Yelemiya 40:6 - Amazwi Yakwe Leza 2013

⁶ Avino Yelemiya wakatwike nu kuya kuli Gedaliya umwana umonsi wakwe Aiikamu, uku Mizipa. Aya aikala nawe apakasi ka antu yano yasile umu mpanga.

Yelemiya 40:6 Referans Kwoze

Yelemiya 39:14

Yene yatuma akuyasenda Yelemiya mu musolo wakwe yakalinda. Yamutwala kuli Gedaliya, umwana umonsi wakwe Aiikamu, umwana umonsi wakwe Syafani, kuti amuswilizye ku ng'anda ukwakwe. Caleka Yelemiya watenzi kuku na antu yakwe.

Yakapingula 20:1

Lyene aina Izlaeli yonsi pali pakukatuka ukufuma ku Dani ukufika ku Belisyeba nu ku mpanga ya Gileadi, iyasya uwikalo wao yiiza iyakongana wa muntu wenga pa manso yakwe Yawe ku Mizipa.

Yakapingula 21:1

Lino aina Izlaeli yakongine ku Mizipa, yalafile yati, “Kutalaya nanti aumwi uwa munotuli uwakuti akatwalizye umwana umwanaci ku mwina Benjamini.”

Yoswa 15:38

Dileani, Mizipa, Yokotele,

2 Milandu 16:6

Lyene umwene Asa akonganika aikazi amu Yuda yonsi, nga nayo iyaya yasenda amawe ni miti ino Baasya wakulilanga ilinga uku musumba wa Lama, ali vino yaya yakuulilila ilinga lya musumba wa Geba nu wa Mizipa.

Yelemiya 41:1

Umu mwezi walenga cinimbali Isumeli umwana umonsi wakwe Netaniya, umwizikulu wakwe Elisyama uwamu luko lwa mwene, aiza na antu ikumi kuli Gedaliya umwana wakwe Aiikamu ku Mizipa. Lino yakulya pamwi ku Mizipa kwene,

Yoswa 18:26

Mizipa, Kefila, Moza,