Yelemiya 42:11 - Amazwi Yakwe Leza 2013

¹¹ Mutaoopa nupya umwene waku Babiloni wino mukaoopa. Mutamoopa foo. Ivyalanda Yawe. Pano nemo indi namwe apakumupususya nu kumutuula mu makasa yakwe.

Yelemiya 42:11 Referans Kwoze

Loma 8:31

Uzye tumati uli pa vintu vii? Ndi Leza ali naswe, aweni amatucimvya?

Yelemiya 1:19

Yene yalakulwisya, lelo yalaposiwa ku kucimvya, pano nemo namayanga nawe apa kukupususya.” Ivyalanda ne Yawe.

Yelemiya 1:8

Utayoopa foo, pano namayanga nawe nu kukupususya. Ivyalanda ne Yawe.”

Ezaya 43:5

Utuvwa intete foo, pano indi nawe. Nemo ndafumya antu inu yonsi, ukutandikila sile ku ufumondaka, nu kuyawezezya kumwao.

Ezaya 43:2

Lino wapita umu manzi azike, namayanga nawe, na lino ukulamba uluzi, utalamwela awe. Lino wapita umu moto, utalapya awe. Icimbilimbili cakweo citalakwambukila awe.

2 Timoti 4:17

Lelo Leza wene atantazyezile, nupya wampile maka kuti nkosole ilandwe limalilike ku Akulukuwa yonsi kuti yuvwe. Nupya nakulwilwe ku upinguzi wa kufwa.

Yelemiya 41:18

umu kupuuka aina Babiloni. Yayoopanga apamulandu uwa kwene uno Isumeli umwana wakwe Netaniya wakomile Gedaliya umwana wakwe Aiikamu, wino umwene waku Babiloni wacisile umulasi wa mpanga.

Yelemiya 27:17

Mutaciyuvwila, mwemo mwaombela sile umwene waku Babiloni pakuti mwikale nu umi. Uzye pacani cino umusumba uu ungasangukila ulwanga?

Yelemiya 15:20

Ndakulenga kuti uye ilinga lya maka, ilya mukuwa, lya kukucingilila ku mutundu uu. Yene yalakulwisya, lelo yalaposiwa ku kucimvya pano ndaya nawe apa kukutaasya nu kukuwaka.

Ezaya 41:10

Ali cino mwemo mutaoopa, nemo namayanga pee namwe. Mutasakamala nanti cimwi pano nene indi Leza winu. Nene namamukomyanga nupya namamwavwanga. Nene namamusunganga nupya nene namamupususyanga.

Masamu 46:11

Leza Wamaka yonsi waya naswe, Leza wakwe Yakobo ali cele litu!

Yoswa 1:9

Uwaiusya lyonsi ilamulo lino natinkupeela ilya kuti uposye nupya uzyansye! Uposye nupya uzyansye, pano Yawe Leza wako amayanga nawe konsi kuno umayanga.”

Yoswa 1:5

Kusi umuntu nanti wenga alakucimvya we Yoswa, mu manda yonsi aumi wako. Vino nayanga na Mose avino namayanga nawe. Ntalatala inkusye awe, nupya ntalakutazyela foo.

Malango 20:4

Yawe Leza winu amapita namwe, amamupeela na maka akucimvya.’

Mpendwa 14:9

Acino mutatalamila Yawe nupya mutoopa antu amu mpanga ilya, pano tulayacinzola sile. Tuleza twao twatitufuntuka kunoyali. Lelo swemo Yawe ali naswe. Caleka mutayoopa foo.”

Milimo 18:10

pano indi nawe. Kusi umwi ali na maka ya kukucisa, pano aingi mu musumba uu, antu yane.”

Mateo 28:20

nu kuyasambilizya kucita vyonsi vino namunenanga. Lyene nani namayanga pamwi namwe lyonsi kufika na pa wanda wa mpelelekezyo ya nsi.”

Mateo 10:28

Mutaoopa yano akakoma umwili, lelo yatangakoma mupasi. Lelo mwaoopa Leza, wino ali na maka akonona umwili nga nu mupasi kwene mu Gehena.

Yelemiya 27:12

Na Zedekiya kwene umwene waku Yuda namunenyile icili conga kwene inti, “Ingizini insingo zinu mwi koli lya mwene waku Babiloni kumwi na antu yakwe kwene yano mukacimbila, nga muce mulole ukupususya uumi.

Masamu 46:7

Icacumi swemo twaya na Leza Wamaka yonsi. Leza wakwe Yakobo ali cele litu!

2 Yamwene 25:26

Alino aina Izlaeli akama pamwi na apina, ukwikapo na akalamba ya vita kwene, yonsi iyapuukila uku Eguputo, apamulandu wa koopa aina Babiloni.

Masamu 118:6

Nemo twaya pamwi na Yawe ni ntete ntakwata foo. Icani fwandi cino umuntu angancita nene?

Yelemiya 27:11

Lelo umutundu onsi uno ulika insingo mwi koli lya mwene waku Babiloni nu kumutumikila, ndaleka yasyale umutende mu mpanga yao nu kulimamo nga nu kwikala umutende. Ivyalanda Yawe.”’”