Yelemiya 39:14 - Amazwi Yakwe Leza 2013

¹⁴ Yene yatuma akuyasenda Yelemiya mu musolo wakwe yakalinda. Yamutwala kuli Gedaliya, umwana umonsi wakwe Aiikamu, umwana umonsi wakwe Syafani, kuti amuswilizye ku ng'anda ukwakwe. Caleka Yelemiya watenzi kuku na antu yakwe.

Yelemiya 39:14 Referans Kwoze

Yelemiya 38:28

Na Yelemiya wikalanga mu musolo wakwe yakalinda mpaka nu wanda uno yaposile Yelusalemu.

Yelemiya 26:24

Lelo pano nasyukile kavwangila, Aiikamu umwana wakwe Syefani, acino yatansumvile mu makasa ya antu pakuti yankome.

2 Yamwene 22:12

Alino apeela ilamulo kuli simapepo Hilikiya, na Aiikamu umwana wakwe Syafani, na Akiboli umwana umonsi wakwe Mikaya, na Syafani kalemba, na Asaiya kalinda wa mwene ati,

Yelemiya 40:1

Yawe avwanga kuli ne Yelemiya apacisila ca nsita ino Nebuzaladani, umukalamba wakwe yakalinda ya mwene wamusapwile uku Lama, kuko kuno yamwisile wenga, ala watanyepwa mu minyololo, apali pamwi na antu yauze amu Yelusalemu nga na amu mpanga ya Yuda yano yasenzile ku Babiloni ku uzya.

Yelemiya 39:15

Lino Yelemiya acili akusungwa mu musolo wakwe yakalinda, Yawe wavwanzile kunoli ati,

Yelemiya 38:13

Alino yatinta Yelemiya ku mwando nu kumufumizya ukunzi, yamuzuulula mu cifula. Yelemiya atala asyala mumu kwene mu musolo wakwe yakalinda.

Yelemiya 37:21

Alino lyene umwene Zedekiya apeela ilamulo ilyakuti Yelemiya asungwe umu musolo wakwe yakalinda. Nupya cila wanda yamupeelanga icakulya, cila wanda umukate upuma, ukufuma uku museo wakwe yakapanga ya mikate, suka sile umukate umu musumba wasila. Fwandi avino Yelemiya watenzi umu musolo wakwe yakalinda.

Masamu 105:19

mpaka usemo wakwe wiza wafikiliziwa ni zwi lyakwe Yawe lyasininkiziwa ukuti ilyacumi.

2 Yamwene 22:14

Alino simapepo Hilikiya pamwi na Aiikamu, Akiboli, Syafani na Asaiya iyaya yuzya Hulida, kasema wilya umwanaci, uwali umuci wakwe Syalumu umwana wakwe Tikiva, umwana umonsi wakwe Haliasi. Syalumu kwene wali ali kasunga wa vyakuzwala vyakwe yasimapepo ivyali umu Ng'anda ikulu yakwe Yawe. Antu yayo fwandi ali pakulandila Hulida umulandu. Umwanaci wi wikalanga umu Yelusalemu, mwi pamba lyakwe ciili.

2 Milandu 34:20

Alino apeela ilamulo kuli Hilikiya, Aiikamu umwana umonsi wakwe Syafani, Abadoni umwana umonsi wakwe Mika, na Syafani uwali a kalemba, alino na Asaiya cilolo mukalamba ati,

Yelemiya 32:2

Alino ivita vya mwene waku Babiloni vyazingulwike Yelusalemu na kasema Yelemiya nawe wafungililwe mu musolo wakwe yakalinda, lwakwi sano lya mwene wa ina Yuda

Yelemiya 39:13

Acino Nebuzaladani, umukalamba wakwe yakalinda ya mwene, akatuka pamwi na Nebusyazibani musika mukulu, na Neligali Syalezeli cilolo mukalamba nga na yamusika yonsi a mwene waku Babiloni.

Yelemiya 40:5

Ndi cakuti usikulonda ukupita, ungaswilila kuli Gedaliya umwana umonsi wakwe Aiikamu, nupya umwizikulu wakwe Syafani, wino umwene waku Babiloni walasika ukwikala pa cilimba ca wene ica kuteeka imisumba yaku Yuda. Mungikala nawe apakasi ka antu nanti uye konsi kuno watemwa.” Umukalamba wakwe yakalinda ya kwisano ali pa kumuteyanyizizya impao ni vya wila vyuze apakuti angatenuka.

Yelemiya 40:6

Avino Yelemiya wakatwike nu kuya kuli Gedaliya umwana umonsi wakwe Aiikamu, uku Mizipa. Aya aikala nawe apakasi ka antu yano yasile umu mpanga.

Yelemiya 41:1

Umu mwezi walenga cinimbali Isumeli umwana umonsi wakwe Netaniya, umwizikulu wakwe Elisyama uwamu luko lwa mwene, aiza na antu ikumi kuli Gedaliya umwana wakwe Aiikamu ku Mizipa. Lino yakulya pamwi ku Mizipa kwene,

Yelemiya 26:22

Nga alino umwene Yeoyakimu atuma Elinatani pamwi na Akiboli na antu yauze ku Eguputo.

Yelemiya 40:7

Akalamba ya vita yano yasalanganile umu mpanga na antu yao lino yuvwa ukuti mwene waku Babiloni watasonta Gedaliya, mwana Aiikamu ukuya mulasi wa mpanga nu kuya umwi uwakulolekesya apa antu yonsi, ya mama, ance na alanda amu mpanga, yano yatasenzilwe uzya uku Babiloni,