Yelemiya 41:18 - Amazwi Yakwe Leza 2013

¹⁸ umu kupuuka aina Babiloni. Yayoopanga apamulandu uwa kwene uno Isumeli umwana wakwe Netaniya wakomile Gedaliya umwana wakwe Aiikamu, wino umwene waku Babiloni wacisile umulasi wa mpanga.

Yelemiya 41:18 Referans Kwoze

Yelemiya 40:5

Ndi cakuti usikulonda ukupita, ungaswilila kuli Gedaliya umwana umonsi wakwe Aiikamu, nupya umwizikulu wakwe Syafani, wino umwene waku Babiloni walasika ukwikala pa cilimba ca wene ica kuteeka imisumba yaku Yuda. Mungikala nawe apakasi ka antu nanti uye konsi kuno watemwa.” Umukalamba wakwe yakalinda ya kwisano ali pa kumuteyanyizizya impao ni vya wila vyuze apakuti angatenuka.

Yelemiya 42:16

ale lyene ulupanga luno mukaoopa lulamuponela mumu kwene mu mpanga ya Eguputo. Ni cipowe kwene cino mukautuka cilamuponela mumu kwene mu Eguputo, ali muno mulafwila.

Yelemiya 42:11

Mutaoopa nupya umwene waku Babiloni wino mukaoopa. Mutamoopa foo. Ivyalanda Yawe. Pano nemo indi namwe apakumupususya nu kumutuula mu makasa yakwe.

Ezaya 57:11

Aweni fwandi wino oopanga nu kuzakaza kunoli, apakuti wize unsangukile vikwene vii, ukane nu kunjiusya icakuti lyene watunjima ni ncende apakunjika, umu mwenzo wako? Uzye namanye umulandu wakuti nkutumile cele, icingalenga ukuti utangoopa?

2 Yamwene 25:25

Lelo walanga wafika umwezi walenga cinimbali, Isumeli umwana umonsi wakwe Netaniya, umwizikulu wakwe Elisyama, uwali uwaku wene, waile uku Mizipa apali ponga na antu ikumi lyonga nu kuya zanza Gedaliya, iyamukoma nga iyakoma na ina Izlaeli pamwi na ina Babiloni yano yali nawe, mpaka afwa.

Yelemiya 42:1

Alino akalamba ya vita yonsi na Yoanani, umwana umonsi wakwe Kaleya, Azaliya, umwana umonsi wakwe Hosyaya na antu yonsi, ance na aikolo yiza kuli kasema Yelemiya.

2 Yamwene 25:22

Nebukadineza umwene waku Babiloni uwasonsile Gedaliya umwana wakwe Aiikamu, nupya umwizikulu wakwe Syafani, kuti aye umulasi waku Yuda, apakuti asunga antu yano yasiile ukwaula kusendwa uku Babiloni.