Yelemiya 37:7 - Amazwi Yakwe Leza 2013

⁷ “Yawe Leza wa ina Izlaeli wavwanga ukuti wasuke umwene wa ina Yuda uwatakutuma kunondi, uku kunguzya kuti indole ivita vyakwe Falao ivikwiza ku kutaasya nupya vyasya viswilile ku mpanga yao ku Eguputo.

Yelemiya 37:7 Referans Kwoze

Nyimbo zya ndosya 4:17

Ukulunda pali cico, amanso itu yasusile yatonta. Twatwalilile ukulolela ukwazwiliziwa ukufuma ku luko luno lutange lututuule.

Ezekelo 17:17

Nanti angala Falao angakwata uli ivita vya maka, awe nce nawe kwene angaposiwa ukutuula kweneko umwene waku Yuda umu nkondo. Nanti angala Ayuda yangatuntumalika iviimbili nu kwimba yamunyama cakuti pafwile na antu avule, nalyo kwene pasi icilaomba.

Yelemiya 37:3

Umwene Zedekiya watuma Yeukali umwana umonsi wakwe Syelemiya na simapepo Zefaniya umwana umonsi wakwe Maaseya kuli Yelemiya ku kumulenga ukuti ayapapatileko kuli Yawe, Leza witu.

Yelemiya 21:2

“Twapapata mutuzizyeko kuli Yawe, pano lyene Nebukadineza umwene waku Babiloni ni vita vyakwe yakulwisya umusumba uu. Limwi lyene Yawe angatucitila ivizungusyo vimwi ivingapatikizya umwene Nebukadineza kuswilila.”

2 Yamwene 22:18

Lelo umwene waku Yuda uwamutumile kuti mukuuzye Yawe, mukamunene muti Yawe, Leza wa ina Izlaeli akuti ukuuvwa watuuvwa umucumi amazwi yayo.

Ezekelo 29:16

Eguputo lyene atalaya wakuti akaya ya nsi nanti akaya ya mpanga yakwe Izlaeli yangatailamo. Alasinila aina Izlaeli pa uyi uno yacisile pa kumulenga uwazwilizyo. Alino lyene yalamanya ukuti nene indi Yawe Simwandalali.”

Yelemiya 2:36

Uzye pacani cino mwemo mwayela namansenunsenu? Nkumunena mucumi ndi vino aina Eguputo yalamuzewanya ndi vino aina Asilya yamuzewanyizye.

Mapinda 21:30

Amano, ukwiluka kwa vintu, nanti ukupandwa amano, vii vyonsi ivya ciwelewele sile ndi cakuti visikulola kuli vino Yawe akalonda.

Yelemiya 2:18

Uzye ukusunta kuno mukusuntilila ukuya uku Eguputo ukukumwa amanzi ya muli Nailo, kukumuzipila cani? Nanti ukusunta kuno mukusuntilila uku Asilya, ukukumwa amanzi ya muli Yufulate, kukumutumbwila cani?

Yelemiya 2:37

Nako kwene ku Eguputo mulaweluluka ale mwatimupanga na makasa pa mitwe. Pasi pano ne Yawe ninsuula nu kutazyela yano mwataila. Fwandi mwemo pasi nanti cimwi cino mulasyukila kunoyali.”

Yelemiya 21:1

Zedekiya umwene waku Yuda watumile Pasyuli umwana umonsi wakwe Malikiya nga na simapepo Zefaniya umwana umonsi wakwe Manase, kuli ne Yelemiya, na mazwi yaa akuti,

Yelemiya 37:5

Lino ivita vyakwe Falao vyafuma mu Eguputo ukwiza, aina Babiloni alwisyanga Yelusalemu nayo lino yacuvwa, yata yaswililamo.

Yelemiya 37:6

Alino izwi lyakwe Yawe lyafikila kasema Yelemiya liti,

Nyimbo zya ndosya 1:7

Yano yali umu Yelusalemu mpiti yakwiusya vino umusumba wao wacindime mpiti. Lino kwali ukucimba ku anisi, kutali nanti wenga uwakuyatuula foo. Anisi yao yayasowekanga nu kuyawela apakulola kuno yaciimba.

Ezekelo 30:22

Caleka nemo ne Yawe Simwandalali nalanda nati, natinja umwanisi wakwe Falao umwene waku Eguputo. Ndavunola amakasa yakwe yoili kwene, ilipuma ni lifwe kwene, nu kulenga ukuti ulupanga lupone ukufuma mu minwe yakwe.

2 Yamwene 24:7

Alino umwene waku Eguputo ni vita vyakwe atatazile nupya afume ku Eguputo, pamulandu wakuti umwene waku Babiloni ali wino wateekanga impanga yonsi ino mpiti yali iya ina Eguputo, iyatandikile sile uku Luzi lwa Yufulate ukupelela nu ku mupaka uwayela ku katutu kaku Eguputo.

Ezaya 30:7

Uwazwilizyo uno ukafuma uku mpanga ya Eguputo uwa ciwelewele sile. Icaleka fwandi izina lino natemela Eguputo ilya misuli yakwe, ilyakuti, “Laabu Mulya sile.”

Ezaya 36:6

Ndi cakuti uku mpanga ya Eguputo akuno wika amano, acimanye ukuti kunondi mpanga ya Eguputo yaya sile wi tete ilikontoke lino umuntu angasangula intuwa yakupitila kweneko. Lelo itete kwene lilyo likamucemba umu minwe nu kutulinkanya umu lupi lwakwe, lino wanyomelela kweneko. Vivyo ivili umwene waku Eguputo nupya avino akacita na kuli yonsi yano yasintilila kunoli.