Yelemiya 4:31 - Amazwi Yakwe Leza 2013

³¹ Nuvwile inkuuta kwati izya mwanaci wino ali pipi nu kulela ukuilizyanya kwati a wiyo akwelepa umwana wiyeli. Kwali kuli kulila kwakwe Yelusalemu, wino akwasela sile wataanza na makasa ala akuti, Owe mwe! Nazanzwa! Yene yakwiza ku kunkoma!

Yelemiya 4:31 Referans Kwoze

Nyimbo zya ndosya 1:17

“Swe ina Zioni akula twanza amakasa itu, awe kusi nanti wenga uwakututekezya. Yawe wataama anisi ukufuma monsi monsi akwizalwisya Yakobo. Yene yasausya Yelusalemu wa cintu cimwi cikowele.

Ezaya 1:15

Nanti mungakatusya amakasa umupela apakumpepa, nemo lyene ntakusumbanga kweneko amano. Nanti mumpepe uli nemo namapupuzyanga sile, pano iminwe inu ikowele ku uyi.

Yelemiya 13:21

Uzye lyene mulalanda uli lino antu kwene yayo yalamufutuka yatandike nu kumuteeka, antu yano mwelenganyanga ukuti ali yacuza inu? Kwene cilamuwaya vivi kwene vino umwanaci akauvwa apakulela.

1 Tesalonika 5:3

Lino antu yalelenganya ukuti vyonsi vili ningo nupya mu mutende, alino lyene ulovyo ulayaponela mu kupumikizya. Wene ulayaponela wa kunyunguluka kwa mwanaci wino ali mu umbuza. Nupya yene yatalutuka.

1 Kolinto 9:16

Ntakweti nsambu ya kuilumba sile pamulandu wa kukosola Ilandwe Lisuma pano Mwene uwampile ilamulo lya kukosola. Kalanda kunondi ndi nsyakukosola Ilandwe!

Mateo 21:5

“Nenini antu amu musumba wa Zioni muti, ‘Lolini, Mwene winu akwiza kunomuli! Wene umufuke, nupya akwezile pali punda. Wene akwiza nupya akwezile pali mwana punda.’ ”

Mika 7:1

Ala ncule mwe! Nemo indi wa muntu ali ni nzala wino afumile akusokota amatingi umu calo lelo ukwaula kuzana nanti cimwi cakulya. Nupya kutasile nanti amasamvu yano watemilwe.

Oseya 13:13

Wene akunyunguluka wa mwanaci wino ali pipi nu kulela. Izlaeli wapelwa insita nayuze yakuya umumi. Lelo wene iciwelewele sana, cakuti aposiwa nu kumanya cico, wa mwana akanya akali pipi nu kuloleka. Lelo lino insita yakako yakuvyalwa yapalama, kene katakasi ukufuma mu ndilwa.

Nyimbo zya ndosya 2:21

Akote na ance ayaya yatuzi mu miseo, yatiyafwa. Anisi yatiyakomola alumendo na akazyana ku malupanga. Awewe wayakomozile ukwaula nu luse, uwanda uno wasosile ukali ukali.

Nyimbo zya ndosya 1:20

“We Yawe, silola ulanda wane! Munda mwane mukuzakaza! Umwenzo wane ukukulukunta pano nene mutalami. Umu miseo muli utazi wa katwe, nu mu mang'anda muli imfwa.

Yelemiya 50:43

Umwene waku Babiloni apakuvwa impwelo pali alio, atandika kuzakaza mu mimfyompo. Pasi pakuteza kwati umwanaci wino ali pipi nu kulela.

Yelemiya 49:24

Damasiko wataiteyanya ukuutuka, akuzakaza sile. Ulanda ni ntazi vyati vila vimuzana. Ali kwati umwanaci wino ali pipi nu kulela.

Yelemiya 49:22

Silola! Wiyo wino akuwela nu kulelemba wakwe lyang'anda'anda. Akwanza amapa yakwe pali Bozila. Mu wanda ulya imyenzo ya vita vyamu Edomu ilaya wa mwenzo wa mwanaci ali pakulela.

Yelemiya 48:41

Umusumba wa Kelioti ulapokwa nga na malinga yalapokwa. Mu wanda ulya imyenzo ya vita vyaku Moabu ilaya wa mwenzo wa mwanaci wino ali pipi nu kulela.

Yelemiya 45:2

“We Baluki, Yawe Leza wa ina Izlaeli, wavwanga wati,

Yelemiya 30:6

Tala tekelini, muzyeko! Uzye umonsi angavyala umwana? Uzye pacani fwandi nkulola kuno umonsi ali wensi watalema mu musana wa mwanaci wino ali pipi nu kulela? Uzye pacani cino amausyu yao yatiyasenukila vii nu kuswepuluka?

Yelemiya 22:23

Wemuno wakwata icifulo cako uku Lebanoni, ni cinsanzo cako umu miti mikelide, iyee mwe lyene vino ulateta lino amacuzi yalakuponela, kwati ucuzi wa mwanaci wino ali pipi nu kulela.

Yelemiya 18:21

Caleka we Yawe, sungala uleke ana yao yafwe ku cipowe, kayafwe nu ku nkondo. Leka aci yao yafwilwe ana na yaiya. Leka aonsi yafwe ku mpungo, na alumendo leka yafwe ku nkondo.

Yelemiya 15:18

Uzye lyene pacani cino nkalu kucululuka? Uzye pacani cino vilonda vyane vyalengela ukupola? Uzye ukulonda kuti uye kunondi wa luzi lwa ucenjezi, ulwa manzi akansomba?”

Yelemiya 14:18

Akula naya umu mpanga, ivyala vitupu avino nkuzana vya antu atiyakomwa umu nkondo. Nanti ndi naya umu misumba nkuzana antu yano yakusikila pamulandu ni cipowe. Yakasema na yasimapepo yakutwalilila kuomba imilimo yao. Lelo yatamanyile cino yakucita.”

Yelemiya 10:19

Antu amu Yelusalemu yapunda yati, Silolini vino twacisika! Ivilonda vitu vitalapola. Swemo twelenginye ukuti tungazizimizya ku ucuzi uu!

Yelemiya 6:2

Umusumba wa Zioni uyembe wakwe cimwi, lelo nemo ndaonona.

Ezaya 42:14

Leza walanda wati, “Patalimpisya pano nikalila cele, ukwaula kuti nasuke antu yane. Lyene insita yatifika yakuti nacitilapo ivintu. Inkuteta wa mwanaci wino ali pipi nu kulela, nupya nemo nkufuteeka sile.

Ezaya 21:3

Apamulandu wa vintu vino nuvwile nu kuvilola mu cilolwa nkuuvwa intete nu ulanda, wa mwanaci wino ali pipi nu kupapa. Vino nuvwa vyativindetela izyungu. Vino nkulola vyampezya amano.

Ezaya 13:8

Intete zyati ziyalema, nu kucululuka nga na malanda vyati viyizila, kwati umwanaci wino insita yakwe yakulela yatimufikila. Akula yalolekesya iciyapezya amano, apamanso yao patipatuwalala.

Ezaya 6:5

Nga alino nani ne Ezaya imvwanga inti, “Kalanda kunondi! Awe icumi ilelo lyene ali mpela yane! Pano kwene amazwi yonsi yano nkalanda yangaya aipe, nupya nikala na antu ya mazwi akanyengula umwenzo. Ilelo lyene casila nafwa, pano lyene nailolela na manso yane Yawe Wamaka yonsi.”

Masamu 120:5

Kalanda kunondi, pano nkaikala apakasi ka ikazi aku Mesyeki nanti aikazi aku Kedali.

Yobo 10:1

“Apamulandu wakuti nemo lyene caticifuula ukwikala pano nsi, fwandi nkanalukuilizyanya sile.

Utandiko 27:46

Labeka anena Isaki ati, “Nemo caticimfulila nupya natonta na aci yakwe Esau ainamasi. Ndi cakuti na Yakobo kwene angatwala wenga uwamu ina Hiti, ale lyene cinganzipila ukufwa.”

Ezaya 26:17

We Yawe, awewe waleka ukuti twakulilila, ndi vino nacivyazi akakuuta pakulela.

Mika 4:9

Uzye pacani cino wemo ukulila nu kupooma? Uzye pacani cino ukunyunguluka wa mwanaci ali pipi nu kulela? Uzye kuli kuti utakweti umwene, nanti mpandamano wakukulangilila?

Mika 4:10

Mwalu kwaseela nu kunyunguluka, mwe antu aku Yelusalemu, wa mwanaci wino ali pipi nu kulela. Pano ndakai mulinzile ukufuma mu musumba uo, kuti mukikale mu mitanda. Mulasendwa nu kuya ku Babiloni. Lelo kuku kwene Yawe alamukulula ku anisi inu.