Yelemiya 42:14 - Amazwi Yakwe Leza 2013

¹⁴ ale mukuti, ‘Tukulonda ukuya ku mpanga ya Eguputo kuno tutalalola inkondo, nanti ukuvwa ukulila kwa ntandala, nanti ukuulilwa icakulya, imuti akuno mukulonda ukwikala,’

Yelemiya 42:14 Referans Kwoze

Yelemiya 41:17

Yakatwike nu kwiza ikala mu ng'anda ya alendo yaku Geluti Kimuamu, umu pipi nu ku Betelemu ala yalungime ku Eguputo,

Yelemiya 4:19

Owe nafwa mwe! Nemo nkunyunguluka sile pamulandu nu ukali! Umwenzo wane umalepuka! Umwenzo wane uku kulukunta uyi uyi. Naposiwa kumyalala. Pano natinuvwa ukulila kwa ntandala nga nu kupunda kwamu nkondo.

Yelemiya 4:21

Uzye ukufika lilaci lino ndalola imendela ya nkondo, nu kuvwa ukulila kwa ntandala?

Ezaya 31:1

Kalanda kuli yayo akasimwilila ku Eguputo, ku wazwilizyo. Yao akaika amano umu kutaila imfwalasi. Yao ataila amaceleta, ni vita ivikasimuzya amaceleta kwene ukwaula kutaila muli Yawe, Wamuzilo wakwe Izlaeli.

Kufuma 16:3

Liyanena liti, “Ngani cazifile kuti Yawe aleke tufwile mu Eguputo. Kuku twalyanga inyama ni vyakulya vyuze tukwikuta. Lelo mwatuleta mu lwanga kuti swensi tufwe ni nzala.”

Yelemiya 43:7

Fwandi ali vino yaya ku Eguputo, pamulandu wakuti yakanyile ukuvwa ku mazwi yakwe Yawe, yasuka yafika nu ku Tapenesi.”

Ezaya 30:16

Mukalonda sile ukuzinganya anisi inu pa mfwalasi. Nu kulungika ee kwene mukalungika, kamwalukuutuka! Mukaelenganya ukuti imfwalasi zinu izyalwilo sana. Lelo mulalola ukuti yano yakamuzinganya yalamulusya ulwilo.

Malango 29:19

Musininkizye ukuti pali mwemwe mwensi, mwemuno mwatimwimilila pano ilelo pataya nanti wenga uwakuisomba ukuti alaikala sile ningo ukwaula intazi nanti angala wene wacita ivyaucintuvwa wakwe. Owe mwe! Ale lyene wiyo alaleta ulupekeso ku muntu umusuma nu ku mwipe kwene.

Mpendwa 16:13

Uzye pakutufumya mu mpanga iyo iya uzombozi ukulu cuze nupya iivunde, kwacepa pakuti wize utukome mu lwanga? Uzye lyene ndakai ukulonda kuti uumalalike myenzo itu?

Kufuma 17:3

Lelo antu yali nu lusala cuze nga yatwalilila kuilizyanya kuli Mose yati, “Uzye pacani cino watufumizye mu Eguputo? Uzye walondanga kuti utukome nu lusala, sweswe, ana itu, nga ni viteekwa vitu vwile?”

Mpendwa 14:3

Uzye pacani cino Yawe akututwalila mu mpanga ilya? Swemo tulakomwa mu nkondo, alino yalatupoka aci itu na ana itu. Uzye ukuswilila sile ku Eguputo kutange kuzipe?”

Mpendwa 14:4

Alino iyalanzyanya yati, “Katule tusolole sile intunguluzi itu nu kuswilila ku Eguputo!”

Malango 17:16

Umwene atalinzile ukukwata imfwalasi zivule wakwe cimwi, nanti ukuleka antu yaswilile ku Eguputo ukuya kala imfwalasi nazyuze, pamulandu wakuti Yawe walanda ukuti antu yakwe yataca yezye ukuswilila ku Eguputo nupya.

Ezaya 30:2

Yene yakazenzemalila uku Eguputo, ukukulenga uwazwilizyo kuti Falao ayacingilileko ukwaula ukuti yatale yanguzye. Yakalonda ukuti impanga ya Eguputo aino iye icisao cakutuwilizyamo.