Yelemiya 37:18 - Amazwi Yakwe Leza 2013

¹⁸ Nga nupya Yelemiya anena umwene Zedekiya ati, “Uzye icani cino naifya kunuli, ku yaomvi yako nanti ku mutundu uu, pakuti unsumbe mu ng'anda ya minyololo?

Yelemiya 37:18 Referans Kwoze

Milimo 25:8

Lelo Paulo aitaasya ati, “Ntacita icintu cimwi ciipe pa masunde ya Ayuda nanti pa Ng'anda ikulu yakwe Leza nanti kuli Kesa kateeka uwaku Loma.”

Yoane 10:32

Yesu ayanena ati, “Nati ncita vicitwa vingi visuma vino Tata wampile kuti ncite. Uzye apa vicitwa vii pano mukulonda kuntama na mawe?”

Milimo 25:25

Lelo nemo ntazanyile ukuti wacita icintu cimwi icakumupingwila ukufwa. Na pakuti umwisikulu walenga kuti mulandu wakwe uye kuli Kesa, nani nelenganya ukumutuma.

Milimo 25:11

Ndi cakuti nati mvuna isunde nu kucita icintu cimwi icilingine kuti nkomwe, lyene ntanguzya kuti ntakomwa. Lelo ndi cakuti mu milandu ino yakundongwela musi cimwi, lyene kusi umuntu angampeela kunoyali. Lelo nemo nkulenga kuti mulandu uye kuli Kesa.”

Danieli 6:22

Leza wane waliwatuma umungeli wakwe, nga nawe wali wafumpika imilomo yakwe yacisama apakuti yatanduma. Wene watacita cico apamulandu wa kuzana ukuti nene wakaele apa manso yakwe nupya ntiifya kunuli, we mwene.”

Galatiya 4:16

Uzye lyene naya nene mwanisi winu pa kumunena cumi?

Milimo 26:31

nga pacisila lino yafumanga yavwanzyanya yati, “Muntu wii atacisile nanti cimwi icakuti angafwila nanti kusumbwa mu ng'anda yaminyololo.”

Milimo 24:16

Caleka nsita zyonsi nkaezya na mano yane kuya na kampingu uwakaele inkolelo yakwe Leza na antu.

Milimo 23:1

Paulo alolekesya amwi Tengo avwanga ati, “Inane, nemo na ndakai mu umi wane nati ntumikila Leza na kampingu musuma.”

Yelemiya 26:19

Umwene Hezekiya wa Ayuda pamwi na antu yonsi yatakomile Mika foo. Uzye yene yatoofile Yawe nu kumupapata apakuti atayaletela isyamo lino walanga wapanga ukuyacitila? Uzye swemo twifye imyenzo itu uku uyi ukulu ndi uu?”

Mapinda 17:26

Ukulifya uwakaele, ulufyengo, nga nu kuuma umuntu umucindami, caipisya ukuluta.

Mapinda 17:13

Akawezezya uyi apa visuma, atalatala atalusye isyamo apang'anda yakwe.

Utandiko 31:36

Lyene Yakobo akalipa nga anenola Labani ati, “Yama uzye mulandu uno nakutala ulikwi?” Alino auzya Labani ati, “Isunde ci lino navuna ilya kupeela nsambu yakundondelezya nu kundunga?