Yelemiya 34:7 - Amazwi Yakwe Leza 2013

⁷ Lilyo ala ivita vyaku Babiloni vikulwisya Yelusalemu ni misumba yuze yamalinga, imisumba sile iyamalinga iyasile umu Yuda a Lakisyi na Azeka.

Yelemiya 34:7 Referans Kwoze

Yoswa 10:3

Acino Adonizedeki umwene waku Yelusalemu atuma amazwi ya kuli Hoamu umwene waku Hebuloni, na kuli Pilamu umwene waku Yalamuti, na kuli Yafiya umwene waku Lakisyi nga na kuli Debili umwene waku Egiloni, ati,

Yelemiya 4:5

“Laizini umu mpanga yakwe Yuda nu kuuma imbila mu Yelusalemu muti, ‘Lizini intandala mu mpanga yonsi ya Yuda nu mu Yelusalemu!’ Pundini na maka muti, ‘Konganikini antu pamwi! Lekini tutukile ku misumba ya malinga!’

Yoswa 15:35

Yalamuti, Adulamu, Soko, Azeka,

Mika 1:13

Mwe ikazi aku Lakisyi, nyepelelini imfwalasi zinu ku maceleta. Mwemwe mweleuzyanga amaifyo ya ina Izlaeli, nga imuleka aikazi aku Yelusalemu yifya.

Yelemiya 34:1

Lino Nebukadineza, umwene waku Babiloni, ni vita vyakwe vyonsi pamwi nu wene wakwe onsi uno watekanga pano nsi, walwisyanga umusumba wa Yelusalemu ni misumba yakweo yamu mbali, izwi lyakwe Yawe lyafikile Yelemiya iliti,

Yelemiya 11:12

Lyene antu amu Yuda nu mu Yelusalemu yamayanga kuli tuleza tuno yakaocela impolelwa. Lelo kusi nanti cimwi cino tulayazwilizya lino uzanzo wayaponela.

Yelemiya 8:14

Antu yakwe Leza yuzya yati, “Uzye pacani cino twikala ukwaula kucita cimwi? Konganini, tulungame ku misumba ya malinga, akuno tukafwile. Pano Yawe Leza witu akulonda kutulovya nu kutumwesya amanzi yausungu, pamulandu wakuti twifya kunoli.

2 Milandu 27:4

Wene wakuuzile imisumba mu mpanga yonsi ya Yudeya, iya myamba ni misumba ya malinga ni mpungu mu mitengo.

2 Yamwene 19:8

Umukalamba wa vita uwaku Asilya uvwile ukuti umwene waku Asilya watafuma umu musumba waku Lakisyi nu kuyazanza umusumba wa Libina, umu pipi na kuno wayelile. Fwandi nawe ali pakuya kweneko apakuti yakuvwane nawe.

Yoswa 15:39

Lakisyi, Bozikati, Egiloni,

Yoswa 12:11

umwene waku Yalamuti, umwene waku Lakisyi,

Malango 28:52

Yene yalazanza imisumba yonsi iyaya mu mpanga ino Yawe Leza winu akumupeela, nupya na malinga kwene atali yano mwataila yalaongoloka.

Yoswa 10:5

Lyene yamwene yalya yasano ya ina Amoli, umwene waku Yelusalemu, nu waku Hebuloni, nu waku Yalamuti, nu waku Lakisyi nu waku Egiloni iyuminkanya ivita vyao. Alino iyakatusya vita vyao vyonsi iyaya iyateyamila ku musumba wa Gibyoni nga iyauzanza.

2 Yamwene 14:19

Antu yamwi amu Yelusalemu yakatukilanga Amaziya, nu kulonda uku mukoma. Fwandi nawe ali pakupuukila uku musumba wa Lakisyi. Lelo nako kwene anisi yakwe yatuma antu yamulondelela nga kuku kwene akuno yamukoma.

Ezaya 36:2

Alino umwene waku Asilya watumile umukalamba wa vita vyakwe pamwi ni umba ilikulu ukufuma ku Lakisyi ukwiza ku Yelusalemu kuli Hezekiya. Alino umukalamba wiyo aimilila apipi nu mufolo wa manzi apa cilambe ca papela lwa mu mbali ya museo muno mwaombelanga yakapikula ya nsalu.