Yelemiya 35:4 - Amazwi Yakwe Leza 2013

⁴ Injatwala ku ng'anda yakwe Yawe yi pepo. Naingizya mu muputule wa ana yakwe Hanani, umwana wakwe Igidaliya umuntu wakwe Leza. Nu muputule uo wali mu pipi nu muputule wa vilolo, apapela nu muputule wakwe Maseya, umwana wakwe Syalumu kalinda wa mpongolo ya ng'anda yakwe Leza.

Yelemiya 35:4 Referans Kwoze

Malango 33:1

Kuu, kuli kupolelela kuno Mose, umuntu wakwe Leza wapolelile aina Izlaeli lino atacili afwe.

2 Milandu 8:14

Solomoni wawakanga sana ivyacitanga isi Davidi. Fwandi nawe wankinye impuka zyakwe yasimapepo umwakuombela incito zyao amanda yonsi. Wankinye na ina Levi aazwilizyanga yasimapepo umu kwimba inyimbo nu kuomba imilimo yuze.

2 Yamwene 12:9

Alino Yeoyada apanga imbokosi, nga atulula ni cipongo apapela. Alino atoola imbokosi iyo aika pa mbali ya kavuwa, lwa kwilunji ukwayelile uwingililo wakwe cila muntu akwingila mukasi ka Ng'anda ikulu ilya. Simapepo wensi uwali paluti wasumbilangamo impiya zyonsi zino apefi yatuulanga.

2 Yamwene 25:18

Nga ukulunda penepo, Nebuzaladani umukalamba wakwe yakalinda ya mwene waku Babiloni wasenzile Selaya Simapepo Mukalamba, Zefaniya simapepo uwalondelile penepo mu ukalamba muli usimapepo. Ukwika penepo nayauze yatatu yakalinda ya Ng'anda ikulu yakwe Yawe.

2 Yamwene 1:9

Alino umwene atuma mukalamba wa vita wenga pamwi ni vita amakumi yasano, kuti vikasende Eliya. Mukalamba wa vita wilya ali pakuyazana Eliya ala ali pa mwamba papela. Ali pakumunena ati, “We muntu wakwe Leza, umwene akuti ika.”

1 Yamwene 12:22

Lelo Leza anena Syemaya, kasema wakwe, ati, “Nena

Yoswa 14:6

Lyene antu amu mutundu wakwe Yuda yiiza kuli Yoswa ku Giligali, nga Kalebu umwana wakwe Yefune umwina Kenizi amunena ati, “Umanyile cino Yawe wanenyile Mose umuntu wakwe Leza ku Kadesyi Banea ica pali wewe nani.

2 Timoti 3:17

Cii cikacitika pakuti umuntu wino akatumikila Leza angalingana nupya angaiteyanya kucita misango yonsi ya vicitwa visuma.

1 Timoti 6:11

Lelo wemo, we muntu wakwe Leza, utakumako ku vintu vii vyonsi viipe. Uwaezya namaka kucita vyaololoke, ukuya wamuzilo, uwa utailo, kutemwa, kuposya, nga nu kufuka.

Ezekelo 43:8

Lino yakuuzile viimbili vya milyango yao apipi ni ciimbili ca mulyango wane, na maingwe yao apipi na maingwe yane, yasya sile ulung'umba longa apakasi kao na kane, yene yasawisye izina lyane lyamuzilo uku vicitwa vyao vyawinyi. Acino nani nayononyile ku ukali wane.

Yelemiya 52:24

Nga ukulunda penepo, Nebuzaladani umukalamba wakwe yakalinda ya mwene waku Babiloni wasenzile Selaya Simapepo Mukulu, Zefaniya uwalondelile penepo mu ukalamba muli usimapepo, alino nayauze yatatu yakalinda ya Ng'anda ikulu yakwe Yawe, wa anyepwe.

Yelemiya 26:10

Walanga intunguluzi zya Ayuda zyuvwa umulandu, zyakalawike ukufuma kwi sano, nu mu ng'anda yakwe Yawe, yaya yikala ku wingililo, apa mpongolo ipya ya Ng'anda ikulu yakwe Yawe.

Masamu 84:10

Ukwikala wanda onga umwi sano lyako kwaluta amanda izimbi lyonga ukwikala kuze. Nupya ukwikala pa mulyango wa ng'anda yako we Leza, kwazipisya penepo ukucila ukwikala umu mang'anda ya antu aipe.

1 Milandu 9:27

Usiku onsi yene yalyatokanga ukuzinguluka Ng'anda ikulu yakwe Yawe, pamulandu wakuti yakweti umulimo wakulinda Ng'anda ikulu yakwe Yawe nga nu kuyula impongolo zyaiko cila katondo.

2 Yamwene 7:17

Umwene waku Izlaeli wasonsile inkombe iya iyamusukilile pakuya kuli Elisya, ukuti aliwe angaya kangalila wa mpongolo ya musumba. Lelo antu yene ku mufulo wao sile yamulyatola asuka afwa, wakwe muno Elisya wavwangile lino umwene watentemukile ukwakwe ku kumulola.

2 Yamwene 7:2

Lyene inkombe iyasukilile umwene inena kasema wilya iti, “Cico citange citale cicitike nanti panono, nanti sile Yawe umwisikulu angatuponyezya imvula.” Lelo Elisya aasuka ati, “Wemo ulailolela na manso yako kuno icintu cii cikucitika, lelo utalalya nanti kamwi apa cakulya cico!”

2 Yamwene 6:10

Acino umwene waku Izlaeli nawe acelula antu yakwe aikalanga mu ncende ilya, nga nayo yacenjela. Icintu cii cacitikanga amaila avule.

2 Yamwene 5:20

Geazi, umuomvi wakwe Elisya umuntu wakwe Leza, asyala akwelenganya ati, “Mutaweni vino musambazi wane wapanya isyuko pali Namani, wakana kuti amulifye nanti kamwi akanono! Vino ngano waliwapokelela sile vya mawila vino umwina Asilya wilya walakumupeela. Nalapa mwi zina lyakwe Yawe waumi, ukuti nkamulondelele uleke nkatole nanti sile akantu kamwi.”

2 Yamwene 5:14

Naamani ali pakuya uku luzi lwa Yodani, aitimpika mwenemo amaila cinimbali, wakwe muno Elisya walandile, nu kupola apola. Umwili wakwe Naamani iutelepa sile ningo, kwati akanya akacivyalwa, ali vino wene aswefiwa.

1 Yamwene 20:28

Lyene kasema wenga aya anena Aabu umwene waku Izlaeli ati, “Yawe wavwanga wati, ‘Pamulandu wakuti aina Asilya yakuti nene Leza uwamu myamba, lelo insi Leza uwamu manyika, ali cino namaleka kuti ucimvye iumba lya vita lilya nanti likule uli. Lyene alino ulamanya ukuti nene indi Yawe.’ ”

1 Yamwene 17:24

Lyene mangu wilya anena Eliya ati, “Icumi lyene alino namanya ukuti wewe muntu wakwe Leza, nu kuti Yawe akavwangila munuli.”

1 Yamwene 17:18

Mangu wilya anena Eliya ati, “Uzye icani cii cino wancitila vii, we kasema wakwe Leza? Uzye wiza kuno ku kwiusya Leza pa maifyo yane kuti aleke umwana wane afwe?”

1 Yamwene 13:26

Lino kasema mukote wino wawelulwisye umuze ku nzila ilya, uvwa ivintu vivyo, avwanga ati, “Eya, ali kasema wakwe Leza wilya wino atayezile amazwi yakwe Yawe. Acili cino Yawe watamutumila cisama uwatamukoma, ndi vivi kwene vino Yawe wavwanzile.”

1 Yamwene 13:1

Api lamulo lyakwe Yawe kasema wakwe Leza ukufuma ku mpanga ya Yuda aya ku Betele, nga afika kweneko ala Leoboamu aimi pipi lwapa kavuwa kuti apeele impolelwa.

1 Samueli 2:27

Lyene umuntu wakwe Leza aiza kuli Eli nu kumunena ati, “Yawe watavwanga ndi vino wene waisokolwile umu ng'anda yakwe so pa nsita ino so na ang'anda yakwe yatenzi ku Eguputo wa azya mwakwe Falao.

Yelemiya 35:3

Fwandi alino nkatuka injansenda Yazaniya umwana wakwe Yelemiya, umwizikulu wakwe Habaziniya na ina kumwi na ana yakwe, nga nu luko lonsi lwakwe Lekabu.

Ezekelo 40:38

Kwali kweneko nu muputule, umulyango wauko wali umuputule wakwingililamo uwa mpongolo. Ali muno yafulilanga impolelwa zyakoca.

Yelemiya 21:1

Zedekiya umwene waku Yuda watumile Pasyuli umwana umonsi wakwe Malikiya nga na simapepo Zefaniya umwana umonsi wakwe Manase, kuli ne Yelemiya, na mazwi yaa akuti,