Yelemiya 40:15 - Amazwi Yakwe Leza 2013

¹⁵ Yoanani umwana wakwe Kaleya ali pakunena Gedaliya umu umfinsolo ku Mizipa ati, “Leka inje nkakome Isumeli umwana wakwe Netaniya, kusi wino alamanya uwatacita cico. Uzye pacani cino wene angakukomela nu kuleka aina Yuda yonsi yano yakolongana kunuli yace yapasike? Icani cino Ayuda yano yasyala penepo yalowelela?”

Yelemiya 40:15 Referans Kwoze

2 Samueli 21:17

Lelo Abisyai umwana wakwe Zeluya aiza atuula Davidi. Azanza umwina Filisti wilya nu kumukoma. Lyene antu yakwe Davidi aonsi iyaleka kuti Davidi alaye nu mulapo ukuti atalatala aye nayo nupya ku ulwi. Yavwanga yati, “Wewe uli upaalilo wa ina Izlaeli, nupya tutakasi ku kuponzya.”

1 Samueli 26:8

Alino Abisyai anena Davidi ati, “Ilelo Leza watapeela anisi yako umu makasa yako. Fwandi kantole isumo lyakwe kwene alino mutulinkanye mpaka lisimpe na pansi, apakuvwinta isumo lyane iila lyonga kwene. Nsikumutota iila lyakwe ciili, foo.”

Yoane 11:50

Uzye mutange mwelenganye vino cingazipa kuti umuntu wenga afwile antu, kuluta kuti antu yonsi amu luko lonsi yalowe?”

Yelemiya 42:2

Yamunena yati, “Twapapata, uvwa vino tukulenga. Utupapatileko kuli Yawe Leza wako. Swe antu twali nyanya, lyene tusile sile incepelwa, ndivino nawe kwene ungailolela we mweneco.

Yobo 31:31

Antu yane yakavwanga lyonsi yati, ‘Kutaya umuntu nanti wenga wino Yobo asiimula.

2 Samueli 18:3

Nayo iyamwasuka yati, “Utangapita naswe, awe. Anisi itu yalalola ukuti icili cimwi kwene ndi cakuti swe muno twasyala twapuka, nanti angala citika wakwe sweswe wakomwa. Lelo wemo ulingine swe antu amazimbi ikumi lyonga. Cingazipa ndu ngasyala mu musumba kwene uu ule ukututumila uwazwilizyo.”

1 Samueli 24:4

Antu yakwe Davidi yavwanga iyati, “Uu, uli wanda uno Yawe wavwanzile ukuti alapeela umwanisi wako umu makasa yako kuti umucitile icili consi cino ukasi.” Lyene Davidi asela ukwaula kuti yamanye nga asentula isempele lya mwingila wakwe Saulo.

Yelemiya 40:8

yiza kuli Gedaliya uku Mizipa. Isumeli umwana umonsi wakwe Netaniya, Yoanani na Yonatani ana yakwe Kaleya, Selaya mwana Taniumeti, ana yakwe Efai umwina Netofa, nga alino na Yaazaniya mwana umwina Maaka pamwi na antu yao.