Yelemiya 34:20 - Amazwi Yakwe Leza 2013

²⁰ ndayapeela umu makasa ya anisi yao nu mu makasa yakwe yano yakayapangila ukuyakoma.

Yelemiya 34:20 Referans Kwoze

Yelemiya 7:33

Ni vyala vya antu yayo vilaliwa uku vyunyi vyamu lwelele ni nyama zya mpanga, nga kutalaya uwakuvizinga.

Yelemiya 19:7

Mu cifoloma kwene cico ali muno navulunginye amapange ya antu aku Yuda na aku Yelusalemu. Namaleka ukuti anisi yao yayacimvye umu nkondo, nu kuyakoma ali muno yayakomele. Namaleka ukuti ivyunyi ni vinyama vya mpanga ali vino vyalya ivyala vyao.

Yelemiya 16:4

yalafwa imfwa ya ndwala ziipisye. Kutalaya wakuyalosya nanti ukuyaziika. Yalalala wa muvundo mu musili. Yalalowa ku lupanga nu ku cipowe. Ivyala vyao vilaya ivyakulya vya vyunyi vyamu lwelele ni vilyanyi vyamu mpanga.

Yelemiya 11:21

Aonsi amu Anatoti yano yalondanga kukoma ne Yelemiya ala yakunena yati, “Ndi cakuti watwalilila ukusema mwi zina lyakwe Yawe, lyene tumakukoma.”

1 Yamwene 16:4

Yasimbwa yalalya ivyala vyakwe yao ang'anda yakwe Baasya yano yalafwila mu musumba, nga ni vyunyi vyamu lwelele vilalya ivyala vyakwe yayo alafwila mu mitengo.”

Yelemiya 22:25

Nakupeela mu makasa yakwe yano yakalonda ku kukoma, mu minwe yakwe yano ukaoopa, mu minwe yakwe Nebukadineza umwene waku Babiloni, nu mu minwe ya ina Kalideya.

Yelemiya 21:7

Alino wiyo wensi aalapusuka ku mpungo nu ku lupanga nga nu ku cipowe, wene alalemwa ku mwene Nebukadineza nu ku anisi yao yano yalayakoma. Yene yalakomolwa kunoli ku cilimi ca lupanga lwakwe. Atalasya penepo nanti wenga nupya atalayuvwila uluse foo.”

1 Yamwene 14:11

Wensi uwamu mupanda wakwe Yeloboamu wino alafwila mu musumba, yasimbwa yalamulya. Wensi wino alafwila mu mutengo, amakozi yalamulya. Natimvwanga, ne Yawe.’”

1 Samueli 17:46

Uwanda kwene uu Yawe amakundemela. Namakucimvya nu kuputula umutwe wako. Nupya namapeela imili ya asilika ya ina Filisti ku vyunyi ni vinyama kuti vilye. Lyene amu nsi yonsi yalamanya ukuti umu mpanga ya ina Izlaeli mwaya Leza.

1 Samueli 17:44

Umwina Filisti anena Davidi ati, “Iza kuno, nga nani namapeela umunyefu wako ku vyunyi ivikapapuka ni nyama zya mpanga kuti zilye!”

Ezekelo 32:4

Ndakutama pansi nu kukuvwintila mu calo. Ndaleka ivyunyi vyonsi vya mulwelele ni nyama zya mpanga kuti vikulye.

Ezekelo 29:5

Nkukuvwintila mu lwanga pamwi ni nswi zyamuli Nailo wako. Ulaponela pansi usalile, yatalakulombola nanti kukuzika. Ndakucita cakulya ca nyama zya mpanga ni vyunyi vyamu lwelele,

Yelemiya 49:37

Indoofya aina Elamu pa cinso ca anisi yao, apa cinso cakwe yano yakapangila kuyakoma. Ndayaletela ulanda, icipyu cane cikalipisye. Ndayalondelela nu lupanga, suka sile ince njalovye pyu. Ivyalanda ne Yawe.

Yelemiya 44:30

Falao Ofila, umwene waku Eguputo, ndamupeela umu makasa ya anisi yakwe yano yakalonda uku mukoma. Ndamucita ndi vino napiile Zedekiya, umwene waku Yuda umu makasa yakwe Nebukadineza, umwene waku Babiloni, uwali umwanisi wakwe, wino walondanga uku mukoma.”

Yelemiya 38:16

Lelo umwene Zedekiya alapa mu umfisolo kuli Yelemiya ati, “Cumi cumi Leza andye, intakukukoma foo. Ntalakusumba mu makasa ya antu yaa yano yakulonda kukukoma.”

Yelemiya 4:30

Alino nawe we Yelusalemu, ulazanzwa! Uzye pacani cino ukazwala insalu ziyenzulukile? Uzye pacani cino ukazwala iviyembelo vyakwe zaabu, nu kuipentola apa vipa vyako? Ala ukuicuzya sile apakuiyemvya! Yayo akutemilwe mpiti yatiyakusuula, yene yakulonda kukukoma.

Malango 28:26

Lino mulafwa, ivyunyi ni nyama zya mpanga iviliza vilye imili inu, nupya kutalaya nanti aumwi uwa kuvizila.

Masamu 79:2

Ivyala vya antu yako vyativipelwa uku vyunyi kuti vilye. Ivyala vya antu yako avino vyapeelwa uku nyama zya mpanga kuti zilye.

Yelemiya 12:9

Antu yane asololwe yakoline wa cunyi cino yatiyazanza konsikonsi uku makozi. Lyene yakwama ni nyama zyonsi izya mpanga kuti zize ziilyokezye.

Ezekelo 23:28

“Nemo ne Yawe nkukunena vii nati, ndakutwala ku antu yano wemo wasoka, yano cakufuulila.

Yelemiya 39:6

Kuku kwene ku Libula umwene waku Babiloni akoma ana aonsi yakwe Zedekiya apa manso yakwe Zedekiya kwene nga akoma na asambazi yonsi amu Yuda.