Yelemiya 43:5 - Amazwi Yakwe Leza 2013

⁵ Caleka Yoanani umwana wakwe Kaleya na akalamba ya vita yonsi yasenda Ayuda yano yasiile, awezile ku kwikala mu mpanga yakwe Yuda ukufuma mu mitundu yonsi ino yasalanganile mwenemo.

Yelemiya 43:5 Referans Kwoze

1 Samueli 26:19

Fwandi lyene musambazi uvwa ku muomvi wako. Ndi cakuti Yawe uwakunena kuti wandwisya, ale lyene cizipe apokelele impolelwa iya kumuzanzya. Lelo ndi cakuti antu ayano yakukutunka, lyene icitipu cakwe Yawe ciyaponele! Pano yene yatiyanzinga umu mpanga yakwe Yawe nu kuntwala ku mpanga ya inamasi muno ningapepa sile tuleza tuze.

2 Yamwene 25:22

Nebukadineza umwene waku Babiloni uwasonsile Gedaliya umwana wakwe Aiikamu, nupya umwizikulu wakwe Syafani, kuti aye umulasi waku Yuda, apakuti asunga antu yano yasiile ukwaula kusendwa uku Babiloni.

Yelemiya 40:10

Lelo nemo namaikalanga uku Mizipa apa kumuvwangila uku ina Babiloni yano yaliza kuno. Mwemo mwalukuzombola sile waini, iviseekwa na mafuta. Muzuzye sile inkolo zinu, muye nu mu misumba muno mungatemwa ukwikala.

Yelemiya 41:10

Nga alino lyene Isumeli wiyo asenda antu yonsi yano yasile ku Mizipa na ana yamwene yakaci, yano Nebuzaladani umukalamba wakwe yakalinda ya mwene wasile kuli Gedaliya umwana wakwe Aiikamu pakuti ayasunde. Isumeli umwana wakwe Netaniya akatuka katondo tondo nu kulambila ku ina Amoni.

Yelemiya 41:17

Yakatwike nu kwiza ikala mu ng'anda ya alendo yaku Geluti Kimuamu, umu pipi nu ku Betelemu ala yalungime ku Eguputo,