku Babiloni wasalwile apuma pa moto!

Yelemiya 29:18

Ndayazinganya nu lupanga, ni cipowe nga ni mpungo. Ndayaletela intete ni ngofyo uku wene uli onsi wa pano nsi. Yalaya antu yamwi atipwe, akuwelwa nupya azewane mu mitundu yonsi muno nayasalanganyizizye.

Yelemiya 18:16

Yasenula impanga icitumba, icintu cakusausya amanda pe, na wensi wino alapita apipi cilamupezya amano, nupya alapukunya sile umutwe.

Ezaya 1:28

Lelo yacisanguka na yakaifya yonsi pamwi alayonona, nga na yayo alafutatila Yawe nayo yalalowa.

Mpendwa 5:27

Ndi cakuti umwanaci wiyo wala wacita uzelele, ale amanzi yayo yamamuletela kuwaya kwipisye, ni ndilwa yakwe ivimbe, ni vyanzwalo vyakwe vinyale, nga ni ila lya uvyazi wakwe lifupame. Na antu yakwe yalamutipa.

Yelemiya 16:4

yalafwa imfwa ya ndwala ziipisye. Kutalaya wakuyalosya nanti ukuyaziika. Yalalala wa muvundo mu musili. Yalalowa ku lupanga nu ku cipowe. Ivyala vyao vilaya ivyakulya vya vyunyi vyamu lwelele ni vilyanyi vyamu mpanga.

Yelemiya 24:9

Ndayalenga ukuya na kasokonda uku wene uli onsi uwa panonsi. Yene yalaya izewanya lya antu nu musowe, inseko nu lutipu umu ncende zyonsi muno ndayazingila mwenemo.

Yelemiya 26:6

Ndi cakuti mwatwalilila ukukanayuvwila, lyene ndacitila Ng'anda ikulu ndi vino nacisile ku Syilo. Alino imitundu yonsi ya muno nsi yalaomvya izina lya musumba uu uwa ntipu.”

Yelemiya 42:1

Alino akalamba ya vita yonsi na Yoanani, umwana umonsi wakwe Kaleya, Azaliya, umwana umonsi wakwe Hosyaya na antu yonsi, ance na aikolo yiza kuli kasema Yelemiya.

Yelemiya 44:22

Asi papo, ukufika napilelo impanga inu yononeka mutacili nanti umwi uwakwikala mwenemo. Antu yauze yakazunguka sile, apakulola vino cili, ni zina linu, ali lino yakaomvya apakutipwila. Pasi pano Yawe wasusile waposiwa ukuzizimizya apa miyele inu ni misango inu iipisye.

Zakaliya 8:13

Mwe antu amu Yuda mwe, na mwe ina Izlaeli mwe! Mpiti ainamasi yatolanga izina linu, alino iyalumbula pakutipwila antu yauze, ala yakuti, ‘Mwe anisi mwe, cakumulya caula, wakwe cici calile Ayuda na ina Izlaeli!’ Lelo nemo ndamutuula, na inamasi lyene yamamoopanga. Si mungala mwalukupolelewa ndi vikwene ivyapolelelwa Ayuda na ina Izlaeli! Caleka mwemo posyini sile, mutaoopa foo.”

Yelemiya 43:11

Aliza afulule impanga ya Eguputo cakuti antu yano yasontelelwa ukufwa ku mpungo, yakafwe ku mpungo, yano yasontelelwa ukufwa ku cipowe, yakafwe ku cipowe nga na yano yasontelelwa ukufwa umu nkondo, yakafwile umu nkondo kwene.

Oseya 9:6

Nanti angala yalutuka uononesi, aina Eguputo yalayakolonganya, nu ku yiika mu malindi kuku kwene ku Memfisi. Apa vyuma vyao vyakwe siluva palamela ivikona. Mu mang'anda yao mulamela imyunga.