Yelemiya 42:10 - Amazwi Yakwe Leza 2013

¹⁰ ‘Ndi cakuti mukasi ukwikala umutende umu mpanga ino, ndamukuula ntalamuongolola pansi. Ndamulema ntalamwipa foo, pasi pano nimutezela apa uyi uno namucitile.

Yelemiya 42:10 Referans Kwoze

Ezekelo 36:36

Alino antu amitundu iyaya umu mbali alasyala penepo, yalasininkizya ukuti nene ne Yawe ninkuula cipya cipya imisumba iyononike, nu kututulula ivyalo ivyalalukanga. Ee, ivyalanda ne Yawe nu kucita avino ndavicita.”

Yelemiya 31:28

Wakwe vino nkulolelanga ukwipa, apa kuwisya, apakuongolola, apakonona na pa kuleta ulanda, ali vino ndakolelela ukukuula na pa kulima. Ivyalanda Yawe.

Yelemiya 24:6

Ndasumba amanso yane pano yali apakuyacitila ivisuma. Ndayaswilizya kuno yafuma. Ndayakuula, ntalayaongolola, awe. Ndayalema, ntalayatukula, awe.

Yowelo 2:13

Si imyenzo inu ilange ulanda kunondi, asi kulepula sile vizwalo vinu awe. “Swililini kuli Yawe Leza winu, pano wene wazipa umwenzo nupya uwa luse. Wene asisoka zuwa nga ukutemwa kwakwe kusifutuka. Insita zyonsi wene akaelela.

Amosi 7:6

Acino lyene Yawe aya na mizu, nga avwanga ati, “Vyonsi vii vitalacitika awe.”

Yelemiya 33:7

Ndawezezya Yuda na Yelusalemu isyuko nu kuyasimpa nupya ndi vino nacisile mpiti.

Yona 4:2

Acino Yona apepa kuli Yawe ati, “Iye, we Yawe, uzye ntalanzile vikwene lino nali kumwitu? Uli mulandu uno nacincile ukuutukila ku Tasisyi. Namanyile vino wewe Leza wa mizu nu wa luse, wino asisoka zuwa nupya akatemwa wakwe cimwi, Leza asisimwilila ku kuponya ivilumbelo.

Yona 3:10

Lyene lino Leza walola vino antu yacita na vino yazenzwike uku misango yao yankota, aya na mizu kunoyali nga atayaponyezizye uwononesi uno walanzile ukuti alayaponyezya.

Amosi 7:3

Acino lyene Yawe aya na mizu, nga avwanga ati, “Vyonsi vii vitalacitika konsi awe.”

Oseya 11:8

“Uzye ungamfuulila uli we Efulemu? Uzye ningakutazyela uli we Izlaeli? Uzye ningakusenula uli wakwe Adima? Uzye ningakonona uli wakwe Zeboimu? Umwenzo wane ukuti cipelele ukutali, ukutemwa kwane kunuli ukukulu.

Kufuma 32:14

Caleka Yawe awezya umwenzo atalenzile kuti uzanzo ucitike uno wakasi kuti acite pa antu yakwe, aina Izlaeli.

Milimo 15:16

‘Pacisila ca vintu vii ndawela, Nu kukuula ing'anda yakwe Davidi iyawa. Ndakuululula citalang'anda nu kukuula ing'anda nupya.

Yelemiya 26:19

Umwene Hezekiya wa Ayuda pamwi na antu yonsi yatakomile Mika foo. Uzye yene yatoofile Yawe nu kumupapata apakuti atayaletela isyamo lino walanga wapanga ukuyacitila? Uzye swemo twifye imyenzo itu uku uyi ukulu ndi uu?”

Masamu 106:45

Wiusyanga ulayo uno walaine nayo, ali pakuyuvwila inkumbu, pamulandu wa luse lwakwe ulukalamba.

Masamu 102:16

Lino alakuula Zioni cipya cipya, nu kulanga amaka yakwe, alauvwa ni ipepo lya antu yakwe,

Masamu 69:35

Pano aliwe amapususyanga Zioni nu kututulula imisumba yamu mpanga yakwe Yuda, ali muno mumaikalanga antu yakwe, nupya cimayanga ali mpanga yao.

Masamu 37:3

Tailanga muli Yawe nu kucita ivisuma, ikalanga nu longo mu mpanga.

2 Samueli 24:16

Lino umungeli wakwe Yawe wali pipi nu konona Yelusalemu, Yawe awezya umwenzo kuti atavunuka antu nga anena umungeli uwayakomanga ati, “Ta, caticilingana!” Umungeli wi waimi apipi na pa lwano lwa kupuulila lwakwe Alauna, umwina Yebusi.

Yakapingula 2:18

Lyonsi lino Yawe wapeela aina Izlaeli intunguluzi, wene wali pamwi ni ntunguluzi ilya nga ayatuula ku anisi yao umu nsita yonsi iya umi wa ntunguluzi ilya. Pasi pano Yawe wali na mizu panoyali lino yakunyunguluka pa kuzunyiwa nu kucuziwa na anisi yao.

Malango 32:36

Yawe alakulula antu yakwe lino alalola ukuti amaka yao yasila. Alaya na mizu kuli yao akamutumikila, lino walola ukuti awe lyene yacepelwa amaka. Nu kulola ukuti awe lyene yasyala ancepelwa, cisi cimwi yangaya azya nanti antungwa.

Yelemiya 27:11

Lelo umutundu onsi uno ulika insingo mwi koli lya mwene waku Babiloni nu kumutumikila, ndaleka yasyale umutende mu mpanga yao nu kulimamo nga nu kwikala umutende. Ivyalanda Yawe.”’”

Yelemiya 43:4

Acino Yoanani umwana umonsi wakwe Kaleya pamwi ni ntunguluzi zya vita zyonsi na antu yonsi, yakana ukuvwa ku mazwi yakwe Yawe ukuti yasyale mu mpanga ya Ayuda.

Yona 3:4

Yona aingila mu musumba ulya nga atandika ukupita mwenemo. Akosola ilandwe ati, “Kwasyala amanda nayauze amakumi yani kuti umusumba uwa Ninive ononwe.”