Yelemiya 36:4 - Amazwi Yakwe Leza 2013

⁴ Yelemiya nawe ali pakwama Baluki mwana Nelya, wamunena nu kuti alembe vyonsi vino Yawe wavwanzile ndi muno Yelemiya wamunenelanga ukuti avino alembe.

Yelemiya 36:4 Referans Kwoze

Yelemiya 32:12

Lyene mvipeela kuli Baluki, umwana wakwe Nelya, mwizikulu Maaseya, pa manso ya muvyala wane Hanameli na yakambone yano yalemvile amazina yao muli kalata, na pa manso ya Ayuda yonsi yano yali mu musolo wakwe yakalinda.’ ”

Ezekelo 2:9

Lyene lino nalolekesya, indola ikasa likonzolwike, lilemile na kalata umupombwe.

Yelemiya 36:32

Fwandi Yelemiya ali pakutoola amapepala yauze apeela kalemba Baluki umwana wakwe Nelya. Nawe alembulula ndi muno Yelemiya wamunenyile. Alemba amazwi yonsi yano yali muli kalata wino yosile kuli Yeoyakimu, ukulundapo na mazwi aingi amu musango uli onga kwene.

Yelemiya 43:3

Wino akukutunka pali sweswe a Baluki, umwana wakwe Nelya apakuti atupeele mu makasa ya ina Babiloni yace yatukome, nanti ukutusenda ku uzya ku Babiloni.

Loma 16:22

Nani ne Telitasi, kalemba wakwe kalata wii, natuma ulau wa muli Klistu.

Zakaliya 5:1

Nupya cino nati kaninule amanso, indola icilolwa ca lupapulo ulwapapukanga umwiyulu.

Yelemiya 36:28

“Toola amapepala yauze ulembe amazwi yonsi yano yali muli kalata wakutandika, wino Yeoyakimu umwene wa ina Yuda woca.”

Yelemiya 36:26

Lelo umwene ali pakunena Yelameeli, umwana wa mwene, Selaya umwana wakwe Azilieli nga na Syelemiya umwana wakwe Abideli kuti yakaleme kalemba Baluki na kasema Yelemiya. Lelo Yawe wayafisile.

Yelemiya 36:23

Cila nsita akula Yeudi wawelenga imisilwa itatu nanti ini, umwene aputulako na kamupeni kakucembelako nga asumbila apa moto, mpaka sile kalata wensi pyu apya apa cininkwa ca moto.

Yelemiya 36:21

Umwene nawe atuma Yeudi ku kusenda kalata, nawe aya amuzana mu muputule wakwe kalemba Elisyama. Awelengela umwene na yacilolo yonsi ala iimilile umu mbali mbali.

Ezaya 8:1

Yawe wanenyile ne Ezaya ati, “Tola icakulembela penepo icikalamba, nga ulembe ni vilembelo ivikulu uti, ‘Maeli Syalali Hasyi Bazi.’ Kuli kuti ‘Kalauka ukuzanza, onona zuwazuwa.’

Yelemiya 25:13

Antu amutundu ulya nemo ndayacita vyonsi vino nayapangila. Vyonsi pyu vyalembwa mu lupapulo luu, vino Yelemiya wavwanga.

Yelemiya 30:2

Yawe, Leza wa ina Izlaeli wavwanga wati, “Lemba amazwi yonsi yano nkunenyile umu lupapulo.

Yelemiya 36:6

Fwandi nkulonda ukuti wewe ukanjiile kweneko apa wanda ulya lino antu yalata ukulya. Uce ukalemasye apa kuwelenga amazwi yaa, pakuti yace yuvwe vyonsi vino Yawe wayanenyile ndi muno nkunenile ukulemba. Uce ukasolole pamwi apatumpuke apakuti yonsi yace yakuuvwa, kumwi na Ayuda yonsi yano yalafuma mu misumba yao ya mumbali mbali.

Yelemiya 36:14

Alino yacilolo nayo yuvwana nu kutuma Yeudi umwana wakwe Netaniya, umwizikulu wakwe Syelemiya, icizikulula cakwe Kusyi, yamutuma kuli Baluki kuti aye akamunene alete kalata wino walakuwelengela antu. Nawe Baluki ali vino acita. Atoola kalata wilya, nga alungama na kuno yacilolo yali.

Yelemiya 36:27

Apacisila ca mwene ukoca kalata umwali amazwi yano Baluki walemvile, yano Yelemiya wamunenanga, izwi lyakwe Yawe lyafikile Yelemiya iliti,

Yelemiya 51:59

Lii, ali sunde lino Yelemiya wapile kuli Selaya, umwana wakwe Nelya, umwizikulu wakwe Maseya, wino Zedekiya umwene waku Yuda watumile ku Babiloni. Cico cali mu mwaka walenga iini wa wene wakwe. Selaya wali ali musika wa pa lwendo.

Yelemiya 51:60

Yelemiya walemvile umu lupapulo amasyamo yonsi yano yali nu kuponela Babiloni, na vyonsi vino vyali nu kufikila Babiloni.

Danieli 7:1

Mu mwaka uwakutandika uwa kuteeka kwakwe Belisyazali umwene waku Babiloni, ne Danieli nalosile iciloto nga naweni icilolwa usiku. Nalemvile iciloto cici.

Ezaya 30:8

Yawe wanenyile ne Ezaya ati, “Lemba umu lupapulo lumwi, pa misango ya antu apakuti cice ciye umboni wakuyasinila uwa manda pe.”