Yelemiya 43:11 - Amazwi Yakwe Leza 2013

¹¹ Aliza afulule impanga ya Eguputo cakuti antu yano yasontelelwa ukufwa ku mpungo, yakafwe ku mpungo, yano yasontelelwa ukufwa ku cipowe, yakafwe ku cipowe nga na yano yasontelelwa ukufwa umu nkondo, yakafwile umu nkondo kwene.

Yelemiya 43:11 Referans Kwoze

Yelemiya 44:13

Ndiza imvunuke yano yalikala umu Eguputo ndi vino nacitile Yelusalemu, uku nkondo, icipowe ni mpungo.

Yelemiya 15:2

Ndi cakuti yakuuzya kuno yangalungama, uyanene ukuti Yawe wati, ‘Yamwi yali nu kufwa ku ndwala, nga ku ndwala kwene ali kuno yali nu kuya! Yamwi yali nu kufwa ku lupanga, nga ku lupanga kwene akuno yali nu kuya! Yamwi yali nu kufwa ku cipowe, nga ku cipowe kwene ali kuno yali nu kuya! Yamwi yali nu kusendwa ku uzya, nga ku uzya kwene ali kuno yali nu kufwa!’ ”

Zakaliya 11:9

Alino namanena imfwele inti, “Lyene mwemo nsikumusunganga foo nupya. Mwemuno yali nu kukoma, kayamukome sile. Mwemuno yali nu kulovya, kayamulowe sile. Mwemuno mulasyala penepo, kamuce mwakomana sile mwenga.”

Yelemiya 25:19

Nupya Falao, umwene waku Eguputo na aomvi yakwe, intunguluzi zyakwe kumwi nu mutundu wakwe onsi,

Ezekelo 5:12

Antu yonsi yalapaatukana patatu, iumba lyonga lilafwila mu musumba ku mpungo nu ku cipowe. Lyakwe cili nalyo lilafwila kunzi ya musumba ku lupanga. Lyakwe citatu nalyo ndalisalanganyizizya mu muza alino nkalilondele nu lupanga.

Yobo 20:29

Fwandi vivyo ali vino isyamo lyaya, lino Leza akaletela umuntu umwipe. Nu upinguzi uku muntu akafutatila Leza, ali vino ukaya.”

Umbwilo 13:10

Wino wensi ali nu kuya mu uzya, alasendwa mu uzya. Wino wensi akakoma ku lupanga, alinzile akomwe ku lupanga. Ku antu yakwe Leza paa yalinzile kuposya nu kukwata utailo.”

Yelemiya 25:15

Yawe, Leza wa ina Izlaeli wanenyile ati, “Toola mu minwe yane ulwako lwakwe waini umwesye imitundu yonsi ino ndakutuma kweneko.

Yelemiya 42:22

Fwandi mucimanye ukuti mulafwa ku lupanga, ku cipowe nu ku mpungo mu ncende ino mukulonda ukuya mu kwikalamo.’ ”

Ezekelo 29:11

Mutalapita ulwazo lwa muntu, nu lwazo lwa nyama lutalalyatamo. Impanga iyo ilasyala ulwanga ukwaula uwakwikalamo imyaka amakumi yani.

Yelemiya 44:12

Alino lyene ndasenda antu alasyalapo amu Yuda yano yapanzile ukuya ikala ku Eguputo. Ndalola inzila yakuyalovezyamo, muno kwene mu Eguputo. Yalafwa ku nkondo, uku cipowe nu ku mpungo. Antu yalazunguka sile pa kuyalola. Yalayawela nu kuomvya izina lyao apakuyatipwila.