Yelemiya 36:10 - Amazwi Yakwe Leza 2013

¹⁰ Alino Baluki nawe ayawelengela amazwi yano yali mu kalupapulo, yano Yelemiya wamunenyile. Lilyo ala antu yonsi yakukutikila kuli Baluki. Apa kuwelenga Baluki wali mu Ng'anda ikulu yakwe Leza, mu muputule wakwe Gemaliya umwana wakwe Syafani kalemba wakwi sano. Umuputule wakwe, wayelile mu musolo wa papela, apa wingililo wa Mpongolo ya Ng'anda ikulu yakwe Leza, muno antu yonsi yanguvwa ningo.

Yelemiya 36:10 Referans Kwoze

Yelemiya 36:11

Lyene walanga Mikaya umwana wakwe Gemaliya, umwizikulu Syafani, uvwa amazwi yonsi yakwe Yawe yano yali muli kalata,

Yelemiya 52:25

Umu musumba mwene asendapo umuomvi uwali umukalamba wa vita, nga na antu yasano yampandamano ya mwene yano yazanyile mu musumba. Nga alino na kalemba uwaombelanga umukalamba wa vita, wino walembanga antu amu mpanga ilya ku ulwi ukwikapo na asambazi amakumi mutanda yano yazanyile mu musumba.

Yelemiya 26:10

Walanga intunguluzi zya Ayuda zyuvwa umulandu, zyakalawike ukufuma kwi sano, nu mu ng'anda yakwe Yawe, yaya yikala ku wingililo, apa mpongolo ipya ya Ng'anda ikulu yakwe Yawe.

Yelemiya 36:25

Nanti angala Elinatani, Delaya na Gemaliya yakonkomizye umwene kukana oca kalata, wene atuvwile foo.

2 Samueli 8:17

Zadoki, umwana umonsi wakwe Aitubi, pamwi na Aimeleki umwana umonsi wakwe Abyata yali a yasimapepo. Selaya wali a kalemba uwamu cilye ica milandu.

Yelemiya 36:8

Baluki umwana wakwe Nelya wacita vyonsi vino kasema Yelemiya wamunenyile kucita, apamulandu wakuwelengela antu amazwi yakwe Leza yano yali muli kalata mu Ng'anda ikulu yakwe Leza.

Yelemiya 36:6

Fwandi nkulonda ukuti wewe ukanjiile kweneko apa wanda ulya lino antu yalata ukulya. Uce ukalemasye apa kuwelenga amazwi yaa, pakuti yace yuvwe vyonsi vino Yawe wayanenyile ndi muno nkunenile ukulemba. Uce ukasolole pamwi apatumpuke apakuti yonsi yace yakuuvwa, kumwi na Ayuda yonsi yano yalafuma mu misumba yao ya mumbali mbali.

Yelemiya 35:4

Injatwala ku ng'anda yakwe Yawe yi pepo. Naingizya mu muputule wa ana yakwe Hanani, umwana wakwe Igidaliya umuntu wakwe Leza. Nu muputule uo wali mu pipi nu muputule wa vilolo, apapela nu muputule wakwe Maseya, umwana wakwe Syalumu kalinda wa mpongolo ya ng'anda yakwe Leza.

Yelemiya 29:3

Yano napiile kalata wii kuti yamusende a Elasa umwana wakwe Syafani na Gemaliya umwana wakwe Hilikiya, yano Zedekiya umwene waku Yuda watumile uku Babiloni kuli Nebukadineza, umwene waku Babiloni. Amazwi yano yali muli kalata yali ndi vii.

Yelemiya 26:24

Lelo pano nasyukile kavwangila, Aiikamu umwana wakwe Syefani, acino yatansumvile mu makasa ya antu pakuti yankome.

2 Yamwene 18:37

Lyene Eliakimu umwana umonsi wakwe Hilikiya kangalila wakwisano, na Syebina kalemba na Yowa umwana umonsi wakwe Asafu, kasunga wa milandu, yene iyaya kuli Hezekiya, ala yatiyalepola ivyakuzwala vyao umu ulanda, nu kuyanena umwene wao vino umukalamba wa vita vya ina Asilya avwanzile.

2 Yamwene 15:35

Lelo incende zino yakapepela mwenemo utuluwi yatazyononyile foo. Nupya antu yatwalilile ukupeelela impolelwa nu kocela ubani ku ncende zizi kwene. Yotamu akuululula impongolo yakupeela ya Ng'anda ikulu yakwe Yawe.

2 Samueli 20:25

Syeva wali a kalemba wamwi tengo. Zadoki na Abyata yali a yasimapepo.

1 Yamwene 6:36

Alino nupya apanga ni viumba vyakuzinguluka umusolo wa mukasi ukulingana ni mipelwa itali iya mawe yano yasonwa usaka sana nga nu mupelwa onga uwa myalo ya mbao zya mikelide.

Yelemiya 43:3

Wino akukutunka pali sweswe a Baluki, umwana wakwe Nelya apakuti atupeele mu makasa ya ina Babiloni yace yatukome, nanti ukutusenda ku uzya ku Babiloni.

Ezekelo 40:38

Kwali kweneko nu muputule, umulyango wauko wali umuputule wakwingililamo uwa mpongolo. Ali muno yafulilanga impolelwa zyakoca.

2 Yamwene 22:3

Mu mwaka walenga ikumi na cinani, uwakuteeka kwakwe, umwene Yosiya atuma kalemba, Syafani umwana wakwe Azaliya, umwana wakwe Mesyulamu, uku Ng'anda ikulu yakwe Yawe. Amunena ati,