Yelemiya 42:5 - Amazwi Yakwe Leza 2013

⁵ Lyene iyanena Yelemiya iyati, “Yawe angala aye akambone uwacumi, uwakutusinila, ndi cakuti twakana ukucita ukulingana nizwi lyonsi lino Yawe Leza wako amatutumila ukupitila umu kanwa kako.

Yelemiya 42:5 Referans Kwoze

Utandiko 31:50

Nupya Labani ati, “Ndu lacuzya ana yane anaci nanti kutwala anaci yauze, nanti angala umuntu umwi asi naswe pano, waiusya ukuti Leza ali kambone pakasi kakwe wewe nani.”

Yakapingula 11:10

Intunguluzi zyamu Gileadi zimunena iziti, “Yawe ali kambone witu. Cumi kwene tulacita wakwe vino uvwanzile.”

Umbwilo 3:14

“Lemba ku ntunguluzi yakwi uvi ku Lodesiya uti, “Lii ilandwe kufuma kuli wino akwamwa Ameni, kambone uwakutailwa nupya uwa cumi. Wene ali ntulo yakwe vyonsi vino Leza waumba.

Umbwilo 1:5

Cikuku nu mutende viye namwe kufuma kuli Yesu Klistu kambone uwakutailwa, uwali wankolelo kuzyukuka kufuma ku mfwa, nupya wene ali kateeka wakwe yakateeka yonsi amu nsi. Wene watutemwa nupya waipile kuti atukulule ku maifyo itu

Malaki 3:5

Yawe Wamaka yonsi wavwanga wati, “Ndiza pakasi kinu ku kupingula, nga lilyo kwene ndasinila antu akacita vyamalele, na yacizelele, na yayo akatumpwila auze, na yayo akasomba aomvi apa kuyalipila, na yayo akakwilila pa mitwe yakwe yamukamfwilwa na ana asyale, na inamasi kwene. Ndasinila yonsi asincindika.

Malaki 2:14

Namwe imuzya muti, “Uzye apacani cino akucita vivyo?” Apamulandu wakuti Yawe ali kambone wakukusinila pa kuntaya wacumi ku muci wino watwite mu ulumendo wako.

Mika 1:2

Uvwini, mwe antu amu mitundu yonsi, Si tezyini mwe antu mwensi, mwemuno mukaikala pano nsi. Yawe Wamaka yonsi ali mu Ng'anda yakwe ikulu, nga akumusinila pa milandu inu.

Loma 1:9

Leza ali kambone wane, wino nkatumikila nu mwenzo wane onsi pa kukosola Ilandwe Lisuma lya Mwana wakwe. Leza amanyile vino nkamutaka manda onsi mu mapepo yane.

Yelemiya 5:2

Nanti angala yene yakavwanga yati, ‘Tukapepa Yawe,’ yene yasicita vino yakalanda.

1 Samueli 20:42

Lyene Yonatani anena Davidi ati, “Leza aye nawe, pano twandana ucuza nu mulapo umwi zina lyakwe Yawe, tula tukuti, ‘Yawe ali kambone pakasi kakwe wewe nani, na pakasi ka amu mupanda wako na amu mupanda wane amanda pe.’ ” Lyene Davidi afumapo, nga Yonatani nawe aswilila ku musumba.

1 Samueli 12:5

Samueli nawe ayanena ati, “Yawe pamwi nu mwene wino watasonta ali kambone akupeela umboni uwakuti mutanzanyile nu mulandu uli onsi.” Nayo yavwanga iyati, “Endi, wene akambone.”

Kufuma 20:19

Yanena Mose yati, “Wewe ndi wavwanga kunotuli, tumakuvwa. Lelo tuli ni ntete ukuti ndi Leza wavwanga kunotuli, tungafwa.”

Kufuma 20:7

“Utalumbula izina lyakwe Yawe Leza wako mu mwata wipe. Pano Nene, ne Yawe Leza wako, ndavunuka ali wensi akalumbula izina lyane mu mwata wipe.

Yelemiya 43:2

Azaliya umwana umonsi wakwe Hosyasya na Yoanani umwana umonsi wakwe Kaleya, na antu yonsi aminteleu nu utalami, yanena Yelemiya yati, “Ukusomba sile ufi Yawe atakutumile ukuti tutaya ku Eguputo ku kwikala.

Yelemiya 43:4

Acino Yoanani umwana umonsi wakwe Kaleya pamwi ni ntunguluzi zya vita zyonsi na antu yonsi, yakana ukuvwa ku mazwi yakwe Yawe ukuti yasyale mu mpanga ya Ayuda.

Yelemiya 42:20

Namunena nati ndi cakuti mwala mwaluvyanya, ale mwailetelela, mwasumba sile umi winu. Alino nukuya, amwemwe mwantumile kuli Yawe Leza winu kuti inje mupapatile kunoli nu kuti ince munene na consi cino alavwanga, nga nu kuti muce mucicite.