Yelemiya 38:17 - Amazwi Yakwe Leza 2013

¹⁷ Alino Yelemiya anena Zedekiya ati, “Yawe, Leza Wamaka yonsi, Leza wa ina Izlaeli, wavwanga wati, ‘Ndi cakuti wala wafuma, waya wacimbila ivita vya ina Babiloni, lyene ale wemo ulapusuka nu kupususya umi wako. Nu musumba uo lyene utalapya ku moto. Wewe kwene nu luko lwako mulasyala nu umi.

Yelemiya 38:17 Referans Kwoze

Yelemiya 27:12

Na Zedekiya kwene umwene waku Yuda namunenyile icili conga kwene inti, “Ingizini insingo zinu mwi koli lya mwene waku Babiloni kumwi na antu yakwe kwene yano mukacimbila, nga muce mulole ukupususya uumi.

Yelemiya 38:2

“Yawe wavwanga ukuti, wiyo wensi uwala wasyala umu musumba uu, alafwa uku nkondo, uku cipowe, nu ku mpungo. Lelo wiyo wino wafuma mwenemo nu kuya uku lusansa lwa ina Babiloni, alapususya umi wakwe. Alapuuka nu umi wakwe, nu kwikala uwa umi.”

Yelemiya 27:17

Mutaciyuvwila, mwemo mwaombela sile umwene waku Babiloni pakuti mwikale nu umi. Uzye pacani cino umusumba uu ungasangukila ulwanga?

Yelemiya 39:3

Awe lyene amakombe yonsi amwene waku Babiloni yingile nu kuya ikala pa Mpongolo Yapakasi. Amakombe yalya yali a Neligali Syalezeli waku Samugali, Nebo Selisekimu musika mukulu wa vita, na Neligali Syalezeli intunguluzi ikalamba pamwi ni ntunguluzi zyuze zyonsi zya mwene waku Babiloni.

2 Yamwene 24:12

Alino lyene umwene Yeoyakini pamwi na nyina, na ana yakwe, ni nkombe zyakwe zya kwisano kwene, iyiza yacimba ku ina Babiloni. Mu mwaka wakwe cinani uwa kuteeka kwa mwene waku Babiloni, umwene Nebukadineza asenda Yeoyakini umu uzya.

Amosi 5:27

Caleka nemo ndamuzingila uku uzya, ukutali ukupuzya umusumba wa Damasiko.” Avino Yawe wavwanga, wino izina lyakwe a Leza Wamaka yonsi.

Masamu 80:14

Seleukila kunotuli, we Leza Wamaka yonsi! Kuko kuno waya ukwiyulu, sungamila pano nsi pano tuli. Ndu pususye umutingi wako!

Masamu 80:7

Ungala utuswilizye mwenemo, we Leza wa maka yonsi! Ungatulolekesya luse luse apakuti tupusuke!

1 Milandu 17:24

Lyene alino izina lyako lilalumbuka umuyayaya. Alino na antu yalalanda yati, ‘Yawe Wamaka yonsi, ali Leza wa ina Izlaeli, aliwe kwene ali Leza wa ina Izlaeli.’ Nga ulasunga ang'anda yane, ne muomvi wako Davidi, umuyayaya.

Yobo 23:13

“Umweneco ataya na kwaaluka, ndi watemwa ukucita icili consi aweni angamulesya? Wene akacita consi cino akasi.

Ezila 9:4

Natenzi pansi mpaka ukufika amanguzi. Lyene antu akweti icoopo ku mazwi yakwe Leza wa ina Izlaeli yalola ukuntataila kwa ntalanganyi zyawelulwike ukufuma ku uzya, yatandika ukwiza kunondi nu kulongana.

Utandiko 12:13

Acino ukayanena ukuti wewe kaci wane, lyene pakulonda wewe yalansya mumi nu kunsunga ningo.”

2 Yamwene 25:27

Mu mwaka uwalenga amakumi yatatu na cinimbali ukufuma pano Yeoyakini umwene waku Yuda wasenzilwe umu uzya, uli mwaka uno Evili Melodaki yamulasike apa wene waku Babiloni. Wene wizile akwatila Yeoyakini amizu, nu kumufumya mu ng'anda yaminyololo. Nu wanda uno wene wamufumizye mu ng'anda yaminyololo, uli wanda uwalenga amakumi yaili na cinimbali, umu mwezi uwalenga ikumi na iili, umu mwaka kwene ulya.

Yelemiya 27:8

Umutundu nanti uwene uno utalatumikila Nebukadineza umwene waku Babiloni, uno utalacimbila umwene waku Babiloni, ndaukomola ku lupanga, ku cipowe nu ku mpungo. Avino Yawe walanda. Suka sile ace aulovye ku minwe yakwe.

Yelemiya 40:9

Uku antu kwene yayo, ali kuno Gedaliya umwana wakwe Aiikamu mwizikulu Syafani walafile umulapo ati, “Mutoopa ukutumikila aina Babiloni, nga muce mwikale umutende.

Ezekelo 8:4

Kuku, alikuno naweni ucindami wakwe Leza wakwe Izlaeli, ndivino nauweni umu nyika.

Yelemiya 44:7

“Lyene Yawe Wamaka yonsi, Leza wa ina Izlaeli, akuti, Uzye pacani cino mungailetelela uzanzo ndi uo? Uzye mukulonda sile ukuletelela aonsi na anaci, utwance nu tunya kumwi, cakuti kuno muli kutakasyale nanti umwi uwa mbezu?