Yelemiya 35:16 - Amazwi Yakwe Leza 2013

¹⁶ Mulole lyene vino ana yakwe Yonadabu umwana wakwe Lekabu, yene yawaka ilamulo lino icikolwe cao cayapile. Lelo mwemo mwakanililila sile syonko ukunjela.”

Yelemiya 35:16 Referans Kwoze

Malaki 1:6

Yawe Wamaka yonsi wavwanga wati, “Umwana umonsi akacindika isi, nga umuomvi akaoopa umusambazi wakwe. Ndi cakuti nene so, lyene pacani cino musincindikila? Ndi nene musambazi winu, lyene pacani cino musyangopa? Mwe yasimapepo mwemwe mukansuula. Lelo mukauzya muti, ‘Uzye tukakusuula umu nzila cii?’

Yelemiya 35:14

Isunde lya kuntamwa waini lino Yonadabu wasilile ana yakwe likalondelwa. Pasi pano kufika na pilelo yasyamwa pamulandu wakulondela isunde lya cikolwe cao. Lelo nemuno nkumunena nu kukonkomezya sana kwaula kutonta, musinguvwa foo.

Ezaya 1:3

Ing'ombe zyamanya uwaziteeka, ni mfwalasi zyamanya umulangu muno umutesi waziko akazilisizya. Lelo aina Izlaeli yene yatamanya, antu yane yasitezya nanti kamwi awe.”

2 Samueli 4:2

Isyibosyeti wakweti aomvi yaili yano yali intunguluzi zya vita ivyazanzanga. Wenga wali a Baana nu muze wali a Lekabu, ana aonsi yakwe Limoni umwina Beeloti, uwamu mutundu wakwe Benjamini. Beeloti nawe kwene yamwelenganya ukuya uwamu mutundu wakwe Benjamini,

Yelemiya 7:3

Yawe Wamaka yonsi, Leza wa ina Izlaeli, akuti, “Senulini imiyele inu ya wikazi nga ni vicitwa vinu vino mukucita, nga nani namazumilizya kuti mutwalilile ukwikala mu ncende ii.”