Yelemiya 42:18 - Amazwi Yakwe Leza 2013

¹⁸ “Yawe Wamaka yonsi, Leza wa ina Izlaeli wavwanga wati, ‘Vino ukali wane ni cipyu cane vyaponile akaya aku Yelusalemu, ali vino cipyu cane cilamuponela ndi mwaya ku Eguputo. Mulaya antu yamwi atipwe na asulwe. Mutalatala musyukile incende ii nupya.’ ”

Yelemiya 42:18 Referans Kwoze

Yelemiya 7:20

Ali cino Yawe Simwandalali akuti, “Ukali wane ni cipyu cane vilaponela apa ncende ii. Vilaponela umuntu ni nyama kwene, imiti ya mpanga ni viseekwa kwene. Ukali wane ulaya wa moto uno kusi nanti wenga angauzimya.”

Yelemiya 29:18

Ndayazinganya nu lupanga, ni cipowe nga ni mpungo. Ndayaletela intete ni ngofyo uku wene uli onsi wa pano nsi. Yalaya antu yamwi atipwe, akuwelwa nupya azewane mu mitundu yonsi muno nayasalanganyizizye.

Yelemiya 18:16

Yasenula impanga icitumba, icintu cakusausya amanda pe, na wensi wino alapita apipi cilamupezya amano, nupya alapukunya sile umutwe.

Yelemiya 44:12

Alino lyene ndasenda antu alasyalapo amu Yuda yano yapanzile ukuya ikala ku Eguputo. Ndalola inzila yakuyalovezyamo, muno kwene mu Eguputo. Yalafwa ku nkondo, uku cipowe nu ku mpungo. Antu yalazunguka sile pa kuyalola. Yalayawela nu kuomvya izina lyao apakuyatipwila.

Yelemiya 24:9

Ndayalenga ukuya na kasokonda uku wene uli onsi uwa panonsi. Yene yalaya izewanya lya antu nu musowe, inseko nu lutipu umu ncende zyonsi muno ndayazingila mwenemo.

Yelemiya 22:27

Nupya kutalatala kuye ukuweluluka umu mpanga ino mukalukisya wakwe cimwi.”

Ezaya 65:15

Antu yane asololwe yalatoola izina linu, nu kulilumbula wa lutipu lwa kutipwila yauze. Nene kwene ne Yawe, anene ndamukoma. Yano yakantumikila ndayama izina ilipya.

Umbwilo 14:10

wene alamwa waini wa ukali wakwe Leza. Waini wa cipyu cakwe wino wapongolwela mu lwako ulwa ukali wakwe ukwaula kucefiwa maka. Wene alasumbwa nu kupya mu moto na maluti pa manso ya angeli yakwe Leza nu Mwana wa Mfwele. Wene alasumbwa mu moto na maluti pa manso ya angeli amuzilo nu Mwana wa Mfwele.

Zakaliya 8:13

Mwe antu amu Yuda mwe, na mwe ina Izlaeli mwe! Mpiti ainamasi yatolanga izina linu, alino iyalumbula pakutipwila antu yauze, ala yakuti, ‘Mwe anisi mwe, cakumulya caula, wakwe cici calile Ayuda na ina Izlaeli!’ Lelo nemo ndamutuula, na inamasi lyene yamamoopanga. Si mungala mwalukupolelewa ndi vikwene ivyapolelelwa Ayuda na ina Izlaeli! Caleka mwemo posyini sile, mutaoopa foo.”

Naumi 1:6

Lino wene wasoka, uzye aweni angimilila pa manso yakwe Yawe? Aweni angaposya ukali wakwe uwakofya? Ukali wakwe ukafuluma kwati icimbilimbili ca moto, na mawe iyavungoka pa manso yakwe.

Danieli 9:27

Kateeka wilya alacita cipangano ningo na antu avule pa myaka cinimbali, nga lino citika wa nsita ii wapita, wene alaleta impela ku kupeela kwa mpolelwa na mawila. Caononyi Cawinyi cene cilimikwa pa kansonsi ka Ng'anda ikulu yakwe Leza nga cilasyala papa kwene ukufika lino impela ino Leza wamuteyanyizizya ilafika.”

Danieli 9:11

Izlaeli wensi wavuna amasunde yako nu kukufutatila, nupya wene wakana ukukuyela. “Caleka swemo twifya kunuli nu kuiletelela intipu zino zyalembwa mu Masunde yakwe Mose, umuomvi wako we Leza.

Ezekelo 22:22

Vivi kwene vino yakaengulula siluva mwi lungu, avino mulengululwa mukasi ka musumba. Alino lyene mulamanya ukuti nemo ne Yawe, nene namuponyezizye ukali wane.”

Nyimbo zya ndosya 4:11

Umwene watafusya ukali wakwe. Wene wakozizye umoto umu Zioni uno wosile Zioni nu mu mifula kwene.

Nyimbo zya ndosya 2:4

Akukana ulapwa nu kutusonta ni nceto ungati sweswe anisi yakwe. Watakomola vyonsi vino ilinso lingatemwa ukulola. Watapongolwela icipyu cakwe wa moto, umu mang'anda yakwe swe ina Zioni.

Yelemiya 29:22

Apamulandu wakwe alio kwene azya yonsi ukufuma ku Yuda, yano yali ku Babiloni yalaomvya intipu zi syamo lyao, zyakuti Yawe angala akucitile vino wacitile Zedekiya na Aabu, yano mwene waku Babiloni wasalwile apuma pa moto!

Yelemiya 26:6

Ndi cakuti mwatwalilila ukukanayuvwila, lyene ndacitila Ng'anda ikulu ndi vino nacisile ku Syilo. Alino imitundu yonsi ya muno nsi yalaomvya izina lya musumba uu uwa ntipu.”

Yelemiya 25:9

indi nu kwama imitundu yaku kayeya, namaama umuomvi wane Nebukadineza umwene waku Babiloni, namaama antu yano yakaikala ku mpanga ilya apakuti yize yamuvwangatile, yavwangatile kumwi ni mitundu ino yamuzinguluka. Namamulovya mwensi pyu pakuti antu yauze ndi yalolekesya yatandika sile kuizakazila pamulandu ni ntete. Ivyalanda Yawe.

Yelemiya 6:11

Lelo nemo ninkwata icipyu cakwe Yawe. Natonta muno nkalu kuzizimizya.” Lyene Yawe avwanga kunondi ati, Pongolwela ukali wane apa ana yano yali mu misolo napa maumba ya alumendo. Yaiya na aci yalasendwa, nga na akoloci kwene yatalayasya.

2 Milandu 34:25

Nemo yansangukila, yatandika nu kocela tuleza tuze ubani. Yene yansosya umwenzo pali vyonsi vino yacita. Nani ne Yawe nasokela aina Yelusalemu nupya ntalezya nu kuwezya umwenzo.

Mpendwa 5:27

Ndi cakuti umwanaci wiyo wala wacita uzelele, ale amanzi yayo yamamuletela kuwaya kwipisye, ni ndilwa yakwe ivimbe, ni vyanzwalo vyakwe vinyale, nga ni ila lya uvyazi wakwe lifupame. Na antu yakwe yalamutipa.

Ezaya 30:3

Lelo kwene uwazwilizyo wakwe Falao ulaposiwa na munyele alayakangoka. Pano ukuzenzemalila uku Eguputo uku kutuwilizya kulayaletela sile umuzewanya.

Yelemiya 23:40

Nupya ndayaletela ukupupana kwa muntaputuka ni nsonyi izilayelelela pee, ukwaula kwililika.”

Yelemiya 33:5

‘Yakalwikanya ya antu na ina Babiloni, apa kuzuzya ivyala umu musumba, ndakomola antu yayo uku cipyu cane nu ku ukali wane, yano mfutatile apa uyi wao onsi.

Yelemiya 44:6

Fwandi lyene nani icipyu cane cayaponile nu koca imisumba yamu Yuda ni miseo ya musumba wa Yelusalemu yasanguka amatongwa na antu apakuilola yakakunta sile imitwe ukufika na pilelo.

Yelemiya 44:8

Uzye pacani cino mwamvulumwila icipyu uku vicitwa vya minwe inu, apa kocela tuleza utwenyi ubani umu mpanga ya Eguputo, kuno mwiza sile ku kwikala? Apa kucita camusango uo, mukulonda sile ukuilovya mwe eneco, cakuti antu amitundu yonsi pano nsi yakumuseka nu kumuwela. Yene yakaomvya ni zina linu alino yakulumbula apa kutipwila.

Yelemiya 44:22

Asi papo, ukufika napilelo impanga inu yononeka mutacili nanti umwi uwakwikala mwenemo. Antu yauze yakazunguka sile, apakulola vino cili, ni zina linu, ali lino yakaomvya apakutipwila. Pasi pano Yawe wasusile waposiwa ukuzizimizya apa miyele inu ni misango inu iipisye.

Ezekelo 20:34

Ndamulanga vino nemo naya na maka na vino nkasoka, lino ndamufumya mu mpanga zyonsi muno yamusalanginye, pakuti nkamukolonganike pamwi.

Nyimbo zya ndosya 2:6

Watalyatola Ng'anda ikulu yakwe Leza muno tukamupepela. Watalenga kuti mu Zioni mutaya amanda amuzilo kumwi na Masabata, Lyene nu ukali wakwe wafulumila yakateeka na yasimapepo kwene.

Oseya 7:16

Yene yasiseleukila kuli Leza wapapelapela, lelo yakaya ku tuluwi. Yakoline wa ulapwa uononeke. Intunguluzi zyao zilakomwa ku lupanga, pamulandu wakuti yene yakalanda vyakunsausya. Acino aina Eguputo yalayaseka wakwe cimwi.”