Yelemiya 4:28 - Amazwi Yakwe Leza 2013

²⁸ Calenga ukuti impanga ilalila iyoyomba, nu kwiyulu kulafita fititi, pamulandu wakuti ne Yawe natimvwanga, nupya natimpanga ukucita cico kwaula kufutuka.”

Yelemiya 4:28 Referans Kwoze

Mpendwa 23:19

Leza asi umuntu uwakuti angatumpoka Nanti umwana wakwe Adamu uwakuti afutuke muli cino watataka. Wene akavwanga nu kufikilizya cino watavwanga.

Oseya 4:3

Pamulandu wakwe cii mu mpanga mulaya icilala, nga na antu yonsi aikala mwenemo yalacula, kumwi ni nyama zya mpanga kwene, ni vyunyi vyamu lwelele. Ni nswi kwene zyamuli yemba zilafwa.

Yelemiya 12:4

Uzye ukuumalala kwa mpanga itu kulasila lilaci? Ukuuma kwi sote mu vyalo vitu nako kulasila lilaci? Inyama zikufwa, ivyunyi navyo vikufwila sile pamulandu nu uyi wa antu aikala muno mpanga. Pano yene yakalola kwati wemo usyalola vino yakacita.

Ezaya 50:3

Nemo nkavimba iyulu ku mfinzi, nu kulizwika visamu wa muntu akulosya.”

Ezaya 5:30

Mu wanda ulya wemo ulapamola aina Izlaeli wakwe vino yemba akacita. Lolekesyini impanga ino tuli mwenemo! Imfinzi sile na malanda ali vino vili mwenemo! Imfinzi aino yatiyandatila apa luswepo.

Umbwilo 6:12

Nupya ndola Mwana wa mfwele akulematula cimanyililo calenga mutanda. Alino kuya cilundumusi ca maka cuze, nga ni lanzi lifita fititi wa nsalu yakwe kafifi. Nu mwezi uyenza cee wa wazi.

Ayebulai 7:21

Lelo Yesu lino wingile usimapepo kwali mulapo, lino Leza wamunenyile ati, “Mwene walaya nu mulapo, nupya atanga lapuluka, ‘Wewe simapepo wa manda pe.’”

Efeso 1:11

Vintu vyonsi vikacitwa kulingana na vino Leza wateyanya. Wene watusolwile kuti tuye antu yakwe muli Klistu. Wene wacisile cii pamulandu wi pange lyakwe, lino limikwa pali vino wasolwile kufuma nu ku utandiko.

Efeso 1:9

nga kupitila muli vino Klistu wacita, Leza watulanga mapange yakwe ankama.

Luka 23:44

Cali manye lino ilanzi lyafika umutwe papela (12 Koloko), nga impanga yonsi inyepwa ni mfinzi kufika na pano ilanzi lyatemba (3 Koloko),

Mako 15:33

Lino ilanzi lyafika umutwe papela (12 koloko), impanga yonsi inyepwa ni mfinzi kufika na pano ilanzi lyatemba (3 koloko).

Mateo 27:45

Lino ilanzi lyafika umutwe papela (12 koloko), impanga yonsi inyepwa ni mfinzi kufika na pano ilanzi lyatemba (3 koloko).

Yowelo 1:10

Ivyalo vyalala, umusili ukulosya pasi pano musi ingano, imitingi yonsi yatiuma. Imiolivi nayo kwene yatiuma.

Oseya 13:14

“Ntalatuula antu yaa ukufuma kuzimo, nanti ku maka ya mfwa. We mfwa, uzye vilumbelo vyako vili kwi? We lindi, uzye uononesi wako uli kwi? Ntalaya ni nkunkunsi pa antu yaa.

Ezekelo 24:14

Ne Yawe Simwandalali nalanda. Insita yatifika yakuti incicite. Insikuta sile foo, nupya nsikukutezela nanti ukuvwa uluse, awe. Wemo namakuvunuka pa vicitwa vyako. Ivyalanda ne Yawe Simwandalali.”

Yelemiya 30:24

Icipyu cakwe Yawe icikali citalatala cizuke foo, suka sile ace atale afikilizye amapange yamu mwenzo wakwe. Antu yakwe yaluvwa muno ciile mu manda aliza ku nkolelo.

Yelemiya 23:20

Icipyu ca Mwene citalatala cizuke, suka sile ace atale afikilizye vino wapanzile ukucita umu mwenzo wakwe. Cico mulacuvwa ningo umu manda yano yaliza uku nkolelo.”

Yelemiya 23:10

Mu mpanga muzile sile yacizelele. Apamulandu wa citipu, na pamulandu wa vintu vii, impanga ikulila ulanda nga ni ncende zyakucemelamo zyamu lwanga zyatizyuma. Yakasema yakulondela inzila zya kwifya. Yakuomvya amaka yao umukucita ulufyengo.

Yelemiya 14:2

“Impanga ya Yuda ili mu malanda ni misumba ya iko ikufwa, na ikazi yamwenemo yakwalangana sile ku ucuzi. Mu Yelusalemu namo kwene muli impooma.

Yelemiya 12:11

Yatiyaisangula wa lwanga, lino nani nkuilolela. Impanga yonsi yatisanguka wa lwanga nu wakuti aisakamale kusi.

Yelemiya 7:16

Yawe avwanga kunondi ati, “We Yelemiya utezya ukupepela antu yaa nanti ukwezya ukuyalengela cimwi. Utezya kuyapapatila, pano ntaluvwa kunuli.

Ezaya 34:4

Ilanzi, umwezi ni ntanda vyonsi kwene vilasunguluka. Iyulu lilavungana nu kongoloka wi pepala lino umuntu akupomba. Intanda zilapona wa mafwa yano yakulukuta uku mutingi nanti umusamvu.

Ezaya 24:4

Insi ili nu kukamilwa, nu kuumila. Insi yonsi ili nu kuumila icakuti na maka yakasililikile sile. Insi ni iyulu vili nu kuolela pamwi.

1 Samueli 15:29

Pasipano Leza uwacindamika aina Izlaeli asitumpoka nupya asi uwa mansenunsenu. Pano wene asi umuntu, awe.”

Yelemiya 51:12

Tumpulini imendela iyakuwisya amalinga yakwe Babiloni. Muvuzye yakalinda, mwike na yakasopa, mufise na akuteyamila. Pasi pano Yawe wapangila aina Babiloni, nupya wayacitila ndi muno wayalaile.

Nyimbo zya ndosya 2:17

Umwene lyene wasuka wacita vino walanga wapanga ukucita. Wene watatulovya ukwaula nu luse, ndi mumu kwene muno watunenyile mpiti. Wataleka ukuti anisi itu yatucimvye. Acino lyene nu kuyuvwa yakuyuvwa wakwe cimwi.

Zakaliya 8:14

Nupya Yawe Wamaka yonsi wavwanga wati, “Lino ivikolwe vinu vyansosizye umwenzo, nemo napanzile ukuviponyezya isyamo, nu kuwezya ntalawezya umwenzo foo.