Yelemiya 37:21 - Amazwi Yakwe Leza 2013

²¹ Alino lyene umwene Zedekiya apeela ilamulo ilyakuti Yelemiya asungwe umu musolo wakwe yakalinda. Nupya cila wanda yamupeelanga icakulya, cila wanda umukate upuma, ukufuma uku museo wakwe yakapanga ya mikate, suka sile umukate umu musumba wasila. Fwandi avino Yelemiya watenzi umu musolo wakwe yakalinda.

Yelemiya 37:21 Referans Kwoze

Yelemiya 38:28

Na Yelemiya wikalanga mu musolo wakwe yakalinda mpaka nu wanda uno yaposile Yelusalemu.

Yelemiya 38:13

Alino yatinta Yelemiya ku mwando nu kumufumizya ukunzi, yamuzuulula mu cifula. Yelemiya atala asyala mumu kwene mu musolo wakwe yakalinda.

Yelemiya 52:6

Alino pa wanda walenga fundimbali mu mwezi wakwe ciini, lino inzala yaponyile ala antu yatakweti cakulya.

Yelemiya 38:9

“Musambazi, we mwene wane, antu yaa yatiyaifya wakwe cimwi kuli kasema Yelemiya, apa kumusumbila mu cifula, kuti amuno ace akafwile ku nzala.”

Yelemiya 32:2

Alino ivita vya mwene waku Babiloni vyazingulwike Yelusalemu na kasema Yelemiya nawe wafungililwe mu musolo wakwe yakalinda, lwakwi sano lya mwene wa ina Yuda

Ezaya 33:16

Lyene mumapitanga nu longo nu kwikala ku matwi cele. Cimakolananga kwati mwikala mu musumba wi linga lyamaka. Mumaiililanga ni cakulya ningo nupya mutaluulilwa na manzi yakumwa.”

2 Yamwene 25:3

Apa wanda walenga fundimbali umu mwezi wakwe cini, uwa mwaka kwene uwa, nupya lilyo ala kwapona icipowe icakuti kutali nanti icakulya nanti cimwi cino antu yangalya.

Yobo 5:20

Umu manda ya cipowe alakutulanya kuti utafwa ni nzala, nga nu mu manda ya nkondo namo alakucingilila ku mfwa.

2 Timoti 2:9

Pamulandu wa kukosola Ilandwe Lisuma, nemo nkacula nu kunyepwa mu minyololo kwati nene cipondo. Lelo mazwi yakwe Leza yene yatanganyepwa mu minyololo.

2 Timoti 1:8

Acino lyene utuvwa insonyi izya kupeela umboni pamulandu wa Mwene witu. Nupya utuvwa insonyi pamulandu wane, ne munyepwe pamulandu wakwe Klistu. Lelo wakumako ku kuculila Ilandwe Lisuma, lino Leza akukupeela maka akucita cii.

Efeso 6:20

Pamulandu wi Landwe Lisuma nasololwa kuya nkombe, nanti ndakai indi mu n'ganda yaminyololo. Acino mwampepelako kuti nje mupame pa kukosola Ilandwe Lisuma wakwe vino ndinzile kucita.

Efeso 4:1

Caleka nemo, ne munyepwe pamulandu wa kutumikila Umwene, nkumupapata kuti wikazi nu umi winu viye kulingana nu mwata wa lwamo luno mwamilwe.

Milimo 28:30

Pa myaka iili Paulo watenzi mu ng'anda ino wasonkelanga ala akupokelela yonsi aizanga ku kumulola.

Milimo 28:16

Lino twafika mu Loma, Paulo yamuleka kuti aikalile wenga nu musilika ala akumulinda.

Milimo 24:27

Pacisila ca myaka iili, Polokia Fesito atoola cifulo ca ulasi wakwe Felikisi. Lelo pano Felikisi walondanga kutasiwa na Ayuda, asya Paulo mu ng'anda yaminyololo.

Milimo 12:5

Caleka Petulo asungwa mu ng'anda yaminyololo, lelo iuvi lyamupepelanga kuli Leza nu mute.

Mateo 6:33

Mu cifulo cakwe cii mutale mulonde Uwene wakwe Leza nga nu wololoke wakwe, nga nawe alamupeela vintu vii vyonsi.

Nyimbo zya ndosya 5:10

Inkanda itu ikaye see, ungati umoto wakwiziko, pamulandu nu kuwaya kwa nzala.

Yelemiya 32:8

Awe na cendi ndi muno Yawe wavwangile umwinane Hanameli wizile kunodi mu musolo wakwe yakalinda, wiza wanena kuti inkale icalo cakwe caku Anatoti, pano nene nkweti sile insambu ya kucikala nu kucikombola. Nani ali pakwiluka ukuti uli mulandu ulya uno Yawe wankonkomizye.

Mapinda 21:1

Yawe aliwe akatungulula imyenzo yakwe yakateeka, wakwe vino akatungulula uluzi nu kulutwala kuno atemilwe.

Mapinda 16:7

Mikalile ya muntu ndi yazanzya Yawe, ala na anisi yakwe kwene yalamutemwa.

Masamu 37:19

Umu nsita ya ntazi yataluvwa insonyi nu mu nsita ya cipowe namo yalaikuta.

Masamu 37:3

Tailanga muli Yawe nu kucita ivisuma, ikalanga nu longo mu mpanga.

Yelemiya 33:1

Lino yacili yati yafungilila Yelemiya umu musolo wakwe yakalinda, izwi lyakwe Yawe lyamufikile iila lyakwe cili iliti,

Yelemiya 38:6

Acino nayo ali vino yasenzile Yelemiya, yaya yamusumbila mu cifula cakwe Malikiya, umwana wa mwene. Icifula cayelile mu musolo wakwe yakalinda. Ali muno yamutelemwila ku mwando. Lelo icifula cico mutalimo amanzi. Mwali sile amatipa. Yelemiya ali pakutika mu matipa.

Yelemiya 20:2

wene apeela ilamulo kuti yangume nu kunyepa mu minyololo apipi ni Mpongolo yakwe Benjamini ino yayela lwa papela ya Ng'anda ikulu yakwe Leza.