Yelemiya 42:17 - Amazwi Yakwe Leza 2013

¹⁷ Antu yonsi yano yapanzile ukuya ku Eguputo ku kwikala, yalafwila kuku kwene ku lupanga, ku cipowe nu ku mpungo. Kutalasyala nanti wenga uwa mulembo pamulandu na masyamo yano ndayaletela.

Yelemiya 42:17 Referans Kwoze

Yelemiya 42:22

Fwandi mucimanye ukuti mulafwa ku lupanga, ku cipowe nu ku mpungo mu ncende ino mukulonda ukuya mu kwikalamo.’ ”

Yelemiya 44:28

Lelo ampendwa sile yao alapusunsuka uku nkondo, yalafuma mu mpanga ya Eguputo nu kuswilila uku mpanga yakwe Yuda. Alino zizyo kwene insyazi, zilamanya wino wavwanzile icumi, ndi cakuti anene nanti aliwo.

Yelemiya 24:10

Nupya ndayatumila ulupanga ni cipowe nga ni mpungo, mpaka yace yalowe umu mpanga ino nayapile aeneco ni vikolwe vyao.”

Yelemiya 38:2

“Yawe wavwanga ukuti, wiyo wensi uwala wasyala umu musumba uu, alafwa uku nkondo, uku cipowe, nu ku mpungo. Lelo wiyo wino wafuma mwenemo nu kuya uku lusansa lwa ina Babiloni, alapususya umi wakwe. Alapuuka nu umi wakwe, nu kwikala uwa umi.”

Yelemiya 42:15

fwandi lyene muvwe uku mazwi yakwe Yawe, mwemuno mwasyalako mu mutundu wakwe Yuda. Yawe Wamaka yonsi, Leza wa ina Izlaeli, wavwanga wati, ‘Ndi mwalozya sile amanso inu ku Eguputo, mwala mwingilamo nu kwikala mwikala mwenemo,

Ezekelo 11:8

Uzye mwemo mukoopa ulupanga? Endi, nemo namaleta ivita ivimaiza namalupanga ku kumuzanza. Ivyalanda Yawe.