Yelemiya 36:29 - Amazwi Yakwe Leza 2013

²⁹ Nupya pamulandu wakwe Yeoyakimu umwene wa ina Yuda, uvwange uti, “Yawe akuti watuoca kalata wii uti, ‘Icani cino walembela amazwi akuti umwene waku Babiloni aliza mu cumi, alonona impanga ii nu kuisya umwaula umuntu nanti inyama?’

Yelemiya 36:29 Referans Kwoze

Yelemiya 26:9

Uzye pacani cino wasemela mwi zina lyakwe Yawe ukuti Ng'anda ino ikulu yakwe Leza ilaya waku Syilo, nu musumba uu ulasanguka wa lwanga umutanga mwikale umuntu?” Lyene antu yonsi yaunganila Yelemiya.

Ezaya 30:10

Yakanena yakalola yavilolwa, iyati, “Mute ukulola ivilolwa!” Nga na kuli yakasema nako iyati, “Mwemo mute ukutunena ivintu vyacumi, ivikatucisa uku myenzo. Mwemo mwatunena ivikatusansamusya. Muleke sile swemo twacita vino tuweni ukuti avino vyati vilola mwenemo.

Yelemiya 32:3

Lyene ali muno Zedekiya umwene waku Yuda wamuyalile nu kumunena ukuti cani cino ukusema ukupelwa kwa musumba uu mu makasa ya mwene waku Babiloni?

Ezaya 45:9

Kalanda kuli wiyo akulemanila na Kaumba wakwe, kuli wiyo akoline wa nyungu pakasi ka nyungu zyuze. Uzye ivu linganena nakamata liti, “Uzye ukumata cani?” Nanti limunene liti, “We nakamata, utakweti umanyililo!”

Ezaya 29:21

Leza alalovya yayo yonsi yano yakasombezya auze imilandu, alalovya na yayo yonsi yano yakakana kuti yapezye yampulamasunde, na yano yakapeela umboni waufi, apakufyengelekezya antu akaele umu milandu yao ilungamane.

Yobo 15:24

Akanda kakamoofya wakwe cimwi. Ucuzi nu ulanda vyaya panoli, kwati umwene uwaya uku nkondo.

Malango 29:19

Musininkizye ukuti pali mwemwe mwensi, mwemuno mwatimwimilila pano ilelo pataya nanti wenga uwakuisomba ukuti alaikala sile ningo ukwaula intazi nanti angala wene wacita ivyaucintuvwa wakwe. Owe mwe! Ale lyene wiyo alaleta ulupekeso ku muntu umusuma nu ku mwipe kwene.

1 Kolinto 10:22

Nanti uzye tukulonda kuleka Mwene aye nu uzuwa? Swemo tutaluta Mwene maka.

Milimo 5:39

Lelo ndi lyafuma kuli Leza, ale lyene mutangayacimvya, limwi mungazanwa vino mukulwisya Leza!” Alino amwi Tengo yazumila mazwi yakwe Gamalieli.

Milimo 5:28

“Twamupile ilamulo nu kukonkomezya kuti kutaya umuntu umwi uwakusambilizya mwi zina lya muntu wii,” lelo “Lolini cino mwati mwacita! Mwati musalanganya usambilizyo winu mu Yelusalemu monsi, nga mukasi kuti sweswe tuye nu mulandu wa kukoma muntu kwene wii?”

Yelemiya 28:8

Yakasema yonsi yano yatukolelile, wewe nani, yasowile ukufuma ku mpiti inkondo, inzala ni mpungo, ivyakwizila impanga izingi na yamwene akalamba.

Yelemiya 21:10

Pano natinsumba amanso yane apa musumba uu apa kuuletela isyamo, asi syuko foo. Wene ulapelwa mu makasa ya mwene waku Babiloni, nawe alaoca uku moto. Ivyalanda Yawe.”

Yobo 40:8

Uzye kwene Yobo wewe ukunena ukuti vino nemo inkapingula vitalola mwenemo, vwile?

Yobo 15:25

Vii vyonsi vyamucitikile pamulandu wakuti camukumvile, akatuka aya alwisya Leza Wamaka yonsi.

Yelemiya 25:9

indi nu kwama imitundu yaku kayeya, namaama umuomvi wane Nebukadineza umwene waku Babiloni, namaama antu yano yakaikala ku mpanga ilya apakuti yize yamuvwangatile, yavwangatile kumwi ni mitundu ino yamuzinguluka. Namamulovya mwensi pyu pakuti antu yauze ndi yalolekesya yatandika sile kuizakazila pamulandu ni ntete. Ivyalanda Yawe.

Yelemiya 25:13

Antu amutundu ulya nemo ndayacita vyonsi vino nayapangila. Vyonsi pyu vyalembwa mu lupapulo luu, vino Yelemiya wavwanga.

Yelemiya 33:12

Nupya kwene Yawe Wamaka yonsi wavwanga wati, “Umu mpanga kwene ii ino icili kwati ulwanga, umu siikala umuntu nanti inyama, ala mulaya nupya umulemvwe umwakuti yace yacemelamo iviteekwa.

Yelemiya 36:23

Cila nsita akula Yeudi wawelenga imisilwa itatu nanti ini, umwene aputulako na kamupeni kakucembelako nga asumbila apa moto, mpaka sile kalata wensi pyu apya apa cininkwa ca moto.