Yelemiya 39:18 - Amazwi Yakwe Leza 2013

¹⁸ Endi, wemo ndakupususya, nga utalakomwa ku lupanga. Lelo ulapususya umi wako pano wantaila, Ivyalanda ne Yawe.’ ”

Yelemiya 39:18 Referans Kwoze

Yelemiya 38:2

“Yawe wavwanga ukuti, wiyo wensi uwala wasyala umu musumba uu, alafwa uku nkondo, uku cipowe, nu ku mpungo. Lelo wiyo wino wafuma mwenemo nu kuya uku lusansa lwa ina Babiloni, alapususya umi wakwe. Alapuuka nu umi wakwe, nu kwikala uwa umi.”

Masamu 34:22

Yawe aliwe amatulanyanga aomvi yakwe. Icacumi antu akazina kunoli yalapusuka.

Yelemiya 21:9

Wiyo wensi wino alasyala mu musumba uu alafwa ku lupanga, ku cipowe nu ku mpungo. Lelo wiyo wensi wino alafuma mwenemo nu kucimbila aina Babiloni yano yati yauzinguluka, wene alapita ulumi nupya alapususya umi wakwe.

Efeso 1:12

Wene wacisile cii, pakuti swe muno twali ankolelo kupaalila muli Klistu tulumbanye lulumbi lwakwe.

Masamu 84:12

We Yawe Leza Wamaka yonsi, icacumi yasyuka yayo akutaila!

Masamu 147:11

Lelo Yawe akasansamukila muli yayo akamucindika, muli yayo ataila mu kutemwa kwakwe ukwa pe.

1 Milandu 5:20

Leza wayazwilizye apa nsita ino yalwanga inkondo, nga yacimvya aina Hagili pamwi na yonsi yano yalemine nayo. Yene yataile muli Leza. Acino apa nsita ino yakulwa yapepa kunoli nga nawe auvwa amapepo yao nu kuyapeela ucimvyo pa ina Hagili na yayo alemine nayo.

Masamu 37:3

Tailanga muli Yawe nu kucita ivisuma, ikalanga nu longo mu mpanga.

Masamu 33:18

Lelo Yawe akawaka yayo akamuyela, yayo ataila mu kutemwa kwakwe ukwa pe.

1 Petulo 1:21

Klistu uwalenzile kuti mutaile muli Leza, wino wamuzyukwile kufuma ku afwe. Nupya wamupile lulumbi. Acino utailo nga nu upaalilo winu vyaya muli Leza.

Loma 2:12

Pano Akulukuwa yatapilwe Masunde yakwe Mose, lelo yakaifya nu kulowa yakalowa nanti Masunde yatayakuma. Ayuda yene yapilwe Masunde nu kwifya yakaifya. Caleka Leza alayapingula kulingana na Masunde.

Ezaya 26:3

We Yawe antu yano yakasumba amano kuli wewe, nu kukutaila, leka yaikala umutende.

Masamu 2:12

Pano wene ndi wasoka angamulovya, pano icipyu cakwe cikaaka zuwa. Alongo ayayo akazina kunoli.

Yobo 5:20

Umu manda ya cipowe alakutulanya kuti utafwa ni nzala, nga nu mu manda ya nkondo namo alakucingilila ku mfwa.

Masamu 91:7

Limwi antu izimbi lyonga yangakuwililila, nanti amazimbi ikumi yakulilizye, kusi nanti cimwi icingakukumya kweneko.