Yelemiya 42:16 - Amazwi Yakwe Leza 2013

¹⁶ ale lyene ulupanga luno mukaoopa lulamuponela mumu kwene mu mpanga ya Eguputo. Ni cipowe kwene cino mukautuka cilamuponela mumu kwene mu Eguputo, ali muno mulafwila.

Yelemiya 42:16 Referans Kwoze

Ezekelo 11:8

Uzye mwemo mukoopa ulupanga? Endi, nemo namaleta ivita ivimaiza namalupanga ku kumuzanza. Ivyalanda Yawe.

Yelemiya 44:27

Panondi pano, namamusuntililanga sile mpaka ince nkamuletelele, isyuko lyene, kotoo! Aina Yuda yonsi aikala umu Eguputo, yalalowa uku nkondo, nanti uku cipowe mpaka yakasuke yakasililikile pyu.

Yoane 11:48

Ndi twamusila umweko, antu yonsi yamamutaila. Ni ntunguluzi zya Ciloma ziliza nu konona Ng'anda ikulu yakwe Leza nga na antu amu luko lwitu.”

Zakaliya 1:6

Uzye ivikolwe vinu vituvwile amazwi yane na masunde yane yano nanenyile aomvi yane yakasema? Lyene yene yazenzwike nu kuvwanga yati, Yawe Wamaka yonsi watatupezya ukulingana ni miyele nga ni vicitwa vitu iviipe.’ ”

Yelemiya 42:13

“Lelo ndi cakuti mwati musikulonda kwikala mu mpanga ii, mwakana nu kuyela amazwi yakwe Yawe Leza winu,

Mapinda 13:21

Iciipe consi cikalondela uwatacicita, lelo yayo akacita ivyaololoke yalapeelwa ivisuma.

Malango 28:45

“Ivilumbelo vyonsi vii vilamuponela, nga vilamutitikizya mpaka mukasuke mononwe, pamulandu wakuti mwakanyile kuyela Yawe Leza winu nu kulondela amalamulo ni vyeo vyonsi vino wene wamupezile.

Malango 28:22

Yawe alamuponyezya indwala izikaambukila, ni mvimba ni nzakaza, ni cilala ni miza ikaye kuti yonone ivyakulya vinu. Ivilumbelo vii vilasyala pano muli mpaka mukafwe.

Malango 28:15

“Lelo ndi mwakana ukuyela Yawe Leza winu nga mutacenjile mukane kulondela amalamulo yakwe yonsi na masunde yano nkumupeela ilelo, ale lyene vintu vii vyonsi iviipe vilamuponela.

Yelemiya 27:8

Umutundu nanti uwene uno utalatumikila Nebukadineza umwene waku Babiloni, uno utalacimbila umwene waku Babiloni, ndaukomola ku lupanga, ku cipowe nu ku mpungo. Avino Yawe walanda. Suka sile ace aulovye ku minwe yakwe.

Yelemiya 41:18

umu kupuuka aina Babiloni. Yayoopanga apamulandu uwa kwene uno Isumeli umwana wakwe Netaniya wakomile Gedaliya umwana wakwe Aiikamu, wino umwene waku Babiloni wacisile umulasi wa mpanga.