Yelemiya 37:10 - Amazwi Yakwe Leza 2013

¹⁰ Nanti mungakomola ivita vya ina Babiloni, ivikumulilizya, suka kwasyala sile impondo zitupu tupu, zizyo kwene zingakatuka nupya nu kwiza oca umusumba uu.”

Yelemiya 37:10 Referans Kwoze

Yowelo 2:11

Izwi lyakwe Yawe likuvwika uku nkolelo ampuka ya vita vyakwe. Impuka ya vita vyakwe iikulu wakwe cimwi. Wino wensi akucita ukulonda kwakwe Yawe, umucumi wene uwamaka. Wanda ukulu wakwe Yawe uwakoofya sana. Uzye aweni angaposya pa wanda kwene ulya?

Yelemiya 50:45

Fwandi mwemo mule muvwe sile kunondi, navino napingila ukucita umusumba wa Babiloni ni mpanga. Cacumi, nu twana utunono nato kwene yalatwalanganya apa kutusendela kumwi, cakuti nu muntu wensi sile alazunguka.

Ezaya 30:17

Antu inu izimbi lyonga yalapuuka, apakulola sile icita conga ca anisi inu. Alino ivita visano sile ivya anisi inu vilakumana pakumuzinga mwensi pyu. Api umba lya vita vinu patalasyala akantu nanti konga, suka sile imendela inu aino ilyasyala ikupepela sile apa mwamba!

Yelemiya 51:4

Lekini yalukute pansi, yafwile nu mu mpanga yao kwene, umu Babiloni, umu miseo ya misumba yao kwene.

Yelemiya 49:20

Caleka mwemo kutikini sile kunondi, muvwe vino nateyanyizizya kucitila Edomu, na vino napangila ukucita aikazi amu Temani. Ala nu twana kwene utwamu ufyo tulakululwa. Ni nyika yao apakulola vivyo, ilazakaza ku ntete.

Yelemiya 37:8

Alino lyene aina Babiloni yasyayawele ku kulwisya umusumba uu, yakaupoke nu kuoca.”

Ezaya 14:19

Lelo wemo yakusumbila ukunzi yi lindi, ungati wewe vikona vya muselu. Yatiyakukupilizya uku vyala vya vita, vino yakomile umu nkondo, nu kukusumbila mu ciwina ca mawe nu kucilyatola.

Ezaya 13:15

Wiyo wensi wino yalazana yalamukoma. Na wensi wino yalalemenkezya yalamukomola nu lupanga.

Ezaya 10:4

Kulasyala sile ukukontamika imitwe mwi umba lya azya. Mulafwila umu nkondo. Na lilyo kwene ala Yawe acili asosile, pano ala acili watazunzula ikasa lyakwe apa kumuvunuka.

Yelemiya 21:10

Pano natinsumba amanso yane apa musumba uu apa kuuletela isyamo, asi syuko foo. Wene ulapelwa mu makasa ya mwene waku Babiloni, nawe alaoca uku moto. Ivyalanda Yawe.”

Yelemiya 32:29

Nupya aina Babiloni, yano yakulwisya umusumba uu, yamaiza yawoce kumwi na mang'anda, yano yocelanga Baali ubani apa mapaala yao pakunsosya umwenzo, alino na pakutuulila tuleza tuze ivya wila ivili wa vyakumwa.

Yelemiya 37:11

Alino lyene ivita vya ina Babiloni vyafumile mu musumba wa Yelusalemu, apakoopa ivita vyakwe Falao.

Nyimbo zya ndosya 1:15

“Asilika itu yonsi aakama, Yawe wayasuuzile wakwe cimwi. Wene ali pakutuma ivita vyakwiza komola alumendo itu. Antu itu yonsi ampomvu wayavungola pyu wa matingi mu cifenelo cakwe.