Yelemiya 39:17 - Amazwi Yakwe Leza 2013

¹⁷ Lelo wemo ndakupususya mu wanda ulya, nupya utalapeelwa mu makasa ya antu yano ukaoopa.

Yelemiya 39:17 Referans Kwoze

Masamu 50:15

Mwemo mwandaizya sile ndi mwazanzwa na malanda. Nemo namamutasyanga, namwe mumandumbanyanga.

Yelemiya 1:19

Yene yalakulwisya, lelo yalaposiwa ku kucimvya, pano nemo namayanga nawe apa kukupususya.” Ivyalanda ne Yawe.

2 Samueli 24:14

Davidi nawe aasuka Gadi ati, “Ntamanyile ivyakucita! Lelo ntakasi ukuvunukwa na antu. Si Yawe umwisikulu ale atuvunuke, pano wene uwa mizu.”

Yelemiya 38:9

“Musambazi, we mwene wane, antu yaa yatiyaifya wakwe cimwi kuli kasema Yelemiya, apa kumusumbila mu cifula, kuti amuno ace akafwile ku nzala.”

Utandiko 15:1

Pacisila ca vintu vii Yawe aloleka kuli Abulamu mu cilolwa, nga amunena ati, “Utuvwa intete, Abulamu, kunuli indi wa cisyangu cakukucinga. Ndakupeela uwila ukulu cuze.”

Mateo 25:40

Alino Mwene alaasuka ati, ‘Cumi namunena, vino consi cino mwacitile wenga munono uwamu ina yane, vivyo kwene mwacitile nene!’

Danieli 6:16

Caleka umwene apeela ilamulo kuti yaleme Danieli nu kumusumbila mu ninga yakwe yacisama. Umwene anena Danieli ati, “Si Leza wako, wino ukatumikila lyonsi, ale akutuule.”

Yelemiya 38:1

Alino Syefatiya umwana umonsi wakwe Matani, Gedaliya umwana umonsi wakwe Pasyuli, Yukali umwana umonsi wakwe Mali, yuvwa amazwi yano Yelemiya wanenanga antu ati,

1 Yamwene 18:15

Eliya nawe amwaasuka ati, “Icumi cumi inkulapa kuli Yawe Wamaka yonsi, wino nkatumikila, ukuti ilelo namaya nkalolekele kuli Aabu.”

1 Yamwene 18:16

Acino Obadiya aya kuli Aabu ku kumunena vya pali Eliya. Alino Aabu apita ku kukomenkanya Eliya.

2 Yamwene 6:16

Alino Elisya avwanga ati, “Utuvwa intete. Antu yano yali ku lusansa lwitu avule ukuluta yano yali na aliwe.”