Yelemiya 35:2 - Amazwi Yakwe Leza 2013

² “Yanga ku luko lwa ina Lekabu, ulande nayo nu kuyaleta mu muputule wa Ng'anda ikulu yakwe Yawe, uyapeele na waini yamwe.”

Yelemiya 35:2 Referans Kwoze

1 Milandu 2:55

Imitundu ii iyalondelela penepo yali aanyela mu vyakulembalemba nupya yikalanga mu musumba wa Yabezi. Yali a Tilati, Syimeati na Sukati. Yene yali aina Kenite afumile ku Hamati, yano yatwaline na amu luko lwakwe Lekabu.

1 Milandu 9:26

Lelo aina Levi yamwi yani, yao ali intunguluzi zyakwe yakalinda yapa mpongolo, yapilwe umulimo wakusunga imiputule ya Ng'anda ikulu yakwe Yawe kumwi ni vyuma vya mwenemo.

Ezekelo 40:16

Umu ng'umba zya miputule yonsi, mwali inzota lwa kunzi na lwa mukasi kwene. Apa ng'umba zya mukasi izyalozyanyizye amanso, pakalawilwe ni vilengwe vya miti ya ncindo.

Yelemiya 35:8

Ali cino swemo nu kuwaka tukawaka ilamulo lilyo lya cikolwe citu Yonadabu mwana Lekabu. Tusimwa waini nanti panono, ukutandikila sile pali sweswe kwene, aci itu, nga na ana itu aonsi na anaci kwene.

Yelemiya 35:4

Injatwala ku ng'anda yakwe Yawe yi pepo. Naingizya mu muputule wa ana yakwe Hanani, umwana wakwe Igidaliya umuntu wakwe Leza. Nu muputule uo wali mu pipi nu muputule wa vilolo, apapela nu muputule wakwe Maseya, umwana wakwe Syalumu kalinda wa mpongolo ya ng'anda yakwe Leza.

Neemiya 13:5

nupya wazumilizye Tobiya kuti angaomvya umuputule ukalamba uno mpiti yasungilanga mwenemo ubani, uwila wa usu, icikumi ca ngano, waini na mafuta. Kuli kuti vyamusangulo vino yapaatwilanga aina Levi, yakiimba ya nyimbo, yakalinda ya mpongolo, na yasimapepo.

Ezila 8:29

Mwavisunga ningo mpaka muce mukavifisye umu Ng'anda ikulu yakwe Leza. Muce mukavipimile mu miputule yakwe yasimapepo nga muce mukapeele yasimapepo yakalamba na akalamba ya ina Levi nga ni ntunguluzi zya ng'anda zya ina Izlaeli mu Yelusalemu.”

2 Milandu 31:11

Alino lyene Hezekiya apeela ilamulo lyakuti antu yateyanye inkoma umu Ng'anda ikulu yakwe Yawe. Nga nayo yateyanya umwakuti yasezya.

2 Milandu 3:9

Insunga zyakwe zaabu zino yapampamile kweneko, kwasyalilile panono kuti zifike kuli kilogalamu wenga. Uku ng'umba zya miputule yapapela nako kwene yapomile zaabu.

1 Milandu 23:28

Umulimo wa ina Levi wali uwakwazwa amu mupanda wakwe Aaloni mu kutumikila mu Ng'anda ikulu yakwe Yawe. Ukusunga imisolo ni miputule yakweyo, ukuswefya ivintu vyonsi vyamuzilo nu kuomba imilimo yuze yamu Ng'anda ikulu yakwe Yawe.

1 Milandu 9:33

Yamwi aina Levi yali nu mulimo wa kwimba inyimbo. Akalamba ya ndupwa zizyo yikalanga mu miputule imwi imwi yamu Ng'anda ikulu yakwe Yawe, nupya yataombanga imilimo yuze pano yene yali apintoke usiku nu musanya.

1 Yamwene 6:10

Utumiputule tutatu tonsi, cila kamuputule kakweti amamita 2 ukuya papela. Tonsi yatusuntinkinye ku Ng'anda ikulu yakwe Leza, lwa kunzi. Nupya yatulundinkinye ni myalo ya mikelide itali.

1 Yamwene 6:8

Umulyango wakwingilila umu tumiputule twakuila pansi waelile lwa kwikasa li lunji lya Ng'anda ikulu yakwe Leza, nu tumasitepu utukutungulula ukuya ku tumiputule twakwe ciili na twakwe citatu.

Yelemiya 35:3

Fwandi alino nkatuka injansenda Yazaniya umwana wakwe Yelemiya, umwizikulu wakwe Habaziniya na ina kumwi na ana yakwe, nga nu luko lonsi lwakwe Lekabu.

1 Milandu 28:12

Wene amupeela uwanziko wa vintu vyonsi vino Mupasi wamulenzile ukwelenganyizizya imisolo ya Ng'anda ikulu yakwe Yawe, kumwi ni miputule yonsi ukuzinguluka, yakusungilamo icuma ca Ng'anda ikulu yakwe Leza, nga ni miputule yakusungilamo amawila apaatwilwa Yawe.